Marcos 10:14 - Biblia Dc en Mixe de Quetzaltepec

¹⁴ Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Dios tsyokpy ma kyutujktaknën.

Biblia Mixe de Quetzaltepec

¹⁴ Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Tios tsyokpy ma kyutujktaknën.

Marcos 10:14 ပူးပေါင်းရင်းမြစ်များ

Mateo 19:14

Ënet ja Jesús y'ënëmaayëtë: Ixmatstë yë pi'k ëna'k, wä'änës xynyimintë, këtii xy'ëtuktëty, jä'ä ko yë'ë jëtu'unpë tä pi'k ëna'kën ja tsajpjotmëpë kuttujkën jyä'ä'atantëp.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Dios wintum.

Mateo 18:4

Pën yujy naxym näpyëjktakëp ijxtëm yë pi'k ëna'kën, yë'ë mëj'äämpy naxaanp ma ja tsajpjotmëpë kutujktaknën.

1 Pedro 2:2

Tsoktë ja Dios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Dios ja nyë'ë tyu'ujën ets jëtu'un ja nitsokën xypaatëty,

2 Timoteo 3:15

Ja'amyäts ko mutsknëm të xynyijawë ja Dios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

Apocalipsis 14:5

Ka'ap të wyin'ëëntë, nitii poky të tkamëët'atë.

2 Timoteo 1:5

Jä'ä ko nja'amyejtsypës wi'ix mijts ja mëpëjkën xymyëët'atyën. Ja mëpëjkën mëti'ipë ja mtaak mëjja'ay Loida myëët'ajtën ets ja mtaak Eunice, ets nija'apës ko mijts nän yë'ë jëtu'unpë ja mëpëjkën mëët'ajtyp.

Efesios 4:26

Ko mjoot'anpëkëty, këtii mpokytyuntëty; këtii tu'kxëëwpaaty mjoot'anpëkëty.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

1 Corintios 7:14

Ja ye'etyëjk mëti'ipë ja Jesukristë ka'ap tmëpëkyën, kënu'kxëtëp ja Dios ko ja tyo'oxytyëjk mëpëjkp; ets ja to'oxytyëjk mëti'ipë ja Jesukristë ka'ap tmëpëkyën, kënu'kxëtëp ja Dios ko ja nyiye'etyëjk mëpëjkp. Pën ka'ap jyëtu'unëty, jëtu'un jeexyë ja m'u'unk m'ëna'k y'itë ijxtëm mëti'ipë tyaak tyeety kamëpëjktëpën; je'eyëp ko ja m'u'unk m'ëna'këty, Dios ja kënu'kxëtëp.

Romanos 11:28

Ja jutiis ja'ayëty mëtsip'ajtëtëp ja Dios, paaty miits ja Dios mkënu'kxëtë; je'eyëp ko Dios tsyojk'ëtëtsyp ja jutiis ja'ay jä'ä ko ojts oy jyuuky'atë ja y'aptëjkëty.

Romanos 11:16

Jëtu'un ijxtëm ja jëtsyën mëti'ipë ja Dios yajtuknipëjktakëpën kënu'kxy ja nyäxy, näjyëtu'un ja tsajpkääky nän kënu'kxy jä'änë. Näyjyëtu'un ënät tu'uk ja kepy tyikts ko tëë Dios tkënu'kxy, ja kepyxye'enty aak wa'ats ja nyajxtaaynyë.

Hechos 3:25

Miitsëty tëë myajtukumaytyë ja Dios ja wyaantakën mëti'ipë ja käjpxynyajxpë ojts nimëtya'aktën, ets tëë näjyëtu'un myajtukumaytyë mëti'ipë ja Dios kyäjpxytyuunën mëët ja m'ap m'okëty: Ni'ëmukë ja naaxwiinyëtë ja'ay nëjkx yajkënu'kxtë ko ënety yajkënu'kxtë ja m'u'unk m'okëty.

Hechos 2:39

Miits yë Dios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Marcos 8:33

E ja Jesús ojts wya'akwinpity ets ja y'ijxpëjkpëtëjk twin'ijxpejty nixim niyam, tääts ja Pedro twinkukajpxëy: Winwa'ktutkës, jëtu'un mijts mkäjpxy ijxtëm ja mëtsipën. Ka'ap jëtu'un tii xymyëmay xymyëtajy ijxtëm ja Tiosën, jëtu'un mmay mtajy ijxtëm oynapën naaxwiinyëtë ja'ayën.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Isaías 65:23

Ka'ap ja tuunk nyatëkë'atëty, ko ënety ja u'unk ëna'k myëxu'unk'atë, ka'ap nëjkx yajpoktë, kënu'kxy ja Wintsën yaj'ita'anëtë, kënu'kxy nëjkx y'itë y'u'unk y'ëna'këty.

Salmos 78:4

Ka'ap ntukwinkuyu'utsa'anëm ja n'u'unk'ajt n'ok'ajtëm. Mëët ja pi'k ëna'këty mëti'ipë juuky'atantëpnëm, yë'ë mëët ntukxoontakmëty ja Wintsën ets nikajpx nnimëtyakmëty ja kyutujkën ets myëj'ajtën.

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

1 Samuel 1:22

Ja Aná ka'ap ojts nyijkxy, je'eyë ja nyiye'etyëjk t'ënëmaay: Ka'apës nëjkxa'any koonëm ja u'unk maay ja tyi'tsk t'ëxmatsëty. Täänëmës nmënëjkxa'any, etsës ja Wintsën yë'ë ntukë'ëtëkëja'any, jamts wyë'ëmnëty.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënety mijts të ntukmëyoxy.

Mateo 5:3

Jotkujk yë ja'ay yajpaatë mëti'ipë jyot wyinma'any jëtu'un yajmaay yajtajtëpën tä ëyoopëja'ayëtyën, jä'ä ko yë'ë jyä'ä'atantëp ja tsajpjotmëpë kuttujkën.

Mateo 5:10

Jotkujk yë ja'ay yajpaatë mëti'ipë yaj'ixjëtijtp yajpaajëtijtëpën mëët ko mëtëy tii tnipaye'eytyë, jä'ä ko yë'ë nëjkx tjä'ä'atë tsajpjotmëpë kuttujkën.

Juan 3:3

Ënet ja Jesús y'ënëmaayë: Tëy mijts t'ënëëmë, pën ka'ap jatëkok ja ja'ay myëxu'unk'aty, ka'ap tjëkyepy t'ixëty ja Dios ja kyutujkën.

Juan 3:5

Ënet ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Dios ja Myëjaaw myëk'ajtën, ka'ap tjëkyepy tyëkëty ma ja Dios ja kyutujktaknën.

Josue 8:35

Josué wa'ats tkajpxtaay ja aaw ayuk ma ja naax kajpnën mëti'ipë ënety ja Moisés të tyajwë'ëmyën ma ja Israel ja'ayëtyën, ja ja'ayëty ojts tmëtoowta'atë wä'än mëjja'ay mutskja'ayëty ets wä'än jaaypyaat jaaypyo'kxyëty.