Lucas 8:53 - Biblia Dc en Mixe de Quetzaltepec

⁵³ Ets ja Jesús tukxiktë, nyija'awëtëp ko tëë ja Jairo ja nyëëx y'o'knë.

Biblia Mixe de Quetzaltepec

⁵³ Ets ja Jesús tukxiktë, nyija'awëtëp ko tëë ja Jairo ja nyëëx y'o'knë.

Lucas 8:53 ပူးပေါင်းရင်းမြစ်များ

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Juan 11:39

Ets ja Jesús y'ënäny: Jëkë'ëtë yë tsaa. Ënet ja Marta, mëti'ipë ja o'kpë myëkä'äx'ajtypyën, ojts y'ënë'ëmxëty: Wintsën, tokxu'knëp yë'ënë, jä'ä ko tëë myajktaxk xëëwpäjnë ma nyaaxtëjkënën.

Salmos 22:7

Koos pën xy'ixy je'eyës xynyëxi'ik xytyukxi'iktë; je'eyë kyuwëjpxtë ets wyiin y'aaw tuntë

Job 17:2

Maas ëjts nyajpaatyën aak yajpatp ja'ay mëti'ipë je'eyë nëëxikp tukxikpën; tsu'um koots aak je'eyës n'ixy tyäty wyinkajpxpätë.

Job 12:4

Oyës nkapokymyëëtëty ets oyës nitii tuuntëko'oyën nkamëët'aty ets oy të nyäxy ja xëëw jëmëjt ma ijty ja Dios tmëtoyën koos nmëkäjpxy, yë njëëky nmëku'ukës mëti'ipës mëët oy nnäymyäyën, je'eyës tyam xytyukxi'iktë.

Mateo 9:24

ënät y'ënäny: Pëtsëmtë yaa, yë kiixy u'unk ka'ap yë të y'ooky, maap yë je'eyë. Tääts ja ja'ay je'eyë tukxiktë ja Jesús.

Lucas 8:52

Nimay ja ja'ay ja kiixy u'unk tnijë'ë tniya'axtë ets ja Jesús y'ënëmaayëtë: Këtii mya'axtë, ka'ap yë kiixy u'unk të y'ooky, maap je'eyë.

Lucas 8:54

Tääts ja Jesús tmajtsy kyë'ëkëjxy ja kiixy u'unk ets mëk t'ënëmaay: Kiixy u'unk, pëtë'ëk.