Malaquías 2:7 - Biblia Dc en Mixe de Quetzaltepec

⁷ Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Biblia Mixe de Quetzaltepec

⁷ Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Malaquías 2:7 ပူးပေါင်းရင်းမြစ်များ

2 Reyes 16:11

ja teety Urías ojts tu'uk ja wintsë'këntyakn tyajkojy, jëtu'un tä ënety jam nokykyijxy myinyën, mëti'ipë ja yajkutujkpë Acaz të tkexyën jam Damaskë ets jëjp'ixy ojts tyaj'ity jëna'a ja yajkutujkpë Acaz wyimpity jatëkok ko jam tsyoonëty Damaskë.

2 Reyes 16:16

Ja teety Urías jëtu'un ojts winë tuunta'ay tä ënety ja yajkutujkpë Acaz të tyuk'ëne'emyën.

2 Crónicas 30:22

Ezequías mëj këjää tkukajpxëy mëët ko ënety ja teetytyëjkëty ets ja Leví ja'ayëty të pyutëkëty winë aaw winëjot ma Wintsënën. Tëë ënety wëxtujk xëëw xyëëwtuntë ma të tyaktën ja wintsë'kën ma Wintsënën, ma t'ëëwkëjxy tkajpxkëjxtën ja pyoky ets ma të twin'ëw të twinya'axtën,

2 Crónicas 31:4

Ezequías ojts tuknipëky ja Jerusalén ja'ayëty ets tmo'otëty ja teetyëjk ets ja Leví ja'ayëty ja ayajk ako'onën ets tyuntëty tu'kjëjp ma ja Wintsën ja tsyajpjëën tsyajptëjkën.

Esdras 7:10

Yë Esdras tëë ënety jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

Esdras 7:25

E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.

Proverbios 5:2

Jëtu'un janty këpety myajpaatëty ets winma'anymyëët mkajpxëty.

Eclesiastés 5:5

jä'ä ko ni'ik oy ko ka'ap tii nëkoo nwinwa'anëmëty ets këtii ko tii nwinwa'anëmëty ets ka'ap jëtu'un yëk yajtuunë.

Isaías 42:19

Ni pën jëtu'un kyawiintsëty ets kyanatëty tääjës yë ntuunpën mëti'ipës të nkexyën, ni pën jëtu'un kyawiintsëty ets kyanatëty tääjës yë nkäjpxynyajxpën mëti'ipë Wintsën myëtuumpyën.

Isaías 44:26

E ja ntuunpës ja y'aaw y'ayuk ëjts kë'ëm ntuknipëjktakëp ets y'atëwëty, mëti'ipë myääytyëpën tyajtëpën tyunëtëty jyatëtëty ijxtëm të tuknipëjktaakëtën. Tyamës nnikäjpxy ko ja Jerusalén kajpn yajtuktsëënëjaanp jatëkok ets Judá kajpn nëjkxëp jatëkok yajkoj'oyë. Ëjts të ntuknipëjktaakë ets yajkoj'o'oyëtya'ajëty jënu'un xit ko'ow yajpaatyën.

Jeremias 15:19

Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 2:8

Yë teetytyëjkëty ka'ap xy'ixtaaytyës; mëti'ipë yaj'ijxpëjktëpën maas ja nnaax nkajpnën ka'ap xy'ijxkajptës; ja kopktëjkëty ni'ikyë ojts xykyäjpxy kumëtoownaxtë; ja mëti'ipë käjpxynyajxtëpën jä'ä ojts tpukajpxëtë ja Baal, jä'ä pyanëjkxtëjkëtyë ja awinax ka'apë tyunyën maa.

Ezequiel 22:26

Yë teetytyëjkëty mëti'ipë yajpatëpën ma ya'atë kajpnën, wiinkatsy tja'akyukëtë ëjts ja n'ijxpëjkënës ets yaj'ëxë'këtyääytyëp ja mëti'ipës wa'ats nyajnajxypyën; ka'ap t'ixtë mëti'ipë ëxëëkën ets mëti'ipë wa'atsën ets ka'ap pën tukni''ixëtë mëti'ipën oy'ajtp ets ëxëëk'ajtpën. Ka'ap tpo'kxtë npo'kxën nxëëwës ets ka'apës xymyëjpëjkta'aktë.

Ezequiel 7:26

Kanaakjëjp yë ëyo'on myina'any; aak oyo'on aak jotmay yajnikajpxaanp oymyaajëty. Nëkoopë nëjkx t'ixta'atë yë käjpxynyajxpë mëti'ipë nyimëtya'akëpën ja Dios ja y'aaw y'ayuk; ka'ap jyää'ata'any yë teety ets mëjja'aytyëjk mëti'ipë kajpx wijëpën.

Daniel 11:33

Yë wijyjyä'äytyëjkëty mëti'ipë yajpatëpën ma naax kajpnën nëjkxëp mayjyä'äy tyaj'ijxpëktë, ok nëjkx yaj'ookëtë ets nyino'oka'anëtë ets myä'tsta'aja'anëtë ets nëjkx tyookëtë wiink naax wiink kajpn ets y'ëyowtëty myëtuntëty. Je'eyëp wäänë jëtu'un y'ita'any.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Sofonías 3:4

Në'ë'ix pa'at'ix yë kyäjpxynyajxpëtëjk nyaxtë tyëkëtë, ka'ap tmëjpëjkta'aktë pën ëxëëkjaty y'ëtëtsnëtë y'ënanëtë ja tyeetyëjkëty jap ma tsajptëjkën ets nyinajxnëtëp ja Wintsën ja tyiyajtën.

Hageo 1:13

Ënet ja Hageo, yë Wintsën yë kyäjpxynyajxpë, ojts y'ënë'ëmxëtë mëët yë Dios xyëëwkyëjxm: Jëtu'un yë Wintsën y'ënä'äny: Ëjts Wintsën, jëtu'unës yam nnikäjpxy ko yajpatpës mëët miitsëty.

Zacarías 7:3

ets tyajtëwa'antë yë käjpxynyajxpëtëjkëty ets teetytyëjkëty mëti'ipë ënety jap tsajptëkoty tuuntëpën, ma ja Wintsën yajpaatyën mëti'ipë maaytyääyëpën winë: ¿Kopkpëky jëtää ëëtsëty je'eyëm n'ayuu'atëty ko myëkoxk po'opätëty jajëmëjt, ijxtëm ëëtsëty xëmë ntuntënë?

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Juan 13:20

Tëy miits nëëmëtë, pën kyupëjkpy mëti'ipës nkejxypyën, nän ëjts ënety xykyupëjkp; ets pën xykyupëjkpës, nän yë'ë ënety kyupëjkpy mëti'ipës xykyäjxpën.

Juan 20:21

Tääts ja Jesús jatëkok y'ënëmaayëtë: Jotkujk yajpaatë. Jëtu'un ijxtëmës ja Dios Teety të xykexyën, näjyëtu'un miits nkäxtë.

Hechos 16:17

Ja to'oxy'ëna'k ojts ëëts xypyatsoontë, ets y'ënäny mayjyä'äyjoty: Ya'atë ye'etyëjkëty, Dios ni'ik këjxmëpë myëtuuntëp. Yë'ë mtukmëmëtyakëtëp wi'ix xypyaatëty ja nitsokën.

2 Corintios 5:20

Yë'ë të xytyuknipëjkëm ets ja Kristë nkutënä'ämyëty, ets jëtu'un tpaaty ijxtëm jeexyë miits mmënu'kxta'akëtën ja Dios, je'eyëp ko ëëts xyajkajpxtëp. Jëtu'un miits nmënu'kxta'aktë mëët ja Kristë ja xyëëw ets mnämyë'oypyëkëtëty mëët ja Dios.

Gálatas 4:14

Oy ojts miits n'ëk'atsiptë yë'ëkyëjxm koos ënety npëkyë, kä'äp ojts xypyäxtës, ni'ikyë xykyupëjktës ijxtëm ja Dios ja y'anklësën, ëkë ijxtëm jeexyë ja Jesukristë kë'ëmën.

Deuteronomio 21:5

Ënet ja Leví ja'ayëty mëti'ipë teety'ajtëpën wyinkontëty ma Wintsënën, mëti'ipë ja Wintsën të wyin'ixëtën ets jap yajpaatëty ma ja Wintsën yaj'ëwtatyën ets yajmëtunyën. Yë'ë ja kënu'kxën yajnaxtëp mëët ja Wintsën ja xyëëw ets tnikajpxtëty tii mëpaat yajtunyën, oy ënety pën jyajoot'anpëky, ëkë wi'ix jya'ëna'any.

Deuteronomio 24:8

Ko pën pyëkëtëty ja ëxëëk pu'uts pa'am, jëtu'un mëpaat xytyuntë, tä ja ënä'ämën myinyën mëti'ipë ja Leví ja'ayëty nyikajpxtëpën mëti'ipë teety'ajtëpën. Jëtu'un xytyuntëty, tä yë'ë të ntuk'ënä'ämtënës xytyuntëty.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Samuel 2:17

E jëtu'unkyëjxm ja poky, mëti'ipë ya'atë ëna'ktëjk tyuuntëpën mëj këjää ënety nyipäjnë jam Dios wintum, jä'ä ko yë'ë ënety tyuk'ëyë'këtëp ja Wintsën ja wyintsë'kën.