Marcos 10:22 - Biblia Dc en Mixe de Quetzaltepec

²² Ko ja ja'ay jëtu'un tmëtooy, ënät tyëjkëy kuma'ay kutajëpë, jä'ä ko kumeenyjyä'äy ënety.

Biblia Mixe de Quetzaltepec

²² Ko ja ja'ay jëtu'un tmëtooy, ënät tyëjkëy kuma'ay kutajëpë, jä'ä ko kumeenyjyä'äy ënäty.

Marcos 10:22 ပူးပေါင်းရင်းမြစ်များ

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

2 Corintios 7:10

Ja mo'onën tujkën mëti'ipë yajmënajxp yajjëjpnajxpën ijxtëm ja Dios tsokyën, yë'ë jëtu'un yajjootwinpijtp ets ja nitsokën npatmëty ets ka'ap tii nmëma'ay nmëtajmëty. E ko nmëma'ay nmëtajmëty jëtu'un ijxtëm ja mëti'ipë myëmaay myëtajtëpën ja naaxwiinyëtë winma'any, o'kën yë'ë tukpatp.

Lucas 18:23

Ko jëtu'un tmëtooy, tääts jyotmaytyëjkëy, jä'ä ko kumeenyjyä'äy ënety.

Mateo 19:22

Ko ja yä'äy ëna'k jëtu'un tmëtooy, ojts jyotmaytyëkë, jä'ä ko kumeeny u'unk ënety.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Marcos 6:26

Tä ja Herodes jyotmaytyëjkëy; e jä'ä ko tëë ënety ja Dios tyajkäjpxy ets tëë ënety tmëtowtë ja ja'ay mëti'ipë jam kaaytyëpën, paaty ojts tkupëky.

Mateo 27:3

Ja Judas, mëti'ipë ënety ja Jesús të tkë'ëyäkyën, ko t'ijxy ko tëë ja o'kën yajtuknikäjpxy, tääts ojts nyätyukjotma'atyë ets ojts ja i'px majkpë poop pujxn meeny jatëkok tkë'ëyäky ma ja teety wintsëntëjkëtyën ets ja mëjja'aytyëjkëty,

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Marcos 10:21

Ënet ja Jesús wyintë'kxpäjtë mëët tu'uk ja oyjyot oywyinma'any ets y'ënëmaayë: Tu'uk mjaaktëkoy'ajtxëty. To'kta'a mëti'ipë mmëët'ajtypyën ets mo'o ja ëyoopëja'ay. Ënet ja Dios ja kuma'ayën mmo'ojëtëty tsajpjotm. Täänëm xypyaminëtyës.

Marcos 10:23

Ënet ja Jesús y'ijx'ëwëtijty ets t'ënëmaay ja y'ijxpëjkpëtëjk: Tsip ni'ik ets ja kumeenyjyä'äy tyëkëty ma ja Dios ja kyutujktaknën.