Lucas 9:48 - Biblia Dc en Mixe de Quetzaltepec

⁴⁸ ets y'ënëmaayëtë: Pën ya'atë pi'k ëna'k kyupëjkpy ëjtskyëjxm, nän ëjts ënety xykyupëjkp ets pën xykyupëjkpës, yë'ë näjyëtu'un kyupëjkpy mëti'ipës xykyäjxpën. Pën mutsk näpyëjktakëp ma miitsëtyën, yë'ë mëj najxp.

Biblia Mixe de Quetzaltepec

⁴⁸ ets y'ënëmaayëtë: Pën ya'atë pi'k ëna'k kyupëjkpy ëjtskyëjxm, nän ëjts ënäty xykyupëjkp ets pën xykyupëjkpës, yë'ë näjyëtu'un kyupëjkpy mëti'ipës xykyäjxpën. Pën mutsk näpyëjktakëp ma miitsëtyën, yë'ë mëj najxp.

Lucas 9:48 ပူးပေါင်းရင်းမြစ်များ

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Dios wintum.

Mateo 18:14

Näyjyëtu'un ja Dios, miits ja mTeetyëty tsajpjotmëpë ka'ap tsoky ets nitu'uk y'u'unk y'ëna'k mutskpë ye'eytyëkoyëty.

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

Mateo 25:45

Ets ja yajkutujkpë y'ëtsowa'anëtë: Tëy miits n'ënëëmëtë, ko tu'kë'ëyë mëti'ipë miits ka'ap të xytyuntë oy ma tyaapë ja'ayëtyën ëmaay amutskpë, ëjtsën jëtu'un miits të xytyuntë.

Marcos 9:37

Pën kyupëjkpy yë pi'k ëna'k jëtu'un tä ëjtsën, nän xykyupëjkpës ënety ëjts; ets pën xykyupëjkpës, ka'ap y'ëjtsëty nätyu'uk xykyupëky, nän kyupëjkpy ja mëti'ipës xykyäjxpën.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Lucas 14:11

Pën nämyëjpëjktakëp kë'ëm, yë Dios mutsk yajnaxa'anyë, pën yu'unk naxym näpyëjktakëp, mëj'äämpy yë Dios yajnaxa'anyë.

Lucas 22:26

E ma miitsëtyën, ka'ap mëpaat jëtu'un mja'ay'atë. Pën mëj itaanp, yë'ë mëpaat mutsk nyäyajnaxyë; pën ënä'ämaanpën, yë'ë mëpaat nyäyajnaxyë mëtuunpë.

Lucas 22:30

Ets jam mkaytyëty m'uuktëty maas ja nkaaypyäjnën mëti'ipë yajpatpën maas yë nkutujktaknën, ets mnaaxwäätstëty ma ja kutujktaknën ets xypyaye'eytyëty ja majkmäjtsk pëkpyë ja Israel ja y'u'unk y'ok.

Lucas 7:28

Jëtu'un miits n'ënëëmëtë ko ni pën ja'ay jëtu'un kyamëjjëty ijxtëm yë Juankën. Oy jyajëtu'unëty, ja ni'ik mutskpë ma ja Dios ja kyutujktaknën, wäänë mëj jä'ä këtiinëm yë Juan.

Juan 13:20

Tëy miits nëëmëtë, pën kyupëjkpy mëti'ipës nkejxypyën, nän ëjts ënety xykyupëjkp; ets pën xykyupëjkpës, nän yë'ë ënety kyupëjkpy mëti'ipës xykyäjxpën.

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Pedro 5:6

Yujy tëtä'äky näpyëjkta'akëtë Dios kyë'ë'am ets ja Dios mmëjpëjkta'akëtëty ko ënety ja tiempo tpaaty.

Apocalipsis 21:14

Ja potsy mëti'ipë nyapots'ajtypyën ja kajpn, majkmäjtsk ja tsaa tmëëtëty mëti'ipë y'ëjx'ajtypyën. Japts kyuja'ayëty ja Jesús ja y'ijxpëjkpëtëjk ja xyëëwëty.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.