Marcos 10:38 - Biblia Dc en Mixe de Quetzaltepec

³⁸ Ënet ja Jesús y'ëtsoowëtë: Ka'ap xynyijawëtë mëti'ipë m'amëtoowtëpën. ¿Mkupëktëp ja ëyo'on ijxtëmës n'ëyowa'anyënë, ets mnëëpätëty ijxtëmës nëëpäta'anyënë?

Biblia Mixe de Quetzaltepec

³⁸ Ënät ja Jesús y'ëtsoowëtë: Ka'ap xynyijawëtë mëti'ipë m'amëtoowtëpën. ¿Mkupëktëp ja ëyo'on ijxtëmës n'ëyowa'anyënë, ets mnëëpätëty ijxtëmës nëëpäta'anyënë?

Marcos 10:38 ပူးပေါင်းရင်းမြစ်များ

Lucas 12:50

Kopkpëky koos n'ëyo'onpaata'any ets njotmaypyaata'any, mëkës n'ëyoy koos njëjp'ixy jëna'a jëtu'un jyata'any.

Juan 18:11

Ënätyë ja Jesús t'ënëmaay ja Pedro: Pëjkë'ëk yë mtëypyujxn ma tyëjkën. Pën Dios Teety ënaanp etsës n'ëyowëty, ¿Tiijës ko nkakupëkëty?

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Salmos 75:8

Ko yë Dios jyoot'anpëky, jëtu'un tpaaty tä jeexyë a'ukën tmëët'atyën kyë'ëjotm mëët yë nëë mëti'ipë xunën. Ko ënety yë'ë tnaaxkutämë yë tsatym nyëë, tëkokyë yë ëxëëkja'aytyëjk jënu'un yajpaatën naaxwiiny, nëjkxëp t'ukmujkta'atë ya'atë tsatym nyëë, ets ni tu'ktsuny nëjkx tkayajwë'ëmtë.

Santiago 4:3

Ets ko xy'amëtowtë, ka'ap myajmo'otë, jä'ä ko ka'ap oy xy'amëtowtë ets jä'ä ko jam xyajtuna'antë ma ka'ap pyaat'atyën.

Romanos 8:26

Jëtu'un ja Kënu'kxymyëkajtën xypyutëjkëmë ma tii ntsipja'awëmën. Jä'äkyëjxm ko nkajajtëm wi'ix ja Dios nja'amyäjtsmëtyën ijxtëm pyaat'atyën, yë Kënu'kxymyëkajtën ëëts xykyunu'kxtakëm ma ja Tiosën, jä'ä ko ka'ap ja aaw ayuk yajpaaty wi'ix yajkajpxpëtsëmëtyën.

Lucas 22:42

Dios Teety, pën mijts m'ënaanp, tun yë mëyajtën ëts xyajkutukëty etsës ka'ap nmë''ëyowëty ya'atë jotmay, mëti'ipë jëtu'un tä ta'amnëëjën; je'eyëp ko ka'ap y'ëjtsëty njä'a tyunëty, yë'ë yajtun wi'ix mijts të xytyuknipëjktaakën.

Marcos 14:36

Ets tmëkäjpxy ja Dios: Mijts, Dios Teety, mijts winë myaj'o'oyëtyääpy. Këtii xyajkutukëty etsës n'ëyo'onpaatëty; je'eyëp ko ka'ap jyëtu'unëty ijxtëmës ëjts tii ntsokyën, yë'ë tunëp ijxtëm të xytyuknipëjktaakën.

Mateo 26:39

Ënet ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Dios nja'amyejtsy, jëtu'un y'ënäny: Dios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Jeremias 45:5

¿M'amëtowäämpy mëti'ipë mëpaat mëjwiin këjää xytyukjotkujk'atyënë? Pën jëtu'un, këtii nëkoo xy'amëtowëty, jä'ä ko ëjts ëyo'on jotmayës je'eyë nkäxäämpy ma naaxwiinyëtë ja'ayën. E mijts ka'ap wi'ix yë mjuukyajtën jyata'any, oy maa mnëjkxëty. Ëjts mëti'ipë Wintsën'ajtpën, ëjts ënaanp.

1 Reyes 2:22

¿Wi'ix ko xy'amëtoy yë Abisag ets mëët tsyëënëty yë Adonías? Jëtu'un t'ëtsooy ja yajkutujkpë ja tyaak. Je'eyë jyaak tëkoy'äty ets xy'amëtowëtyës yë kuttujkën tääts yë'ë yajmo'ojëty, mëët yë'ëkyëjxm ko n'ajty'ätyës ets mëët yë'ë ko y'ëkputëkëty ja teety Abiatar ets Joab, yë Sarvia myaank.

Jeremias 25:15

Jëtu'unës të xy'ënëëmë yë Wintsën mëti'ipë yë Israel ja'ayëty Tyios'ajtëpën: Ix tyaapë a'ukën, ujts yajpaaty mëët yë ntsip n'äkës. Këëyë'ëk ets nëjkx xytyuk'uuky tëkokyë yë naax kajpn ma të nkexyën.

Mateo 3:6

Tmaaywyatstë ja pyoky ets ja Juan yajnëëpätëtë Jordán nëëjotm.