Lucas 9:60 - Biblia Dc en Mixe de Quetzaltepec

⁶⁰ Ënet ja Jesús y'ëtsooy: Wä'än yë ja'ay tyajnaaxtëkëtë yë y'o'kpë mëti'ipë näjyëtu'un ookantëpën; mijts minmës ets xykyajpxwa'kxëty ja Dios ja kyutujkën.

Biblia Mixe de Quetzaltepec

⁶⁰ Ënät ja Jesús y'ëtsooy: Wä'än yë ja'ay tyajnaaxtëkëtë yë y'o'kpë mëti'ipë näjyëtu'un ookantëpën; mijts minmës ets xykyajpxwa'kxëty ja Tios ja kyutujkën.

Lucas 9:60 ပူးပေါင်းရင်းမြစ်များ

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Mateo 8:22

Tääts ja Jesús y'ëtsoowë: Patso'onkës, wä'än aak o'kpë tnäyajnaaxtëkëtë.

Lucas 15:24

Yë'ë ko ya'atë n'u'unkës, jëtu'un tpaaty ijxtëm jeexyë të y'o'knën ets tyam jëtu'un ijxtëm jeexyë jatëkok të jyuukpyikyën; jëtu'un tpaaty ijxtëm jeexyë të tyëkoy'ityën e tyam ijxtëm jeexyë të yajpaatyën. Tääts ja xëëw tsyo'ontäky.

Lucas 15:32

Tyam, kopkpëky ntu'unmëty yë xëëw, tsojk ntukxoontakëmë. Jä'ä ko ya'atë n'u'unkës, jëtu'un tpaaty ijxtëm jeexyë të y'o'knën; e tyam, tëë jyuukpyiky; jëtu'un tpaaty ijxtëm jeexyë të tyëkoy'ityën e tyam tëë yajpaaty.

1 Corintios 9:16

Koos nnikäjpxy ja oy aaw oy ayuk ka'apës nnätyukmëjpëjktä'äkyë. Jëtu'unës npëjktä'äky ijxtëm ja tuunk akwanëpën mëti'ipës të xytyuknipëktën. Mon tukës jeexyë të nyajpaaty koos jeexyë ka'ap të nkajpxwä'kxy.

Efesios 2:1

Miitsëty jëtu'un ijty m'itë ijxtëm ja o'kpën, jä'ä ko pokyjoty ijty myajpaatë.

Efesios 2:5

tëë xymyo'oyëmën ja juukyajtën ko mëët ja Kristë ma ënety nyajpatëmën ooky ko ja nëë poky nmëët'ajtëmë. Dios ja myëyajtën të ttuny ets miits të xypyaatë ja nitsokën.

1 Timoteo 5:6

E ja ku'ooky tyo'oxytyëjk mëti'ipë ukp mukëpën ëkë äjtsp pujtpën, jëtu'un ja nyäxy tä jeexyë y'ooky'ityën ma jyuuky'ätyën.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

2 Timoteo 4:5

E mijts, niwijy nikejy mja'ay'atëty, mëtanë ja ëyo'on, kajpxwa'kx xëmë yë aaw ayuk oypyë, patun oy yë mtuunk.

Apocalipsis 3:1

Nnijayë yë tsajpjotmëtë kukäjpxy jampë yajpaatyën Sardes: Jëtu'un y'ënä'äny mëti'ipë myëët'ajtypyën wëxtujkpë ja Dios ja jya'awën ets wëxtujkpë ja matsa'a: Nija'apës tii mtuunpyën ets nija'apës ko mjajuuky'ajtp je'eyëp ko ooky myajpaaty.