Malaquías 3:2 - Biblia Dc en Mixe de Quetzaltepec

² Je'eyëp, ko ¿pën y'ëkwintänëp ko ënety myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

Biblia Mixe de Quetzaltepec

² Je'eyëp, ko ¿pën y'ëkwintänëp ko ënäty myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

Malaquías 3:2 ပူးပေါင်းရင်းမြစ်များ

Isaías 4:4

Ko ënety ja Wintsën tpaye'ey ja nëë poky, tyiytyunäämpy ja tuuntëkoopyë ets tyajjëwa'kta'aja'any mëti'ipë yajja'ay'o'kpën ets tnimä'kxa'any ja Sión ja'ayëty.

Apocalipsis 6:17

Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?

Lucas 21:36

Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Salmos 2:7

Yë'ëjës nikajpxäämpy nimëtya'akäämpy mëti'ipë yë Wintsën të tuknipëjktaakën; yë'ëjës të xy'ënëëmë: Mijts n'U'unk'ajtyp, ëjts yë njot ne'pny mmëët'ajtyp.

Lucas 3:17

Jëtu'un ja naaxwiinyëtë ja'ay tyajpokwya'atsa'any ijxtëm ja tsajpmokpajk yajwinpojyën ets nyijkx ëpëky ja wa'atspë ets ja y'ak yajnino'oky ma ja jëënën nijëna'apë kyapi'itsyën.

Lucas 3:9

Jëjp'ixy yë pujxn y'owxijnë. Pën ka'ap oy jyä'äy'ätyën, jëtu'un yë'ë ijxtëm ja kepyën mëti'ipë ka'ap oy tyëëm'atyën; yajpuxaanp je'eyë ets yajnino'oka'any.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Juan 8:55

E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënety ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

Lucas 2:34

Ënet ja Simeón myooyëtë ja kënu'kxën ets t'ënëmaay ja Maria, ja Jesús ja tyaak: Ya'atë mëxu'unk ye'etyëjk, yë'ë të yajtuknipëjktaakë ets may ja Israel ja'ay kyëtawtëty ëkë pyëtë'ëktëty; ijxpät nëjkx y'ity ets may nëjkx ja'ay ka'ap kyupëkyë,

Jeremias 2:22

Oy jënu'un lejiiyë xëts mjanätyukpujëtëty ets oyjyätyëtypë xëts xyjyatsi'iwëty ets jëtu'un xyjyaniminëtyës, yë mpoky kä'äpyëm jyëwa'aka'any maas ëjtsën. Ëjts Wintsën, ëjts ënaanp.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënety ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënety jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Mateo 25:10

Tam ënety të nyëjkxtë on juupyë ko ojts jyä'ty ja ye'etyëjk pëjkpë. Ja to'oxy'ëna'këty mëti'ipë ojts jëjp'ixy yajpaatën, jä'ä ojts mëët tyëkëtë jap tëkoty ja ye'etyëjk pëjkpë ma ja xëëw tyuna'anyën. Ënet ja tëjk'aaw ojts y'ëtujknë.

Marcos 9:3

Yajxon ojts ja wyit y'atë'kxnë janty poop yaj'ixy, ni pën ja'ay jëtu'un ja wyit kyapoopëty oy jënu'un të tjapujy.

Ezequiel 22:14

Mijts nitii mëk'ajtën xykyamëët'ata'any ko ënety nnipëtë'ëky ets ntëytyuny. Ëjts Wintsën ëjts ënaanp ets koonëmës nkuuytyuna'any:

Apocalipsis 19:8

Dios tëë tyajkutuky ets ja jyä'äy nyäxyoxëtëty mëët ja oywyit poopë mëti'ipë ajajp atë'kxpën. Ja oypyë poop wit, yë'ë jëtu'un yajtijp mëti'ipë tyuuntëpën ja Dios ja nyaax kyajpn.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Lucas 7:23

Ets akujk jotkujk ja ja'ay mëti'ipë ka'ap ja myëpëjkën tyajtëkoyën ma ëjtsën.

1 Samuel 6:20

Paaty y'ënantë ja Bet-semes ja'ayëty: Pën jëtää jampaat jeky y'ëk'ity juuky Dios wintum mëti'ipë wa'atsën? ¿Pën jëtää jam ëxëëk winë y'ëktuunpy ko yaa tsyoonëty ma ëëtsajtëmën?

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Salmos 130:3

Wintsën, Wintsën, ko jeexyë mijts xy'ëkmëjpëjktä'äky yë nëë poky, ni pën jeexyë kyajuuky'äty

Proverbios 25:4

Yajwa'ats yë poop pujxn, ets poop pujxn ka'tspë t'oytyunëty tu'uk yë a'ukën.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Daniel 11:35

Nëjkxëp näjyëtu'un yaj'ixjëtit yajpaajëtitë ja ja'ayëty mëti'ipë ënety ja naax kajpn të tyaj'ijxpëktën ets nëjkx yajwinma'any'ixtë ets yaj'ixtëty pën oy ja wyinma'anyëty; ets ja jyuuky'ajtënëty, koonëm kyukëxëty ja xëëw juukyajtën.

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Génesis 19:28

Ënet ojts jam nyas'ixë Sodomë ets Gomorra ets ma pya'ajën nyuxën ets t'ijxy ko jam yë jëënjok pyëti'iky ijxtëm jeexyë tsijtkjoty yë jëën tyoyën.

Job 28:1

Tää yë it naaxwiinyëtë yajpaaty ma pyëtsimyën yë poop pujxn ets ma pyëtsimyën yë pu'ts pujxn.