Malaquías 2:11 - Biblia Dc en Mixe de Quetzaltepec

¹¹ Yë Judá ka'ap yë Dios twinkutsë'ëkë, nëkooyë ja'ay winë tuuntëkooynyëtë jam Jerusalén ets jam Israel. Yë Judá tëë yë wintsë'kën tyajtëkoy ma Wintsën yë tsyajptëjkën mëti'ipë mëk tsyojkpy jya'apën ets Judá ja'ayëty yë'ë mëët ja to'oxytyëjk të pyëjknëtë mëti'ipë wiink tios y'ëwtajtëpën.

Biblia Mixe de Quetzaltepec

¹¹ Yë Judá ka'ap yë Tios twinkutsë'ëkë, nëkooyë ja'ay winë tuuntëkooynyëtë jam Jerusalén ets jam Israel. Yë Judá tëë yë wintsë'kën tyajtëkoy ma Wintsën yë tsyajptëjkën mëti'ipë mëk tsyojkpy jya'apën ets Judá ja'ayëty yë'ë mëët ja to'oxytyëjk të pyëjknëtë mëti'ipë wiink tios y'ëwtajtëpën.

Malaquías 2:11 ပူးပေါင်းရင်းမြစ်များ

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Ezequiel 22:11

Tam mëti'ipë jyiiky myëku'uk myëëtko'knääyëpën ja tyo'oxytyëjk ets tam mëti'ipë ja'ay myëëtko'knaaynyëpën yë myaank yë tyo'oxytyëjk ets t'atsip'ajnë yë'ëpaat yë kyu'uty to'oxytyëjkpë.

Ezequiel 18:13

nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënety të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënety jëtu'un nyätyunyë.

Jeremias 7:10

ok mmintë ma ya'atë tsajptëjkën, mëti'ipë ëjts të nyajtuknikojën. Jëtu'un mmaytyë mtajtë ko ka'ap yaa tii mjatëtëty; m'ënantëp ko jyëkyejpy je'eyëm ëxëëk m'ëtë'ëtstëty m'ëna'antëty.

Jeremias 2:3

Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Salmos 106:28

Tä ojts tmëtuntë ja wiink tios mëti'ipë tyijtëpën Baal-peor, ets tkaaynyëtë tjë'kxnëtë ja ka'ayën ukën mëti'ipë të yajtukwintsë'ëkën ja tios ka'apë jyuukyëtyën.

Esdras 10:2

Ënet ja Secanías, Jehiel yë myaank, Elám y'u'unk y'ok wya'akë'ky ets t'ënëmaay ja Esdras: Tëyajtën yë'ë ko ëëtsëty ka'ap oy ja Wintsën të nwinkutsë'ëkëtës, jä'ä ko ëëtsëty tëë mëët ja to'oxytyëjkëty mpëjknëtës n'uknëtës, mëti'ipë ka'ap nja'ay'ajtëmën ets ka'apë t'ëwtatën ja nTios'ajtëmë, je'eyëp ko ka'ap ënät ntimy ëna'anmëty tëë winë tyima'ta'ay, ka'ap, jaaktam'ajtpnëm ja nitsokën ets ja Israel ja'ayëty ëwaatsë'ajtën tpaatëty.

Esdras 9:12

Ojts näjyëtu'un mijts xy'ënëëmëtës koos ja nëëxëty ka'ap mëpaat pyëktë y'uuktë mëët yë myaankëty etsës ja nmaankëty nän ka'ap mëpaat pyëktë y'uuktë mëët yë nyëëxëty, ojts xynyikäjpxy ko ka'ap mëpaat yajmëët'aty oy'aaw oy'ayuk mëët yë'ëjëty, koos mëk mëpaat ja jot winma'any nmëët'atës ets ntuk'oy'atëtyës mëti'ipë ja naax kajpn myëët'ajtypyën ets nëjkx jëna'a ntukumaytyës ja n'u'unk n'ëna'këtyës, mëti'ipë xëmëkyëjxm myëwë'ëmtëpën.

Jueces 3:6

E ja Israel ja'ayëty ja myaankëty ets ja nyëëxëty ojts mëët pyëjknëtë y'uknëtë ja ja'ay ja y'u'unk y'ëna'këty jampë yajpaatën ets yë'ë t'ëwtajtnëtë ja ka'apë tyiosëtyën mëti'ipë yë'ë y'ëwtajtëpën.

Deuteronomio 14:2

Jä'ä ko yë mWintsën Tiosëty yë'ë të y'ënä'äny, ko miits mjä'ä'ata'anëtë. Paaty kë'ëm të mtimwin'ixëtë ma wiinkëtypë ja naax kajpnën ets yë'ë mjä'ä'ata'anëtë.

Malaquías 1:1

Ya'atë aaw ayuk ojts yë Wintsën tukmëmëtyä'äky yë Israel kajpn, mëti'ipë tyukmëtoowën yë Malaquías, käjpxynyajxpë.

Jeremias 3:10

Yë Judá nän ka'ap të jyotwinpity winë aaw winëjot ma ëjtsën, je'eyë awin'ëënë nëkoo nyätyijyë të jyotwinpity. Ëjts Wintsën, ëjts ënaanp.