Marcos 10:19 - Biblia Dc en Mixe de Quetzaltepec

¹⁹ Mnija'ap ja Dios ja y'ënä'ämën, mëti'ipë ënaanpën: ka'ap myajja'ay'ookëty, ka'ap xyajwintsë'këntyëkoyëty ja pëjkën ukën, ka'ap mmäätsëty, ka'ap pën xynyi'antaakëty, mwintsë'ëkëp ja mtaak mteety.

Biblia Mixe de Quetzaltepec

¹⁹ Mnija'ap ja Tios ja y'ënä'ämën, mëti'ipë ënaanpën: ka'ap myajja'ay'ookëty, ka'ap xyajwintsë'këntyëkoyëty ja pëjkën ukën, ka'ap mmäätsëty, ka'ap pën xynyi'antaakëty, mwintsë'ëkëp ja mtaak mteety.

Marcos 10:19 ပူးပေါင်းရင်းမြစ်များ

Romanos 13:9

Jëtu'un ja ënä'ämën y'ënä'äny: ka'ap xyajtëkoytyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap mmëku'uk nyaax kyam xy'atsojkëty. Tu'kë'ëyë ya'atë ets wiinkëtypë ja ënä'ämën, ënät tsyoowtëjkëtyä'äy ko yajpatuny ja ënä'ämën mëti'ipë ënaanpën: Tsok ja mjëëky mmëku'uk ijxtëm kë'ëm mnätsyokyën.

Santiago 2:11

Jä'ä ko Dios tëë y'ënä'äny: ka'ap xyajtëkoytyëty ja nyiwintsë'kën ja pëjkën ukën, näjyëtu'un të y'ënä'äny: ka'ap myajja'ay'ookëty. Jëtu'unts, ko pën yajja'ay'ookëty, oy tkayajkwintsë'këntyëkoy ja pëjkën ukën, tëë ënety ja ënä'ämën tmëtëkooytyä'äy.

Lucas 18:20

Mnija'ap ja Dios ja y'ënä'ämën mëti'ipë ënaanpën: ka'ap xyajtëkoyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap m'anta'akëty ets wintsë'ëkë ja mtaak mteety.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Dios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.

Gálatas 5:14

Jëtu'un ja ënä'ämën tu'kë'ëyë yajpatuunta'ay: Tsok ja mmëku'uk ijxtëm kë'ëm mnätsyokyën.

Gálatas 4:21

Miitsëty, mëti'ipë ja Moisés ja y'ënä'ämën pyatunanëtëp, nikajpxtë, ¿ka'ap xynyijawëtë wi'ix ja ënä'ämën y'ënä'änyë?

Romanos 3:20

Ka'ap yë'ëkyëjxmëty ja ja'ay oy wyi'im Dios wyintum ko tpatuny ja ënä'ämën, yë ënä'ämën paaty jyää'aty ets nija'awëmëty tii poky kapoky, ets nija'awëmëty ko npokyjyä'äy'ajtëmë.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Marcos 10:18

Ënet ja Jesús y'ëtsooy: ¿Tiis ko jëtu'un xytyijy oypyë Wintsën? Yi'iyë Dios tu'uk oy.