Malaquías 4:3 - Biblia Dc en Mixe de Quetzaltepec

³ Jä'ä xëëw ma ënety tpaatyën mëti'ipës yam nipëjktakëpën, jëtu'unyë nëjkx xy'atään xytyuktääntë yë ëxëëkja'aytyëjkëty tä naaxwayën.

Biblia Mixe de Quetzaltepec

³ Jä'ä xëëw ma ënäty tpaatyën mëti'ipës yam nipëjktakëpën, jëtu'unyë nëjkx xy'atään xytyuktääntë yë ëxëëkja'aytyëjkëty tä naaxwayën.

Malaquías 4:3 ပူးပေါင်းရင်းမြစ်များ

Job 40:12

Ëxëëk yajjat yajkëpät mëët ja mwiin mjëjp, yajkutëkooytya'a yë ëxëëkja'aytyëjk maajaty yajpaatën.

Romanos 16:20

Jëtu'unts ja Dios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Malaquías 3:17

Yë Wintsën mëti'ipë maaytyääyëpën winë, jëtu'un y'ënä'äny: Yë'ëjës yam ntuknipëjktakëp yë xëëw jëmëjt jëna'a yë'ëjëty jatëkok y'awinpitëty nnaax nkajpnës. Jëtu'un tä tu'uk yë u'unkteety u'unktaak tpa'ëyoyën yë y'u'unk myääy mëti'ipë mëmëtoowëpën, jëtu'unës mpa'ëyowa'antë yë'ëjëty.

Zacarías 10:5

Jëtu'un nëjkx nyaxtë tä yë tsiptuunpëtëjkëtyën mëti'ipë mo'onts y'atä'än tyuktä'äntëpën tu'ujoty; tsiptunantëp yë'ëjëty jä'ä ko Wintsën mëët yajpaatë ets tsëtyu'unmëët tyajwë'ëma'antë ja këwaaytyuk'u'unyääpyëty.

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Miqueas 5:8

Ënet jam naaxwiinyëtë itkujky, ja Jacob ja y'u'unk y'ok mëti'ipë ënety të jyaakwë'ëmtën, nëjkx yajpëjkta'aktë tä tu'uk kaajën ma jëyujkëtyën, tä tu'uk kaajën kupixyny itkujky, ko tu'uk wyinnaxyë jëtu'unyë t'anuk tuknukë ets ka'ap nitu'uk juuky t'ëxmatsy.

Isaías 26:6

ets tyajwinpety yë ëyoopëja'aytyëjk ets mëti'ipë yu'unk naxym yajpatëpën, këjxm tyajnaaxweetsy.

Apocalipsis 14:20

Jëtu'unts ja tsatsymtsya'am yajwinma'atsy kajpnpë'am ets kom pyëtsiimy ja ne'pyny. Jëtu'un jyä'äjty ja ne'pyny ma ja kwaay ja y'ajäänë'ëkën, jä'ä wyinjëkämëty majk xëëw ye'eyën.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Daniel 7:27

E ja kuttujkën, mëk'ajtën ets ja mëj'ajt oyajtën mëti'ipë naaxwiinyëtë apëtsëmy yajpatpën yë'ë nëjkx yajmooytya'atë ja Dios Ni'ik ja nyaax kyajpn. Yë kyutujkën xëmëkyëjxm nëjkx yajpaaty ets tëkokyë yë naax kajpn naaxwiinyëtë apëtsëmy yë'ë nëjkx tmëtuntë ets tmëmëtowtë.

Daniel 7:18

Ok nëjkx yë Wintsën Ni'ik kyë'ëtëjkëtyä'äyë yë kutujkëntakn ets nëjkx yë'ë tjä'ä'aty xëmëkyëjxm.

Ezequiel 28:18

May ojts ja nëë poky xytyuuntëkooynyë ets ja mjot mwinma'any mëj xyajtëkooynyë mëët ja mjuy mtooky, yë'ëpaat ojts xyaj'ëxëëktëjkënyë yë mtsajptëjk. Ënet ojts nyajmëjës yë jëën ma mjuuky'ätyën ets myajtooytyëkooyë. Tyam aak m'ijxëp yë ja'ay ko o'ktëy mjajnë mkëpäjnë ets kuyjyaamën të m'awinpijnë.

Isaías 25:10

Yë Wintsën yë'ë kyuwa'anäämpy yë Sión kajpn, ets Moab tnaaxkutäänëja'any tä ja'ay t'ateeny tukteenyën aay pu'uxmën.

Salmos 91:13

Oy kaa akujky mtimye'ey mtimnyaxëty ets ma mëjjatyëtypë jëyujkën mëti'ipë kutsë'ëkëtyën, ets oy xii yaa muum yë tsa'any mjaakë'ënax mjatekynyaxëtëty.

2 Samuel 22:43

Täätsës jëtu'un të nyajjajta'ay tä yë naaxway pyojë'ëkyën. Tëë n'atään ntuktäänës tä ja'ay mo'onts t'atään tuktäänën tu'ujoty.

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

2 Samuel 22:39

Atëj tuktëjës të ntuunta'ay, ni pën të tkä'ëkjëkyäjpnë pyëtë'ëkëty. O'ktëy të jyatë, aakjam të kya'ata'atë maas yë nteky'ëjxën.

Salmos 49:14

Jëtu'unpë ja'ayëty o'kën tu'uwinye'eyëtëp jam ma o'kpëjutën, jëtu'un tä ja'ay yë kupixyny twoowye'eyën. Ko ënety xyiintyä'äky, yë oyjyä'äytyëjk yë'ë mëta'akantëp ma yë'ëjëtyën; yë jyot myëjaawëty nëjkxëp kyukëxë, ets o'kpë jut nëjkx xëmë tuktsëënëtë.

Lamentaciones 1:15

Jëkäm yë Wintsën të tnajtswojpëtyä'äy yë jotmëkja'aytyëjk mëti'ipës ijty xynyiwaantutëpën. Tëë tkexy yë tsyiptuunpëtëjk mëti'ipë të tyajkëjxta'atën yë njotmëkja'aytyëjkës. Jëtu'un yë Wintsën të tä'änäkë yë Judá tä ja'ay tä'änye'eyën yë tsatsymtsya'am ets tyaj'uukyojy.

Salmos 147:6

Yë'ë yajjotkujktäkpy yë ja'ay mëti'ipë yu'unk naxym juuky'ajtëpën, e yë ëxëëkja'aytyëjk yu'unk naxym tpëjktä'äky.