Marcos 10:1 - Biblia Dc en Mixe de Quetzaltepec

¹ Tääts ja Jesús tsyo'ony jam Capernaúm ets ojts nyijkx Judea y'itjotm, awinmtsow ma ja Jordán mëjnëëjën ets tukjëtijtëy ja itjot mëti'ipë wë'ëmpën xëëwpëtsëmtsyow. Ënet ja ja'ay nimay myujktë jatëkok ma ënety jamën ets ojts tyaj'ijxpëjktsoony, ijxtëm xëmë yaj'ijxpëkyën.

Biblia Mixe de Quetzaltepec

¹ Tääts ja Jesús tsyo'ony jam Capernaúm ets ojts nyijkx Judea y'itjotm, awinmtsow ma ja Jordán mëjnëëjën ets tukjëtijtëy ja itjot mëti'ipë wë'ëmpën xëëwpëtsëmtsyow. Ënät ja ja'ay nimay myujktë jatëkok ma ënäty jamën ets ojts tyaj'ijxpëjktsoony, ijxtëm xëmë yaj'ijxpëkyën.

Marcos 10:1 ပူးပေါင်းရင်းမြစ်များ

Eclesiastés 12:9

Ko ja kë'ë ëmaaypyë tjak ni''ijxpëjkëy winë, ni'ik ojts winë tkajpxwä'kxy ma ja ja'ayën. Ojts näjyëtu'un may ja aaw ayuk tmä'kxy mëti'ipë juukyajtën nyimëtyäkpyën ets t'oytyuuntaay ijxtëm oy yajmëtowëtyën.

Jeremias 32:33

Jyëxkës të xytyuk'akëyëtë, ka'ap yë wyiin jyëjp të tyaktë. Ëjts xëmës të njamo'otë oypyë aaw ayuk ets jeexyë jyuukyajtën tyaj'oyëtë, yë'ëjëty ka'ap nijënu'un tmëjpëjkta'aktë ets ka'ap tsojkën'atë jyuukyajtën tyaj'oyëtëty.

Mateo 26:55

Näy jää ja Jesús ja mayjyä'äy tyajtëëy: ¿Tii ko xynyimintës mëët yë tëypyujxn ets kepy, ijxtëm jeexyë ëjts nmä'tspëtyën? Jëpom jëpomës ijty nyaj'ijxpëky jap tsajptëkoty ets ka'apës jää të xymyatstë.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Marcos 1:21

Tääts ojts jya'të jam Capernaúm. Po'kxënxëëw ënety të tpaaty ko ja Jesús jap tyëjkëy ma ja Judá ja'ay y'ijxpëktën ets tyëjkëy yaj'ijxpëjkpë.

Marcos 10:2

Tääts ja fariseë ja'ayëty ojts jënaakën tninëjkxtë ja Jesús, ets je'eyë twinma'any'ixa'antë, tyajtëëwtë: ¿Kutujkp ets ja ye'etyëjk tyo'oxytyëjk t'ëxmatsëtyë?

Marcos 12:35

Jam ënety ja Jesús yaj'ixpëky ma ja mëjtsajptëjkën, ets y'ënäny: ¿Tii ko yë tsajptëkotyëtë yaj'ijxpëjkpëtëjk y'ëna'antë ko yë Kristë David yë y'u'unk y'ok?

Marcos 14:49

Jëpom të nyajpaaty mëët miitsëty ko nyaj'ijxpëktë ma ja mëjtsajptëjkën ets ka'ap miits të xymyatstës. Paaty jëtu'un tyam tyunyë jyätyë winë ets ja Dios ja y'aaw y'ayuk y'atëwëty.

Marcos 2:13

Tso'on ja Jesús jatëkok ets ojts nyijkx nëë'akëyë pa'ajën, mayjyä'äy ojts nyiminyë ets tyaj'ijxpëjky.

Marcos 4:2

Jamts tyaj'ijxpëjky kanaakjëjp winë mëët ja ijxpäjtën. Ma yaj'ijxpëkyën jëtu'un ja mayjyä'äy t'ënëmaay:

Marcos 6:2

Ko tpaty ja po'kxënxëëw, ënät yaj'ijxpëjktso'ony tsajptëkotm ets ja mayjyä'äy mëti'ipë ënety myëtoow'ijtëpën mëjmëtoy tmëtoowtë ko jëtu'un yaj'ixpëky. Tääts nyäyajtëëwëtë: ¿Ma jëtu'unpë të t'ijxpëky? ¿Tii wijyajtën yë'ë të yajmo'oy? ¿Maa ja kuttujkën tpëky ets ja mëj'ajtën tyajnikëxë'ëkëty?.

Marcos 6:34

Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënet t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënet tyaj'ijxpëjktso'ony kanaakjëjp.

Marcos 6:6

Mëk tja'awëy ko ja ja'ay ka'ap myëpëjkë. Ënet kajpn kajpn jyëtijty tyaj'ijxpëky ja ja'ay.

Juan 10:40

Ënet ja Jesús ojts nyëjkxkojnëpë jam xëëwpëtsëmy nëë'awinm ma ja Jordán mëjnëëjën, ma ja Juan ijty yajnëëpetyën.

Juan 11:7

Ënet y'ënëmaayëtë ja y'ijxpëjkpëtëjk: Oy jatëkok nja'amëty jam Judea.

Juan 18:20

Ets ja Jesús t'ëtsooy: Tëës nnikäjpxy nikëxë'ëky mayjyä'äyjoty; xëmë ijty jap tsajptëkoty nyaj'ijxpëkyës ets näjyëtu'un ma ja mëjtsajptëjkën ma ja jutiis ja'ayëty ye'eymyuktën. Ka'apës ma tii yu'utsy të nnikäjpxy.