Malaquías 1:6 - Biblia Dc en Mixe de Quetzaltepec

⁶ Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Biblia Mixe de Quetzaltepec

⁶ Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Malaquías 1:6 ပူးပေါင်းရင်းမြစ်များ

Lucas 6:46

Wintsën, Wintsën, jëtu'unës miits xynyëëmëtë, je'eyëp ko ka'ap xypyatuntë ja ënä'ämën mëti'ipës nikäjpxypën.

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Oseas 12:8

Jëtu'un yë Efraín y'ënä'äny: Ëjts koos të nkumeenytyä'äky, jotkujk'ajtënës të npaaty; ka'ap tjëkyepy pën xytyuk'ojëtyës ets xy'ënëëmëtyës ko tëkatsyës winë të ntuny.

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.

Efesios 6:2

Yë'ë ya'atë Dios y'ënä'ämën mëtu'ukpë mëti'ipë waantakën myëët'ajtypyën: wintsë'ëkë ja mtaak mteety,

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Mateo 7:21

Ka'ap nyi'ëmukëty tyëkëja'antë ja ja'ay ma ja tsajpjotmëtë kutujkënën mëti'ipës janaam jatsojk xy'ënëmaaytyëpën Wintsën. Yi'iyë jam tëkëjantëp mëti'ipë pyatuuntëpën ja nteetyës tsajpjotmëpë ja tsyojkën.

Mateo 6:9

Jëtu'un ja Dios xymyëkajpxtëty: Tatë Dios tsajpjotmëpë m'ityën, wintsë'ëkë ja mxëëw y'itëty.

Proverbios 30:11

Tää ja'ay mëti'ipë pyojkpyën yë tyeety, ets tyaak ka'ap oy t'ëkmëkajpxnë.

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.

Marcos 10:19

Mnija'ap ja Dios ja y'ënä'ämën, mëti'ipë ënaanpën: ka'ap myajja'ay'ookëty, ka'ap xyajwintsë'këntyëkoyëty ja pëjkën ukën, ka'ap mmäätsëty, ka'ap pën xynyi'antaakëty, mwintsë'ëkëp ja mtaak mteety.

Mateo 19:19

wintsë'ëkë ja mtaak mteety ets tsok yë mmëku'uk ijxtëm kë'ëm mnätsyokyën.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Ezequiel 22:26

Yë teetytyëjkëty mëti'ipë yajpatëpën ma ya'atë kajpnën, wiinkatsy tja'akyukëtë ëjts ja n'ijxpëjkënës ets yaj'ëxë'këtyääytyëp ja mëti'ipës wa'ats nyajnajxypyën; ka'ap t'ixtë mëti'ipë ëxëëkën ets mëti'ipë wa'atsën ets ka'ap pën tukni''ixëtë mëti'ipën oy'ajtp ets ëxëëk'ajtpën. Ka'ap tpo'kxtë npo'kxën nxëëwës ets ka'apës xymyëjpëjkta'aktë.

Jeremias 23:11

Jëtu'un yë Wintsën y'ënä'äny: Yë'ëpaat yë käjpxynyajxpëtëjkëty ets teetytyëjkëty ka'ap të xywyintsë'ëkëtës; maas ntsajptëjkën të ntimkyupaatëtës y'ëtë'ëtstë y'ëna'antë ëxëëkjaty.

Mateo 15:6

ets ko pën jëtu'un y'ënä'äny, ka'ap ja tyaak tyeety atsip t'ëkputëjkënë. Paaty miitsëty tëë ja Dios ja y'aaw y'ayuk xyajkutëkooyëtë mëët ko jëtu'un winë xytyuntë ijxtëm ja mkë'ëmjot mkë'ëmwinma'anyëtyën.

Malaquías 2:8

E miitsëty teetytyëjkëty, tëë ja ntu'ujës xy'ëxmajtsnëtë; aak tëkatsyjyäty ja ja'ay winë të xytyukni''ixëtë ets xyajwinma'anytyëkoytyë. Jëtu'un të xyajma'atë ja nkäjpxytyu'unënës mëti'ipës mëët ja Leví ojts ntunyën.

Lucas 10:29

E ja tsajptëkotyëtë yaj'ijxpëjkpë mëj nyäyajnaxa'anyë paaty tjaaktimyajtëëy ja Jesús: ¿E pën jëtu'un nmëku'uk'ajtypës?

Lucas 6:36

Mpa'ëyowtëp miits ja ja'ay ijxtëm ja Dios Teety pya'ëyoyën.

Marcos 7:10

Jä'ä ko ja Moisés y'ënäny: wintsë'ëkëtë mtaak mteety, ets pën ja tyaak tyeety pyojkpy, ookëp yë'ë.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Lucas 18:20

Mnija'ap ja Dios ja y'ënä'ämën mëti'ipë ënaanpën: ka'ap xyajtëkoyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap m'anta'akëty ets wintsë'ëkë ja mtaak mteety.

Mateo 15:4

Jä'ä ko jëtu'un ja Dios y'ënä'äny: wintsë'ëkë mtaak mteety, ets pën ja tyaak tyeety kyajpxpojkpy, ookëp yë'ë.

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kuttujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Deuteronomio 1:31

Ets jam të'ëts'itjotm yë Wintsën mëti'ipë mTiosajtëpën jëtu'un të mtimjyawëtë, tä yë ja'ay yë y'u'unk muum tseeny kony tyajnëjkxyën ets jëtu'un yaa të myajja'tëtë.

Salmos 123:2

Mëët yë waantakën nu'kxtakën jam nkëx'ixtës ma Tiosën mëti'ipës nWintsën'ajtëpën, jëtu'un tä tu'uk yë mëtuunpë twintë'kxyën yë wyintsën, ets jëtu'un tä tu'uk yë to'oxytyëjk twintë'kxyën yë wyintaj, n'a'ix njëjp'ixtës etsës xypya'ëyow xynyajts'ëyowëtëty.

Proverbios 17:6

Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Isaías 43:23

Ka'apës ojts xytyukwintsë'ëkë ja kupixyny ooky winno'okpyë winxämpyë ets ka'apës nitii wintsë'kën xymyooy. Ëjts ka'apës nja'ënu'kxëy ko n'amëtooy ja wintsë'kën, ets ka'apës wi'ix nja'awëy ko n'amëtooy ja poom jok.

Jeremias 3:4

Naamnëm xyjyaak'ënëëmës: Tatë, mëti'ipës mëët tu'knax të n'ëna'k'atyën,

Jeremias 35:16

Yë Jonadab yë y'u'unk y'ok, mëti'ipë yë Recab y'u'unk'ajty y'ok'ajtypyën, tyuuntëp jëtu'un winë ijxtëm ojts tyajwë'ëmyën ja ënä'ämën; e yë Israel ja'ayëty ka'apës të xymyëmëtowtë.

Sofonías 3:4

Në'ë'ix pa'at'ix yë kyäjpxynyajxpëtëjk nyaxtë tyëkëtë, ka'ap tmëjpëjkta'aktë pën ëxëëkjaty y'ëtëtsnëtë y'ënanëtë ja tyeetyëjkëty jap ma tsajptëjkën ets nyinajxnëtëp ja Wintsën ja tyiyajtën.

Malaquías 2:1

Miitsëty teetytyëjkëty miits ya'atë ënä'ämën myajtuknikäjxtëp:

Malaquías 2:10

¿Këtii tyu'ukyëty yë Dios teetyë, mëti'ipë të xyajkojëmë? ¿Wi'ix ko näwyin'ë'ënëmëty nixim niyam ets nkäjpxykyumëto'ownajxmëty ja Wintsën ja kyäjpxytyu'unën mëti'ipë mëët tyuunën ja n'ap'ajtëm?

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

Isaías 45:10

Ka'ap tjëkyepy tu'uk u'unk ëna'k t'ënëëmëty yë tyeety tyaak: ¿Miitsëty tiijës ko ojts xy'ëkyajmiintëpë naaxwiiny naaxkëjxy?

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.