Marcos 10:2 - Biblia Dc en Mixe de Quetzaltepec

² Tääts ja fariseë ja'ayëty ojts jënaakën tninëjkxtë ja Jesús, ets je'eyë twinma'any'ixa'antë, tyajtëëwtë: ¿Kutujkp ets ja ye'etyëjk tyo'oxytyëjk t'ëxmatsëtyë?

Biblia Mixe de Quetzaltepec

² Tääts ja fariseë ja'ayëty ojts jënaakën tninëjkxtë ja Jesús, ets je'eyë twinma'any'ixa'antë, tyajtëëwtë: ¿Kutujkp ets ja ye'etyëjk tyo'oxytyëjk t'ëxmatsëtyë?

Marcos 10:2 ပူးပေါင်းရင်းမြစ်များ

Malaquías 2:16

Jëtu'un yë Wintsën, mëti'ipë maaytyääyëpën winë ets mëti'ipë yë Israel Tyios'ajtëpën, t'ënëmaay yë Israel ja'ayëty: Këwent'atë yë mjot mwinma'any ets këtii yë m'aaw m'ayuk xytyukxi'iktëty; jä'ä ko ëxëëkës n'ixy yë ja'ay mëti'ipë y'ëxmajtsypyën yë tyo'oxytyëjk ets nëë poky tuunë tkajpxnë.

Mateo 15:12

Ënet ja y'ijxpëjkpëtëjk nyimiinëtë ets y'ënëmaayëtë: ¿Mnija'ap mijtsë? yë fariseë ja'ayëty näwyinkajpxpätë të tjawëtë ko jëtu'un të m'ëna'any.

Mateo 16:1

Tääts ja fariseë ja'ayëty ets ja saduceos tnimiintë ja Jesús ets twinma'any'ixa'antë, yë'ë ojts t'amëtowtë ja Jesús ets tunëty mëj'ajtën mëti'ipë yajknikëxë'ëkëp ko Dios të kyexyë.

Mateo 19:3

Tam ja Farisejë ja'ayëty näjyëtu'un yajpaatë, yë'ë ja Jesús wyinma'any'ixantëp je'eyë ets tyajtëëwtë: ¿Kutujkp ets ja ye'etyëjk t'ëxmatsëty ja tyo'oxytyëjk ko tii tuk'ijxma'atëtyë yiinpë wäänpë?

Mateo 22:35

ets nitu'uk ja fariseë ja'ayëty mëti'ipë oy nyija'awëp ja Moisés ja y'ënä'ämën, ojts tjawinma'any ixa'any ja Jesús ets tyajtëëy:

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Mateo 9:34

E ja fariseë ja'ayëty jä'ä ja y'ënantëpë: Ku'oypyë wintsën ya'atë ja'ay, paaty yë mëk'ajtën tmëëtëty ets t'ixkäxëty yë ku'oypyë.

Marcos 10:1

Tääts ja Jesús tsyo'ony jam Capernaúm ets ojts nyijkx Judea y'itjotm, awinmtsow ma ja Jordán mëjnëëjën ets tukjëtijtëy ja itjot mëti'ipë wë'ëmpën xëëwpëtsëmtsyow. Ënet ja ja'ay nimay myujktë jatëkok ma ënety jamën ets ojts tyaj'ijxpëjktsoony, ijxtëm xëmë yaj'ijxpëkyën.

Marcos 10:3

Tääts ja Jesús y'ëtsooy: ¿Wi'ix ja Moisés tni'ënä'ämë?

Marcos 8:11

Ënet ja fariseë ja'ayëty tnimiintë ja Jesús ets je'eyë twinma'any'ixa'antë, yë'ë y'ixantëp pën jam muum kyajpxtëkoy, ets t'amëtowtë ja Jesús ets tyaj'ixëtëty tu'uk ja mëj'ajtën ets yajmëpëkëty pën janty jam tsyoony ma Tiosën.

Marcos 8:15

Tääts ja Jesús ja y'ijxpëjkpëtëjk t'ënëmaay: Näkyëwent'atëtë, këtiipë ja fariseë ja'ayëty ets ja Herodes ja'ay mtukpaatëtëty ja tsajpkääky nyitsooy.

Lucas 11:39

Tääts ja Jesús y'ënëmaayë: Miitsëty fariseë ja'ayëty, myajwatstëp nëkëjxy ja apëjk atu'unën. Jëtu'un miits mnäpyëjkta'akëtë ijxtëm jeexyë m'oyjyä'äy'atën, je'eyëp ko miitsëty ka'ap wya'ats'atë jä'ä ko je'eyë mtontë määtstë ets ja ëxëëkpë xytyuntë xykyajpxtë.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Lucas 5:30

Tääts ja fariseë ja'ayëty ets ja tsajptëkotyëtë yaj'ijxpëjkpë ojts tuknëëmëtë ja y'ijxpëjkpëtëjk ets t'ënëmaaytyë: ¿Tii ko yë Jesús ets miitsëty xymyëëtkaytyë yë yajkukëpäjtpëtëjk ets pokyjä'äytyëjkëty?

Lucas 6:7

ja tsajptëkotyëtë yaj'ijxpëjkpëtëjk ets ja fariseë ja'ayëty je'eyë tpa'ix tpawoontë ja Jesús, yë'ë y'ixantëp pën y'ëkyajktsokpy ja pa'amja'ay po'kxënxëëwjoty, jëtu'unts tni'ëënëja'antë.

Lucas 7:30

E ja fariseë ja'ayëty ets ja tsajptëkotyëtë yaj'ijxpëjkpëtëjkëty, ka'ap tkupëjktë mëti'ipë ja Dios ënety të jyatukmëtsokëtën, jä'ä ko ka'ap ënety të tkupëktë ets ja Juan yajnëëpätëtëty.

Juan 11:47

Ënet ja fariseë ja'ayëty ets ja teety wintsëntëjk tyajnämyujkëtë ja tsajptëkotyëtë yajjuntë'ajtpë ets y'ënantë: ¿Tii ënät ntu'unmëp? May ya'atë ye'etyëjk tuun'ëtë'ëtsy ja mëj'ajtën.

Juan 11:57

Ja fariseë ja'ayëty ets ja teety wintsënëty tëë ënety tni'ënä'ämëtë ko pën tnijawëty maa ja Jesús, ënätyë tnikajpxëty ets yajmatsëty.

Juan 7:32

Ko ja fariseë ja'ayëty tmëtoy'ajtëy ko ja ja'ay ja Jesús tnikäjpxy tnimëtya'aktë, ënät yë fariseë ja'ayëty ets ja teety wintsënëty ojts tkäxtë ja mëjtsajptëjk këwent'ajtpë ets tmatstëty ja Jesús.

Juan 7:48

¿Ëkë tëë jää pën nitu'ukën yë wintsën ëkë fariseë ja'ay myëpëkyë?

Juan 8:6

Jëtu'un ojts tyajtëwtë yë'ë y'ëk'ixantëp wi'ix ja Jesús y'ëtsoy, ko kyajpxtëkoyëty tääts ni'ëënëja'antë. Ja Jesús ojts wyintä'äky ets jyääy naaxkëjxy mëët ja kyë'ëwa'axy.

1 Corintios 10:9

Ka'ap ja Wintsën nwinma'any'ijxmëty, ijxtëm yë'ë ojts jënaakën y'ëtë'ëtstën mëti'ipëty ojts ja tsa'any kyutsu'utsëtën.