Marcos 1:24 - Biblia Dc en Mixe de Quetzaltepec

²⁴ Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Dios myajnaxyë.

Biblia Mixe de Quetzaltepec

²⁴ Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Tios myajnaxyë.

Marcos 1:24 ပူးပေါင်းရင်းမြစ်များ

Mateo 8:29

Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Dios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Santiago 2:19

Mijts mmëpëjkpy ko ja Dios tu'ukyë yë'ë, oy ko xymyëpëky; je'eyëp ko yë ku'oypyë myëpëjktëp näjyëtu'un ets tsëtyuuytyëp ko tsë'ëkëtë ja Dios.

Lucas 4:34

¿Tiijës xytyuktëytyuunp, mijts Jesús Nazaretëtë ja'ay? ¿Yë'ë të xynyiminy etsës xyajkutëkoyä'änyë? Wa'ats mijts n'ixy'äty, Dios Kënu'kxypyë mijts.

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Hechos 2:27

Ka'ap mijts xyajwë'ëmëtyës o'kpëjutjoty, ni xykyayajkutukëty ets wyintëkoyëty ja mwa'ats Ja'ay nyi'kx kyopk.

Lucas 8:28

Ko t'ijxpaty ja Jesús ets twinkoxtënaay, tääts y'ënäny ayaxp ajojkp: Jesús, Dios ni'ik këjxmëpë y'u'unk, ¿tii mtsojkpy mëët ëjts? Tun ja mëyajtën, këtiis xyajjotkëxy.

Marcos 5:7

Tääts ayaxp ajojkp t'ënëmaay: ¿Tii mtsojkpy mëët ëjts? Dios ni'ik këjxmëpë y'u'unk. Nmënu'kxtäkpy mijts, tun ja mëyajtën Tioskëjxm, këtiis xyajjotkëxy.

Salmos 16:10

Jä'ä ko mijts ka'apës o'këntuuy xyajwë'ëma'any, ka'ap tjëkyepy jap jutjoty tu'uk yë wa'ats ja'ay xy'ëxmatsëty.

Juan 6:69

Tëës mijts nmëpëktë ets nija'awëtyëpës ko mijts mKristëty, Dios Wa'atspë.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Dios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Dios U'unk yë'ë.

Hechos 24:5

Tëës yajxon nijawëtë ko ya'atë ja'ay y'ëyo'onpëjktä'äky ets ja jutiis ja'ay tyajjoot'anpëky ets tyajnäwyä'kxyë tu'kë'ëyë naaxwiinyëtë ja'ay ets yë'ë nyikopk'ajtyp ko t'ijxpëktë tu'uk ja Nazaretëtë ja'ay ja y'ijxpëjkën.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Lucas 24:19

Tääts ja Jesús tyajtëëy: ¿Tiixë të tyuny të jyätyë? Ets y'ëtsoowtë: Ja Jesús Nazaretëtë ja'ay, ja Dios ja kyäjpxynyajxpë mëti'ipë mëk'ajtën mëët winë tuunyën ma Tiosën ets ma ja ja'ayëtyën.

Mateo 2:23

Ko jam jyajtë, Nazaret ojts nyëjkxtë tsënääpyë. Jëtu'un y'atëëy mëti'ipë ënety ja Dios ja kyäjpxynyajxpëtëjk të tnikajpxtën, ko y'ënantë, ja Mesías: Nazareno yajtijëty.

Lucas 8:37

Jä'äkyëjxm ja Gerasa ja'ayëty ni'ëmukë tmëpëjktsoowtë ja Jesús ets jam tsyoonëty, tsë'këtëp ja ni'ik. Ënet ja Jesús kepy nëëwinye'epyëjoty tyëjkëy ets tsyo'ony.

Éxodo 14:12

Ya'atë ojts nja'ëntijtës, ko jap nja'ënëmaaytyë: Ixmajtstëkës minës yë'ë n'ëkmëtuntë yë Egiptë ja'ayëty, jaak'oy'ajtp koos yaa je'eyë ntimmyëtun ntimkyupëktëty ets këtii koos jam nëjkx muum je'eyë n'ooktë wintë'ëtstum.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Marcos 1:23

Japts ënety tu'uk ja ja'ay tsajptëkoty mëti'ipë ku'oypyë myëët'ajtypyën, ënätyë ojts mëk tyëkë yaxpë jojkpë:

Marcos 1:25

Tääts ja Jesús mëj'äämpy twinkukajpxëy ja ku'oypyë: Amonyë, ëxmats ya'atë ja'ay.

Marcos 10:47

Ko ja ja'ay wiintspë tmëtooy ko nyäxy ja Jesús, Nazaretëtë ja'ay, ënät tyëjkëy yaxpë jojkpë: Jesús, yajkutujkpë, David yë y'u'unk y'ok, pa'ëyoowkës.

Marcos 14:67

Ko ja Pedro ojts yaj'ixy tam xyämy, ënät tu'ukyë wyin'ijxpetyë ets y'ënëmaayë: Näjyëtu'un ijty mijts xypyajëtity yë nazaretëtë ja'ay, yë Jesús, ¿këtiijë?

Marcos 16:6

e ja yä'äy ëna'k jëtu'un y'ënëmaayëtë: Këtii mtsë'ëkëtë. Miits yë'ë m'ixtaaytyëp ja Jesús, Nazaretëtë ja'ay, mëti'ipë ojts kyëruutspetyën. Tëë jatëkok jyuukpyiky, ka'ap ja yaa pën. Oy xytyim'ixtëty ma ojts yajpëjktä'äkyën.

1 Juan 2:20

Tëë miits ja Dios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.