Malaquías 3:18 - Biblia Dc en Mixe de Quetzaltepec

¹⁸ Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Biblia Mixe de Quetzaltepec

¹⁸ Ënät jatëkok xywyinjawëtëty mëti'ipëtën oy, ka'oyën; mëti'ipë ja Tios y'ëwtajtypyën ets mëti'ipë kya'ëwtajtypyën.

Malaquías 3:18 ပူးပေါင်းရင်းမြစ်များ

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

Job 17:10

E mintë yaa miitsëty ni'ëmukë, ets xy'ixtëty ko ka'apës mpaata'any yë ja'ay wijypyë këpetypë ma miitsëtyën.

Job 6:29

Ëna'antë ko miitsëty nëkoopë wi'ixjaty mkajpxtë mmëtya'aktë, këtii nëkoo mnäyaj'ëxëëktëkëtë. Ja'aykyukëtë ko ëjts mëtëypyës nikäjpxyp.

Éxodo 11:7

Ets nëjkxëp näjyëtu'un xynyijawëtë ko yë Dios ëpëky tyaj'ity yë Israel kajpn mëët yë Egiptë kajpn, ma Israel ja'ayëtyën ni'uk kyawoja'any ets ni jëyujk tsajpkaa kyayajnipëtë'ëka'any.

Jeremias 12:15

E ko ënety të nyajpëtsëmyës ma nyaax kyajpnëtyën tä ja'ay ujts tnujkë'ëkyën naaxkëjxy, ënätës jatëkok mpa'ëyowa'antë etsës nyajwinpita'antë ma nyaax kyajpnëtyën.

Daniel 2:18

ets t'amëtow tpëjktsowtëty ja Wintsën ets myo'ojëtëty ja wijyajtën, këtiipë yaj'ookëtëty ja yajkutujkpë mëët ja wijyjyä'äytyëjkëty mëti'ipë Babilonyë ja'ayëtyën.

Joel 2:14

Wä'änxyëp ka'ap mtëytyunëtëty ets nëjkx mkënu'kxëtë ets mo'ojëtëty yë aaypyajk ujtspajk ets tsatym nyëë mëti'ipë Wintsën mtukwintsë'ëkëtëpën.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Zacarías 1:6

E yë n'ayukës ets n'ënä'ämënës, mëti'ipës ënety të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënety o'ktëy të nyajjat të nyajkëpätë jä'ä ko jëtu'unëtën ënety nyitëkëtë ja y'ëxëëktu'un y'ëxëëkkajpxënëty, ko ka'ap ënety tii oy të tuntë.

Malaquías 1:4

Ko yë Edom ja'ayëty, yë Esaú y'u'unk y'ok, jeexyë y'ëna'antë: Tëë yë nkajpn'ajtëm kyutëkoy, e oy n'akojëmëty, yë Wintsën mëti'ipë maaytyääyëpën winë jëtu'un y'ëtsowa'any: Oy t'akojëtëty, je'eyëp ko nyajma'atäämpyës jatëkok. Yë nyaax kyajpnëty jä'ä nëjkx yajtijy ëxëëk kajpn ets Naax kajpn mëti'ipë xëmë yë Wintsën yajjoot'anpëktëpën.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Juan 12:26

Pën jääjës pën xymyëtun'any, wä'änës xypyaminy; ets pën maas ënety nyajpaaty, jam näjyëtu'un yajpaata'any mëti'ipës ënety xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Hechos 16:17

Ja to'oxy'ëna'k ojts ëëts xypyatsoontë, ets y'ënäny mayjyä'äyjoty: Ya'atë ye'etyëjkëty, Dios ni'ik këjxmëpë myëtuuntëp. Yë'ë mtukmëmëtyakëtëp wi'ix xypyaatëty ja nitsokën.

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

1 Tesalonicenses 1:9

Yë'ë kë'ëm nyimëtyaktëp wi'ixës ojts miits jotkujk xykyupëktën ets wi'ix të xy'ëxmatstën ja wiink tios ets xymyëpëjktë ja Dios juukpyë mëtëypyë

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.