Malaquías 1:4 - Biblia Dc en Mixe de Quetzaltepec

⁴ Ko yë Edom ja'ayëty, yë Esaú y'u'unk y'ok, jeexyë y'ëna'antë: Tëë yë nkajpn'ajtëm kyutëkoy, e oy n'akojëmëty, yë Wintsën mëti'ipë maaytyääyëpën winë jëtu'un y'ëtsowa'any: Oy t'akojëtëty, je'eyëp ko nyajma'atäämpyës jatëkok. Yë nyaax kyajpnëty jä'ä nëjkx yajtijy ëxëëk kajpn ets Naax kajpn mëti'ipë xëmë yë Wintsën yajjoot'anpëktëpën.

Biblia Mixe de Quetzaltepec

⁴ Ko yë Edom ja'ayëty, yë Esaú y'u'unk y'ok, jeexyë y'ëna'antë: Tëë yë nkajpn'ajtëm kyutëkoy, e oy n'akojëmëty, yë Wintsën mëti'ipë maaytyääyëpën winë jëtu'un y'ëtsowa'any: Oy t'akojëtëty, je'eyëp ko nyajma'atäämpyës jatëkok. Yë nyaax kyajpnëty jä'ä nëjkx yajtijy ëxëëk kajpn ets Naax kajpn mëti'ipë xëmë yë Wintsën yajjoot'anpëktëpën.

Malaquías 1:4 ပူးပေါင်းရင်းမြစ်များ

Job 12:14

Mëti'ipë Dios të tyajkutëkoyën, ka'ap tjëkyepy pën jatëkok t'akojëty; mëti'ipë Dios të tyajku'ëtukyën, ka'ap tjëkyepy pën tyajniku'ëwa'atsëty.

Job 34:29

E ko Dios näjyëtu'un y'ëmoonpëty, ¿pën tëytyunëp? Pën yë'ë näyu'tsëp ¿pën winë y'ixëp? Yë'ë y'ijx'ijtyp Kyëwent'ajtyp yë naax kajpn ets ja'ay

Job 9:4

Yë Dios mëj këjää tmëët'aty yë mëk'ajtën kuttujkën ets wijyajtën, ¿pën nëkoo ëkmëmayëtëp ets ka'ap yajmëta'akëtëty?

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

Salmos 137:7

Wintsën, ja'amyäts wi'ix ojts tëkok yë Edom ja'ay y'ëtë'ëtstën, ko yë Jerusalén kajpn ojts ëxëëk jyäty kyëpety, ënät y'ënantë: Yajkutëkooytya'atë tu'kë'ëyë, jijtë'ktaayëtë yë pyotsyëty.

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Isaías 10:4

Oy ënety miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 11:14

Tu'ukmukyë nëjkx nimäjtsk nyäkyuwa'anëtë ma ja filistejë ja'ayëtyën ets ëxëëk nëjkx tuntë ja mëti'ipë jam tsënaaytyëpën maatsow yë xëëw pyëtsimyën; nëjkxëp tukupëktë ets y'ayak y'akonëtëty ja jampë ja'ay tsyëënëtën. Ja myëk'ajtën jampaat nëjkx jyä'ty ma ja Edom kajpnën ets ma ja Moab kajpnën ets nëjkxëp ja Amón ja'ayëty myëtunëtë.

Isaías 34:10

Xëëny koots tyoyä'äny jyoka'any; winë xëëw winë jëmëjt jëtu'un y'ita'any, ni pën nëjkx jam kya'ëktsënaaynyë ets ni pën nëkx jam kya'ëknajxnë.

Isaías 34:5

Jëtu'un jam tsyoona'any ja amay jotmay tsajpkëjxm tä ja'ay tëypyujxn tjëpijpminy tjëpijxëpyën, jam kyëta'aka'any Edom, mëti'ipë tëë yajtuknipëjktaakën ets kyutëkoyëty.

Jeremias 31:17

Miimp ja xëëw jëmëjt ma jatëkok mjotkujkta'akëtyën: yë m'u'unk m'ëna'k winpitantëp jatëkok ma nyaax kyajpnëtyën. Ëjts Wintsën, ëjts ënaanp.

Jeremias 49:20

Mëtoow'itë ja winma'any, wi'ixës ëjts Wintsën të ntuknipëjktaakën ntuna'any ja Edom ja'ayëty, mëtoow'itë ja winma'any mëti'ipës ntuknipëjktakëpën maajës o'ktëy ntuna'anyën ja Temán ja'ayëty: Yë'ëpaat yë kupixyny mutskpë tmënëjkxa'antë ets ja nyimëëykyam nëjkxëp y'atëkooytyä'äy.

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?

Jeremias 49:8

Miitsëty Dedán ja'ayëty, nëjkx mnäyu'utsëtë. Jä'ä ko nyajkutëkoyäämpyës yë Esaú kajpn; tëë tpaaty ja xëëw po'o jëna'ajës ntëytyuna'anyën.

Jeremias 5:17

Nëjkxëp tjë'kxta'atë mëti'ipë të xynyiyu'u të xynyitunën, nëjkxëp tkaaytya'atë yë mtsajpkääky, yë'ëpaat yë m'u'unk m'ëna'k ye'etyëjkpë to'oxytyëjkpë nëjkx tsu'utstë. Ja mkupixyny ets ja mjëyujk mtsajpkaa wa'ats tsu'tsta'aja'antë, yë mtsatym kyam ets mxe'enky kyam wa'ats tyajpëtë'kta'aja'antë. Mëët yë tyi'pxnëty kyu'umënëty tyajkutëkoya'antë yë mnaax mkajpn mëti'ipë ënety mtijpyën ko tya'tspëkyëty ets kyëwent'atyëty.

Lamentaciones 3:37

Ko pën wi'ix y'ënä'äny, ko pën tii jyätyë kyëpetyë, paaty jyëtu'un'aty jä'ä ko Ni'ik Këjxmëpë jëtu'un të tyajnikutukë.

Ezequiel 11:10

Nëjkxëp kupuxy m'ooktë. Mpaye'eyäämpyës yë mnëë mpokyëty mapaat yë Israel naaxwiinyëtë jyëjpkëxyën ets xy'ixkaptëty ko ëjts Wintsën.

Ezequiel 25:13

Paaty ëjts maas nWintsën'atyën n'ëna'any, ëjts Wintsën: Nnipëtë'ëkäämpyës yë Edom ja'ay ets nyajkutëkoyä'änyës tëkokyë yë ye'etyëjktëjk ets jyëyujk tsyajpkaajëty. Axit ako'owës ntuunta'aja'any yë nyaax kyajpnëty. Tsyo'onta'akëty jam Temán ets jyëjpkëxëty jam Dedán, aak kupuxy y'o'kta'aja'antë.

Ezequiel 25:14

Jëtu'unës ntuunwinpita'any mëët ijxtëmës ojts xytyimtunyën yë Edom ja'ayëty, yë Israel kajpn ëxëëk tuna'any yë Edom kajpn tääjës ënety ëjts të njoot'anpëkyën. Jëtu'un nijawëtëty wi'ixës winë ntuunwinpityën. Ëjts Wintsën, ëjts ënaanp.

Ezequiel 26:14

Tä të'kx tsaajën nyaj'awinpita'anyës ma tsaay tsyë'ëtsëtyën ets nijëna'a kyayaj'akojëty. Ëjts Wintsën, jëtu'unës të n'ëna'any; ëjts tyamës nikajpxë.

Ezequiel 35:4

Nyajkutëkoyäämpyës yam yë mnaax mkajpn ets mijts anë'ëk tëëtsë'ëk nyaj'awinpita'any. Ënätnëm xynyijawëty ko ëjts Wintsën.

Ezequiel 35:9

Aanë'ëk tëëtsë'ëk nëjkx nyajwë'ëmy xëmëkyëjxm ets ni pën jam kya'ëktsënaaynyëty ma mnaax mkajpnën. Ënätnëm nëjkx xy'ijxkaptë ko ëjts Wintsën.

Amós 1:11

Jëtu'un yë Wintsën y'ënä'äny: Yë Edom ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty mëët yë tëypyujxn tpajëtijtë yë jyiiky myëku'ukëty, yë Israel ja'ayëty ets ninu'un tkapa'ëyoowtë. Ka'ap ojts kyu'uxëtë mëët ja jyoot'an, ka'ap kyijxy ja tsyip y'äkëty.

Amós 3:15

Nyajkutëkooyäämpyës yë jëën tëjk xëkopkjotypë ets potmjotypë tyunyën, nyajkukëxëjäämpyës yë jëën tëjk mëti'ipë mëët y'oytyunyëtyën yë elefantë jëjp pajk ets nyajtukjijtëtya'aja'anyës tëkokyë yë kutujkëntëjk. Yë Wintsën jëtu'un ënaanp.

Amós 5:11

Tyam m'atä'än mtuktä'äntëp ja ëyoopëja'ay ets mtuk'ajuuytyujktëp ko jyi'kxy pyiky tpaaty; ko tpaatëty yë xëëw jëmëjt ka'ap nëjkx xytyuktsëënëtë yë mtsaatëjkëty mëti'ipë të xykyojtën ets nen ka'ap nëjkx xy'uuktë yë tsatym nyëë mëti'ipë të xynyiyu'ujëtën.

Amós 6:11

Jä'ä ko ja Dios kyäxäämpy ja nätyiytyunë ma ja jëën tëjkën mëjatyëtypë ets mutskjatyëtypë ets nëjkx jyajta'ay axit ako'owë.

Amós 6:2

Nëjkx ixtë yë Calné kajpn; ko jam mtsoontëty tääts mnëjkxtëty ma ja mëjpë ja Hamat kajpnën, jam mjënajkë'ëktëty ets mjëjpta'aktëty ma Gad kajpnën, ma filistejë ja'ayëty tsyëënëtën. ¿Ti ni'ik jëtää miitsëty mëj'äämpy m'itë ets ka'ap yë'ëjëty jyëtu'un'atë? ¿Ni'ik mëj'äämpy jëtää miits yë mkajpnëty këtiinëm yë'ëjëty yë kyajpnëtyë?

Abdías 1:1

Mëti'ipë ja Dios ojts tuknijawën ja Abdías käjpxynyajxpë. Tëës yë aaw ayuk tmëtowtë, yë Wintsën yë y'aaw y'ayuk; mëti'ipë ja naax kajpn të tukjëtijtëtyä'äyën ets të y'ënä'äny: Ja'amtë, ja'am ntsiptu'unëmë mëët ja Edom. Jëtu'un yë Dios mëti'ipë Wintsën'ajtpën tnimëtyä'äky yë Edom.

Abdías 1:10

Wintsëtyu'un jëjptsëtyu'un nëjkx mwë'ëmy ets xëmëkyëjxm nëjkx mkutëkoy ko ëxëëk të xytyuny ets të xyaj'ooky ja mëkä'äx Jacob.

Malaquías 1:3

n'ëxëëk ijxës yë Esaú. Ja nyaax kyajpn ja Esaú, mëti'ipë ënety kopkjotmën, aanë'ëk tëëtsë'ëkës ojts nyaj'awinpity ets ja nyaax kyam mëti'ipë ënety myëët'ajtypyën yi'iyë jëyujk ëwa'anëtypë jam tënääpy.

Mateo 12:30

Mëti'ipës ja'ay ka'ap xypyukajpxën xymyëtsip'ajtpës yë'ë; mëti'ipë ka'ap tii tpëjkmukyën mëët ëjts, jëtu'unyë winë tko'owtë.