Malaquías 4:1 - Biblia Dc en Mixe de Quetzaltepec

¹ Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Biblia Mixe de Quetzaltepec

¹ Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Malaquías 4:1 ပူးပေါင်းရင်းမြစ်များ

Job 18:16

Jëtu'un jyata'any tä tu'uk yë kepyën mëti'ipë tëë yë tyikts tyëtstaaynyën ets tëë yë y'ääy nyëka'ataaynyë ets xyo'tstaaynyë.

Salmos 119:119

Yë ëxëëkja'aytyëjk mëti'ipë naaxwiiny juuky'ajtëpën jëtu'un xyjyawë tä aay pu'uxmën, paatyës yë'ë ni'ik ntsoky yë m'ënä'ämën mtëyajtën.

Salmos 37:9

Yë ëxëëkja'aytyëjk nëjkxëp yaj'ixkäxtë ma ja naax kajpnën, e mëti'ipë Wintsën tyuk'ijxpäjtëpën yë'ë nëjkx ja y'ijtakn tpaatë ma ja naax kajpnën.

Éxodo 15:7

Mëët yë mmëkajtën, yë'ë mëët xyjyaamte'eny xynyaaxte'eny, ja mëti'ipë mjanipëtë'kën, ko ja mjoot'an yajxon tyooypyijky. Ënet yë'ëjëty tyooytyëkooytyääytyë jëtu'un tä mëëy tyoyën.

Isaías 40:24

Jëtu'un tä pi'k ujts u'unkën naaxkëjxy yonyën mëti'ipë yajnaanpäänpën, mëti'ipë ëka'any tiktskäkpën. Pën yë Wintsën yaj jëënpojpy ma yë'ëjëtyën, xootsantëp ënätyë, ets wyimpapojy mëët mëktuupoj tä aay pu'uxm wyimpapojyën.

Isaías 41:2

Pën yajmiin tu'uk ja yajkutujkpë maatsow xëëw pyëtsimyën ets myëtäky? ¿Pën ojts ja naax kajpn myo'oyë ets tjä'ä'atëty, ets mëët ja tyiypyujxn tukpux tukka'atsëty ets aay pu'uxmën jyata'atëty kujy jëpipy?

Isaías 47:14

Je'eyëp ko ix, jëtu'un yë nyaxtë aay pu'uxmën, jëtu'unyë tyooytyëkoytyë, ka'ap tjëkyepy nyäyajtso'okëtëty jëënjoty. Jä'ä ko ka'ap jyëtu'unëty tä jëënpajkën ets jëënyä'änkën mëti'ipë jyëkyejpy yajnawäätsëty ets jam ja'ay jyokxpëktëty.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Isaías 9:18

Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Isaías 9:19

Mëët ja tsyip y'äkë ja Wintsën mëti'ipë maaytyääyëpën winë, tëë ja naax kajpn jyëënmatsyë, tam ja tyooytyëkoy; Yë'ëpaat ja y'u'unk y'ëna'k tsu'tsnëtë, ka'ap t'ëkpa'ëyoownëtë ja myëkä'äx, tam mëti'ipë yiin wään kääpyën ets ka'ap kyu'uxyë, tam ka'apë ninu'un tyimkayën.

Ezequiel 20:38

Nyajjëwa'akäämpyës ma miitsëtyën yë käjpxy kumëtoownajxpë ets mëti'ipë ëxëëk ëtëtstëpën ets nyajtso'onta'aja'anyës ma yajpaatën wiink naax wiink kajpn ma tyam tsyëënëtën; je'eyëp ko yë'ëjëty ka'ap tyëkëja'antë ma Israel yë nyaaxjotmën. Ënet xynyijawëtëty ko ëjts Wintsën.

Ezequiel 21:32

Nëjkxëp mnitoy ets m'ookëty; yë mjot mne'pny jëtu'unyë nëjkx tyäämjëtijta'ay maajaty yë naax kajpnën ets ni pën nëjkx mkaja'amyetsyë. Ëjts Wintsën, ëjts ënaanp.

Ezequiel 24:11

ets xyjyëënkuwitsëty yë tu'ts tukwa'ats, koonëm jyatëty jëënpajkën ets y'o'kta'ajëty yë ëxëëkpë; koonëm nyëtooytya'ajëty yë nyitsuuts.

Ezequiel 34:17

Ëjts Wintsën, jëtu'unës n'ëna'any: Mëtoow'itë miitsëty nkupixynyës: Mpaye'eyäämpyës yam yë nëë poky ma kupixynyëtyën ets ma tsajppaxëtyën.

Ezequiel 7:10

Tyaa ja xëëw. Tëë ja jyä'ty. Tëë myiny ja ëyo'on jotmay. Ja ëxëëkajtën jä'ä mëtakp oymyaajëty, nëkooyë kyëjääjënyë ja ëxëëk tu'unën.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Joel 2:31

Pi'itsäämpy yë xëëw ets po'o, ne'pnyën jyajta'aja'any; ka'anëm ënety yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.

Amós 2:9

Ëjts, ojtsës yë Amor ja'ayëty nyajkutëkoy ets miits mnaxtëty; oy ënety jëtu'un jyakëjxm'atë tä yë ajë kepyën ets tä yë piitskepyën kepyën.

Abdías 1:18

yë Jacob yë y'u'unk y'ok ets José yë y'u'unk y'ok jëtu'un yë'ëjëty tä witën, mëti'ipë poj'am jëënmatsanëtpën. Nitu'uk yë Esaú y'u'unk y'ok kyatso'oka'any. Ëjts Wintsën, ëjts ënaanp.

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

Sofonías 1:14

Tëë tyimwiinkony yë Wintsën yë xyëëw. Tim winkon, pe'tym wyinkony. Ta'amëm nëjkx yë ja'ay tjawëtë ko ënety ja Wintsën ja ëyo'on tyaj'ity: Yë'ëpaat yë ja'ayëty mëti'ipë jotmëkëtyën nëjkxëp y'ayaxtu'utë.

Sofonías 1:18

Ma ënety ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënety kajpnjoty tsënaaytyëpën poj'am y'o'kta'aja'antë.

Zacarías 14:1

Miimp wiinkoonp ja xëëw mëti'ipë ja Wintsën xyëëwajtypyën, ma yajpëjkwa'kxa'anyën tëkokyë mëti'ipë të yajmeetsyën ma mijtsën Jerusalén.

Malaquías 3:15

Tëë n'ijxëmë ko ja'ay mëti'ipë mëj këjxm ja'ay'ajtpën nikë jotkujk jyuuky'äty, mëti'ipë ja'ay ëxëëk ëtëtsp ënaanpën nikë oy winë wyimpëtsë'ëmxëty, jyayajjoot'anpëjktëp yë Dios ets ka'ap wi'ix tyunëtë.

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Malaquías 3:2

Je'eyëp, ko ¿pën y'ëkwintänëp ko ënety myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

Malaquías 3:3

Yë Wintsën pyujta'ajäämpy tëkokyë yë teetytyëjkëty, mëti'ipë yë Leví y'u'unk'ajty y'ok'ajtypyën, jëtu'un tyajwatsta'aja'any tä yë poop pujxn ets pu'ts pujxn tyooywyä'ätsyën jëënjoty. Ënätnëm nëjkx tjëkyepy wi'ix tyaktëtyën ja wintsë'kën ma Wintsënën, jëtu'un tä mëpaat tyaktën ja wintsë'kën.

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Mateo 3:12

Jëtu'un ja naaxwiinyëtë ja'ay tunëty ijxtëm ja tsajpmokpajk yajwinpojy ets tëkoty nyijkxy ja wa'atspë ets ja y'ak yajnino'oky ma ja jëën nijëna'a kyapi'itsyën.

Lucas 19:43

Pyaatäämpy ja xëëw ko ja mmëtsip myajnatukëtëty na'ëwtity,

Lucas 21:20

Ko xy'ixtëty ja Jerusalenkajpn ko tëë ja myëtsip yajnatukyë, yë'ë mtuknijawëtëp ko tsojk ënety kyutëkoyä'äny.

Lucas 6:23

Jotkujk itë ets xoonta'aktë ko jëtu'un myajtun myaj'ënëëmëtëty, jä'ä ko mëj myajkumaya'antë tsajpjotm; jä'ä ko ja y'aptëjkëty tääpë ja'ayëty mëti'ipë tyam juuky'ajtëpën näjyëtu'un ojts ëxëëk tuntë ja Dios ja kyäjpxynyajxpëtëjk.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.