Lucas 9:55 - Biblia Dc en Mixe de Quetzaltepec

⁵⁵ Tääts ja Jesús wya'akwinpijty ets twinkukajpxëy.

Biblia Mixe de Quetzaltepec

⁵⁵ Tääts ja Jesús wya'akwinpijty ets twinkukajpxëy.

Lucas 9:55 ပူးပေါင်းရင်းမြစ်များ

2 Samuel 19:22

E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

Job 2:10

Ënet ja Job y'ëtsooy: Mijts to'oxytyëjk, këtii nëkoo ëxëëkjaty m'ëna'any. Pën ëëtsajtëm nkupëjkëm mëti'ipë Dios xymyo'oyëmën, ¿wi'ix ko ënät ka'ap nkupëjkmëty ko ëxëëk xytyu'unmëty? Ëxëëk ojts jyäty kyëpety yë Job, e yë'ë kä'äpyëm tmëtëkooy yë Wintsën mëët yë myä'äyën tyajën ets mëët yë y'aaw y'ayuk.

Job 26:4

¿Pën mputëjkëyëp ko jëtu'un m'ëy mkäjpxy? ¿Pën të mmo'oyë jëtu'unpë jot winma'any?

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Proverbios 9:8

Oj yë ëxëëk ja'ay, ets xy'ixëty pën këtii m'ëk mëtsiptsoonyë. Tuk'ënëëmë yë ja'ay wijypyë kujkpë ma ka'ap tii oy tunyën, ets xy'ixëty pën ka'ap m'ëk oyjyawëty.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Mateo 16:23

Tääts ja Jesús wya'akwinpijty ets t'ënëmaay ja Pedro: Winwa'ktutkës mijts. Jëtu'un mkäjpxy ijxtëm yë mëjku'u tsokyën. Je'eyës mijts xy'atsipy. Ka'ap mwinma'any jyëtu'unëty ijxtëm yë Tiosën; jëtu'un mijts mwinma'any ijxtëm yë ja'ayën.

Mateo 26:33

Tääts ja Pedro tnikajpxëy: Oyxyë ni'ëmukë ja'ay mpuwa'ktuta'ayë ëjts nijëna'a mijts nka'ëxmatsëty.

Mateo 26:41

Juuky näyaj'itëtë ets ja'amyätstë Dios, këtii ja ku'oypyë mnätyukmëmëta'akëtë. Tsyojkpy ja aaw jot ets tunëty mëti'ipë Dios tyukjotkëtäkpyën, je'eyëp ko ja ni'kx kopk atoonk apatk yajpaaty.

Mateo 26:51

Nitu'uk ja Jesús ja jyä'äy tju'ty ja tyiypyujxn ets tatskmëpujxëy ja teety wyintsën ja tyuunpë.

Lucas 9:54

Ko ja Santiagë ets ja Juan jëtu'un tmëtoowtë, ënät t'ënëmaaytyë: Wintsën, ¿Myajkutujkpy mijts etsës n'amëtowtëty ja jëën tsajpjotm, wä'än yë ja'ay tkutëkoytyë?

Lucas 9:56

Tääts tsyo'ontë ets ojts nyëjkxtë ëpëkykyajpn.

Juan 16:9

Mëti'ipë pokymyëëtën yë'ëkyëjxm koos ka'ap xymyëpëky;

Santiago 3:10

Aawjoty pyëtsimy ja ayuk ko ja'ay oy yajnikäjpxy ets ko ja'ay yajkajpxpoky. Mëku'uktëjkëty, ka'ap jëtu'un y'oyëty.

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Dios kyënu'kxëtëty. Paaty miits ja Dios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.