Marcos 1:21 - Biblia Dc en Mixe de Quetzaltepec

²¹ Tääts ojts jya'të jam Capernaúm. Po'kxënxëëw ënety të tpaaty ko ja Jesús jap tyëjkëy ma ja Judá ja'ay y'ijxpëktën ets tyëjkëy yaj'ijxpëjkpë.

Biblia Mixe de Quetzaltepec

²¹ Tääts ojts jya'të jam Capernaúm. Po'kxënxëëw ënäty të tpaaty ko ja Jesús jap tyëjkëy ma ja Judá ja'ay y'ijxpëktën ets tyëjkëy yaj'ijxpëjkpë.

Marcos 1:21 ပူးပေါင်းရင်းမြစ်များ

Marcos 6:2

Ko tpaty ja po'kxënxëëw, ënät yaj'ijxpëjktso'ony tsajptëkotm ets ja mayjyä'äy mëti'ipë ënety myëtoow'ijtëpën mëjmëtoy tmëtoowtë ko jëtu'un yaj'ixpëky. Tääts nyäyajtëëwëtë: ¿Ma jëtu'unpë të t'ijxpëky? ¿Tii wijyajtën yë'ë të yajmo'oy? ¿Maa ja kuttujkën tpëky ets ja mëj'ajtën tyajnikëxë'ëkëty?.

Marcos 1:39

Jëtu'un ja Jesús t'aye'eytyääy ja kajpn Galilea y'itjotmëpë ets ja Dios ja y'aaw y'ayuk tkajpxwa'kxë jam tsajptëkotm ets t'ixkejxy ja ku'oypyë.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Hechos 17:2

Ënet ja Pablo tyëjkëy tsajptëkoty, ijxtëm xëmë tuny'ätyën ets tnimëtyäky ja Dios ja y'aaw y'ayuk. Tëkëëk sëmaan ja ja'ay mëët nimëtyaktë ja Dios ja y'aaw y'ayuk.

Hechos 18:4

Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Mateo 4:13

Jam tsyo'ony Nazaret ets ojts nyijkxy ma ja Capernaúm kajpnën tsënääpyë nëë'akëyë pë'am ma ja Zabulón it ets Neftalí itën.

Lucas 13:10

Tëkok jyäjty kyëpejty jam ënety ja Jesús yaj'ixpëky po'kxënxëëwëtë tsajptëkotm.

Lucas 10:15

Ets mijts Capernaumëtë ja'ay, ¿jëtu'un may mtajy ko tsajpjotm myajmënëjkxa'anyë? Niwi'ix'äämpy, wäänë pa'tkë'p mijts mnëjkxa'any ëyoowtaknjoty.

Lucas 4:16

Ja Jesús ojts nyijkx jam Nazaret, ma ënety të yeeky të pyetyën. Ko tpaty ja po'kxënxëëw, ënät ojts tyëkë jap tsajptëkoty, ijxtëm ijty tuunk'atyën, tääts wya'kujkëy ets ja Dios ja y'aaw y'ayuk ojts tkajpxë.

Marcos 10:1

Tääts ja Jesús tsyo'ony jam Capernaúm ets ojts nyijkx Judea y'itjotm, awinmtsow ma ja Jordán mëjnëëjën ets tukjëtijtëy ja itjot mëti'ipë wë'ëmpën xëëwpëtsëmtsyow. Ënet ja ja'ay nimay myujktë jatëkok ma ënety jamën ets ojts tyaj'ijxpëjktsoony, ijxtëm xëmë yaj'ijxpëkyën.

Marcos 2:1

Komjeky, ënät ja Jesús tyëjkëy jatëkok Capernaúm ets ja ja'ay tnija'awëtyë ko ënety të jyä'ty jam tëjkwintum.

Marcos 1:20

Tääts ojts myëkajpxëtë. Ojts ja tyeety Zebedeo t'ëxmatstë mëët ja tyuunpëtëjk jap ma ja kepy nëëwinye'epyën ets ojts tpanëjkxtë ja Jesús.

Marcos 1:29

Ko ja Jesús pyëtsiimy tsajptëkotm ets ojts mëët nyijkx ja Santiagë ets Juan ets tyëjkëtyë ma Simón ets Andrés ja tyëjkën.

Marcos 1:33

Ni'ëmukë ja kajpn myiintë tëjk'ëkë'ëm ma ja Jesús ënätyën.

Marcos 3:1

Tääts ja Jesús jatëkok tyëjkëy tsajptëkoty. Tap ënety tu'uk ja ye'etyëjk mëti'ipë kyë'ëjën ooky tu'k'atu'um.

Lucas 4:23

Tääts ja Jesús y'ëtsoowëtë: Njëjp'ijxypës ko miits ya'atë ayuk xykyajpxa'antë: Tsooyëpë, näyajtso'okët kë'ëm. Ets xynyëëmëja'antës näjyëtu'un: Mëti'ipë ëëts të nmëtowtën të xytyuny jam Capernaúm, tun yaa näjyëtu'un ma mkë'ëmkajpnën.