Lucas 9:28 - Biblia Dc en Mixe de Quetzaltepec

²⁸ Tuktujk xëëwëp ënety ja Jesús jëtu'un myëtyä'äky, ko pya'tëjkëy kopkëjxm Dios mëkajpxpë. Wyoow ja Pedro, Santiagë ets ja Juan.

Biblia Mixe de Quetzaltepec

²⁸ Tuktujk xëëwëp ënäty ja Jesús jëtu'un myëtyä'äky, ko pya'tëjkëy kopkëjxm Tios mëkajpxpë. Wyoow ja Pedro, Santiagë ets ja Juan.

Lucas 9:28 ပူးပေါင်းရင်းမြစ်များ

Lucas 6:12

Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Salmos 109:4

Mëët yë'ë koos yë tsojkën ja'awën nmëëtëty, paaty xynyipëtë'ëktës; e ëjts je'eyës nwa'antä'äky nnu'kxtä'äky.

Lucas 9:18

Jam ënety tëkok ja Jesús ja Dios tja'amyetsy nätyu'uk, ënät ja y'ijxpëjkpëtëjk tyajtëëy: ¿Wi'ix yë ja'ay y'ëna'antë, pën ëjts?

Lucas 8:51

Ko jyajtë ma ja Jairo tyëjkën, ka'ap ja Jesús tkupëjky ets pën pyatëkëtëty, yi'iyë wyoow ja Pedro, Santiagë, mëët ja Juan ets ja u'unktaak u'unkteety.

Marcos 6:46

Ko nyäjyëkäjpxyë, tääts pya'tëjkëy kopkëjxm Dios mëkajpxpë.

Marcos 1:35

Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Dios mëkajpxpë të'ëts'itjotm,

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

2 Corintios 13:1

Mëtëkëëk'ok tyam miits nëjkx nku'ixëja'antë. Jää nëjkx winë tyiytyëkë mëët nimäjtsk nitëkëëkën mëti'ipë y'ixtëp nyijawëtëpën winë.

Lucas 3:21

Jëtu'un ojts tyunyë jyätyë, ko ja Juan ënety jam ja mayjyä'äy tyajnëëpety, ënät ja Jesús näjyëtu'un nyëëpejty; ko ja Dios tja'amyejtsy ënät ja tsajp y'ëwatsy,

Mateo 5:1

Ko ja Jesús t'ijxy ja mayjyä'äy, ënät pya'tëjkëy jam kopkkëjxm ets ojts nyaaxweetsy. Jamts ja y'ijxpëjkpëtëjk myëwinkoonë.

Mateo 14:23

Ko nyäjyëkajpxë, tääts pya'tëjkëy nätyu'uk jam kopkëjxm Dios mëkajpxpë. Ko kyootsëy, nätyu'uk ënety jam yajpaaty,

Lucas 5:16

Kanaak'ok ja Jesús tnikeky ja mayjyä'äy ets ojts nyijkx jam apak itum, jamts ja Dios tja'amyejtsy.

Juan 6:3

Ënet ja Jesús pya'tëjkëy ma tu'uk ja kopkën ets jam nyaaxwe'tsy mëët ja y'ijxpëjkpëtëjk.

2 Pedro 1:16

Ja ijxpëjkën mëti'ipë tmooytyën ko ja Wintsën Jesukristë myina'any yaa naaxwiiny jatëkok mëët ja myëk'ajtën, ka'apës kë'ëmwinma'any ojts nma'kxtë etsës jëtu'un n'ëna'antëty, nwiinës mëët ntimy'ijxtë ja Wintsën ja myëj'ajtën jyääntyajtën.