Marcos 1:8 - Biblia Dc en Mixe de Quetzaltepec

⁸ Tëë miits nyajnëëpätë mëët yë nëë; yë'ë, Kënu'kxymyëkajtën mëët myajnëëpäta'anëtë.

Biblia Mixe de Quetzaltepec

⁸ Tëë miits nyajnëëpätë mëët yë nëë; yë'ë, Kënu'kxymyëkajtën mëët myajnëëpäta'anëtë.

Marcos 1:8 ပူးပေါင်းရင်းမြစ်များ

Proverbios 1:23

Ja'aykyukëtë yajxon mëti'ipës yam nkajpxtëtäkpyën ets nmo'otëty ja nmëk'ajtën n'oyajtënës, e jëtu'unts yajxon xywyinjawëtëty mëti'ipës nwinma'any'äjtypyën.

Isaías 32:15

E ja Wintsën ja myëk'ajtën, mëti'ipë winë yajkojpyën minaanp jatëkok ma ëëtsajtëmën ets nëjkx ja itjot aanë'ëk tëëtsë'ëkpë y'awinpity jë'kxy naaxjot ets nëjkxëp jam winë y'ity wyintëy.

Isaías 44:3

Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Joel 2:28

Ko ënety jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Mateo 3:11

Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Marcos 1:7

Ma kyë'ë'ëmayën jëtu'un ijty y'ënä'äny: Tää myiny ok, mëti'ipë ni'ik yë mëk'ajtën myëët'ajtypyën këtiinëm ëjts, mëti'ipë ta'tspëky ja kyë'ëkën, ka'apë pën myäyëtëty t'akäjëty.

Marcos 1:9

Jää it ja Jesús tsyo'ony jam Nazaret, Galilea y'itjotm ets ojts ja Juan yajnëëpetyë ma Jordán mëjnëëjën.

Lucas 3:16

Tääts ja Juan y'ënëmaayëtë ni'ëmukë: Nëë mëët miits nyajnëëpätë, je'eyëp ko xypyamiinpës tu'uk ja ja'ay mëti'ipë myajnëëpätanëtëp mëët ja Kënu'kxymyëkajtën. Ka'apës ëjts xypyääty etsës ja kyë'ëk n'akäjëty.

Juan 1:26

Tääts ja Juan y'ëtsoowëtë: Nëë mëët nyajnëëpetyës; je'eyëp ko tää tu'uk ma miitsëtyën mëti'ipë ka'ap xy'ixy'atën,

Juan 1:33

Ka'apës ënety ëjts nijawë pën yë'ë, je'eyëp ko mëti'ipës xykyäjxën etsës nyajnëëpätëty nëë mëët, yë'ëjës xynyëmaay: Yë'ë mtuk'ixëp ko ja Kënu'kxymyëkajtën tyukëta'akëtëty ets nyäpyëjkta'akëtëty ma yë'ëjën, yë'ë ënety mëti'ipë nëjkx yajnëëpetyën mëët ja Kënu'kxymyëkajtën.

Hechos 1:5

Tëy ko ja Juan yajnëëpejty mëët ja nëë, miitsëty tsojk mnëëpäta'antë mëët ja Kënu'kxymyëkajtën.

Hechos 10:45

Ja mëpëjkpëtëjkëty mëti'ipë ja Judá ijxpëjkën mëpëjkën tyuk'ijtëtyëpën, mëti'ipë ënety ja Pedro mëët të jya'tën, jä'ä ojts mëj'ixy t'ixtë ko ja'ayëty yajmo'otë ja Kënu'kxymyëkajtën mëti'ipë ka'ap jyutiis'atën,

Hechos 2:17

Ko ënety ja naaxwiinyëtë kyëxanë, jääjës ja ja'ay ni'ëmukë nmo'oja'any ja njot nja'awën. Miits ja mnëëxëty, mmaankëty kyajpxtëp myëtya'aktëp ja n'aaw n'ayukës. Ja myä'äy'ëna'këty y'ixtëp ja mëti'ipës ënety ntuk'ixantëpën, ets ja mëjja'aytyëjkëty nëjkxëp mya'atë pyo'ktë oy tsuj.

Hechos 2:4

Ets ja Kënu'kxymyëkajtën myooyëtë ja winma'any ets ja mëk'ajtën jëtu'un ijxtëm ënety japëtyën ets tuntëty tkajpxtëty mëti'ipë ja Dios tsyojkpyën, ets ja ayuk wiinkëtypë ojts tkajpxtë wi'ixjaty ja Kënu'kxymyëkajtën myooyëtën.

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.