Malaquías 2:17 - Biblia Dc en Mixe de Quetzaltepec

¹⁷ Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.

Biblia Mixe de Quetzaltepec

¹⁷ Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.

Malaquías 2:17 ပူးပေါင်းရင်းမြစ်များ

Isaías 43:24

Ka'ap të xyjyuy ja waxk mëti'ipë pa'akxu'kpën ets jeexyë të xytyukwintsë'ëkës, ka'apës të xymyo'oy yë jëyujk on mëti'ipës nwintsë'kën'atëpën. Ni'ikyënëmës yë mpoky të xytyukyajtsipke'exy; je'eyës nëkoo të xytyuk'atsipy yë m'ëxëëktu'un m'ëxëëk kajpxën.

Sofonías 1:12

Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënety të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Amós 2:13

E oy ko jyëtu'unëty, ëjts nyaj'anokëjäämpyës yë naaxwiinyëtë ma mtekpya'tkëtyën, jëtu'un tä y'anokën yë kepy wintëkäämpë mëti'ipë ujtsën mëët yë tsajpmok.

Ezequiel 16:43

Mijts tëë xyjyä'äytyëkoy wi'ix ojts m'ëna'k'atyën, je'eyës ojts xyajjoot'anpëky mëët ko yi'iyë ja ëxëëktu'un ëxëëk kajpxën të xyajtu'uye'ey ëxëëkpë tsaatsypë; paatykyëjxm mijts ntëytyuna'any ko ka'ap tii oy të xytyuny. Ëjts Wintsën, ëjts ënaanp.

Ezequiel 8:12

Etsës të xy'ënëëmë: ¿Ix wi'ix y'ëtë'ëtstën yë Israel mëjja'aytyëjk yu'utsy me'ty?, aaktam yë y'awinaxëty nitu'ukjaty. Yë'ë jëtu'un yë myäytyë tyajtë ko ëjts ka'apës yowë tii n'ixy, ko tëëjës yë kajpn nja'atyëkooynyë.

Jeremias 15:6

Mijts tëëjës xy'ëxmatsy, mjëxkës je'eyë të xytyuk'akë'ëy. Ëjts Wintsën, ëjts ënaanp, paatykyëjxmës të n'ënu'kxënë, tëëjës yë nmä'kxtujkën kyëjxnë etsës mijts të nixajë'knë, të ntëytyuny ets tëë nyajkutëkoy.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Isaías 7:13

Ënet ja Jeséas y'ënäny: Miitsëty jënu'un ja David xymyëku'uk'atën, mëtoow'itë ya'atë ja aaw ayuk, miitsëty mëti'ipë David m'u'unk'ajt m'ok'ajtëtëpën. Miitsëty ka'ap yowë mtimkyu'uxëtë nijënu'un ko ja mjëëky mmëku'uk je'eyë xyajjotkëxtë ets xymyëmayëtë, yë'ëpaat yë Dios xymyëma'ayënëtë.

Isaías 1:14

Ëxëëkës n'ixy ko xynyixëëwtuntë ko ja po'o pyi'k'aty ets ko mmuktë mxu'umtë, je'eyës të xyajjoot'anpëktë, nkatimy'ixantëp miitsëty.

Job 36:17

E mijts ni'ikyë yë ëxëëk ja'ay të xypyukajpxë, tä jeexyë mijts m'ëna'anyën ko kopkpëky ko yë ëxëëkja'aytyëjk yajtëytyuntëty.

Job 34:17

Kooxyëp yë Dios t'ëk'ëxëëk'ixy yë tëyajtën, kajxyëp yë naaxwiinyëtë t'ëne'emy. ¿Wi'ix xyajnitukëty mëti'ipë mëj këjää wa'atsën?

1 Samuel 2:3

Ka'ap tjëkyepy pën amëj akëjxm kyajpxëty myëtya'akëty, e ka'ap tjëkyepy pën nyämyëjawëtëty. Jä'ä ko yë Dios yi'iyë tu'uk winë nyija'ap, ets yë'ë y'ijxyp tyuunpy wi'ixjaty pën tii tunyën.

Malaquías 3:8

E ëjts tyam nyajtëyës: ¿Wä'än jëtää tu'uk yë naaxwiinyëtë ja'ay tpëjkëty winë Tiosë? Miitsëty tëëjës xypyëjkëtë mëti'ipës xypyatpën. Ets ni'ikyë mjaak timy'ëna'antë: ¿Tii të npëjkëtë? Yë'ëjës të xypyëjkëtë ma yajyäkyën tu'kpëky ja majk pëkpyë ets mëti'ipë yaj'ayajk yaj'ako'onëpën.

Malaquías 2:14

Ets ënät miitsëty ni'ikyë xyajtëwtë, ¿tii ko jëtu'un jyäty kyëpety? Ka'ap yowë xynyijawëtë ko paaty jyëtu'unëty jä'ä ko ka'ap ja m'aaw m'ayuk xy'ëkpatuunëtë ko xy'ënëmaaytyë ja to'oxytyëjk mëti'ipë mëët mpëjky m'ukyën ko mpi'k ëna'k'ajty ko xëmë xywyinkutsë'ëkëja'any. Yë'ë ënety mjämyëët'ajtëp ets yë'ë ojts xytyukwinwanë ko xëmë mëët m'ita'any.

Ezequiel 9:9

Ënet ja Dios xy'ëtsooyës: Mëj këjää të pyokytyuntë Israel ja'ayëty ets Judá ja'ayëty. Ujts yë naax kajpn yajpaaty mëët yë o'kën tëko'oyën; ka'ap jyam'aty oypyë nipaye'eyën. Jëtu'un yë myäytyë tyajtë ko tëëjës nja'atyëkooynyë yë naax kajpn ets ka'apës n'ixy mëti'ipë tyuuntëpën kyajpxtëpën.

Job 34:36

Wä'än yajxon tyajnijawë tii Job wyinma'any'äjtyp, jä'ä ko yë y'aaw y'ayuk jëtu'un yajmëtoy tä ëxëëkja'aytyëjk kyajpxtën myëtya'aktën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Job 9:24

Yë naaxwiinyëtë, yë'ë ëxëëkja'aytyëjk tyukmëwë'ëmpy, yë yajkutujkpë ni'ikyë twinkumats tjotkumatsë. Pën ka'ap Tyiosëty, ¿pën?

Isaías 29:15

Janty mon janty tuk yajpaatë ja'ayëty mëti'ipë yu'tstëpën ja tyëko'oyënëty ma Wintsënën, mëti'ipë koots tuuntëkooytyëpën ets y'ëna'antë: Ka'ap pën xy'ijxëmë, ka'ap pën nijawë.

Isaías 43:22

E mijts Israel ja'ayëty, Jacob yë kyajpn, ka'apës ojts xymyëkäjpxy, ni'ikyënëm ojts xymyëtsipke'exyës.

Jeremias 17:15

Jëtu'unës ja'ay xy'ënëëmë: ¿Wi'ix ja Wintsën të m'ënë'ëmxëty? Wä'än jëtu'un tunyë tjatyë.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Ezequiel 18:25

Miitsëty wä'än jëtää m'ëna'antë ko ka'apës tii mëtëy nipaye'ey; mëtoow'itë yajxon miitsëty Israel ja'ayëty, ¿wi'ix, mmaaytyëp mtajtëp ko ka'apës tii oy mëtëy nipaye'eyë? ¿Këtii jyëëmpitëty mijts mkajpxtë, këtii jëtää yë'ëjëty xynyikajpxtë ko miitsëty ka'ap tii mëtëy xynyipaye'eytyë?

Jeremias 12:1

Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?