Marcos 1:35 - Biblia Dc en Mixe de Quetzaltepec

³⁵ Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Dios mëkajpxpë të'ëts'itjotm,

Biblia Mixe de Quetzaltepec

³⁵ Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Tios mëkajpxpë të'ëts'itjotm,

Marcos 1:35 ပူးပေါင်းရင်းမြစ်များ

Salmos 109:4

Mëët yë'ë koos yë tsojkën ja'awën nmëëtëty, paaty xynyipëtë'ëktës; e ëjts je'eyës nwa'antä'äky nnu'kxtä'äky.

Salmos 5:3

Tsojk xymyëtoow'ita'any yë n'aaw nyo'knës. Jopy jopy ntuk'ëwa'anëkyojy yë n'amay njotmayës, ets ënät n'a'ixy njëjp'ixyës ja m'ëtsoowinpijtën.

Mateo 14:13

Ko ja Jesús tnija'awëy, ënät jam nätyu'uk tsyo'ony kepy nëëwinye'epyëjoty, jëkäm ojts nyijkxy. Ko ja ja'ay tnija'awëtyë ënät tsyo'ontë ma ja kyajpnëtyën ets ojts t'anëjkxëtë ja Jesús tekye'epy.

Mateo 14:23

Ko nyäjyëkajpxë, tääts pya'tëjkëy nätyu'uk jam kopkëjxm Dios mëkajpxpë. Ko kyootsëy, nätyu'uk ënety jam yajpaaty,

Marcos 1:36

ets ja Simón tsyo'ontë mëët ja myëku'uktëjkëty, Jesús yaj'ixtääpy.

Lucas 5:16

Kanaak'ok ja Jesús tnikeky ja mayjyä'äy ets ojts nyijkx jam apak itum, jamts ja Dios tja'amyejtsy.

Lucas 6:12

Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Juan 6:15

Ojts ja Jesús tnijawë ko ja ja'ay pyëjkta'aka'anyë atsip yajkutujkpë, paaty ojts jam tsyoony ets ojts nyijkx kopkëjxm nätyu'uk.

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

Filipenses 2:5

Näyjyëtu'un ja winma'any xymyëët'atëty ijxtëm ja Kristë Jesús tmëët'atyën.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.