Lucas 8:47 - Biblia Dc en Mixe de Quetzaltepec

⁴⁷ Ko ja to'oxytyëjk t'ijxy ko ka'ap y'oyëty tkuyu'utsëty mëti'ipë të tunyën, tääts ojts nyäkyoxtënaaytyä'äkyë ma Jesús tyeky'ëjxën ets tuk'ëwa'anëy mayjyä'äy wyintum ko yë'ë ënety të tony ja Jesús ets ënätyë të tsyo'oky.

Biblia Mixe de Quetzaltepec

⁴⁷ Ko ja to'oxytyëjk t'ijxy ko ka'ap y'oyëty tkuyu'utsëty mëti'ipë të tunyën, tääts ojts nyäkyoxtënaaytyä'äkyë ma Jesús tyeky'ëjxën ets tuk'ëwa'anëy mayjyä'äy wyintum ko yë'ë ënäty të tony ja Jesús ets ënätyë të tsyo'oky.

Lucas 8:47 ပူးပေါင်းရင်းမြစ်များ

Marcos 5:33

Ënet ja to'oxytyëjk tsyëyuuypyijky mëët ja tsë'ëkë, nyija'awëp tii tuunëp jajtëpën. Tääts ojts nyijkxy ets nyäkyoxtënaaytyakë ma ja Jesús ets tuk'ëwa'anëy ja tëyajtën.

2 Corintios 7:15

Ets Tito mtsojkëtëp tyam wäänëni'ik ko tja'amyetsy ko miits xymyëmëtowtë ets ko mëët ja wintsë'kën ojts xykyupëktë.

Hebreos 12:28

Ja Dios xymyo'oja'anëm mëti'ipë ka'ap yu'kxyën, paaty ja Dios nkukajpxëmëty ets nmëjja'awëmëty njaantyja'awëmëty oyjyot oywyinma'any mëët ijxtëm tsokyën.

1 Corintios 2:3

Yaj'ayow yaj'ama'at jam nmiinyës ma miitsëtyën ets tsë'ëkë tsë'ëkë.

Salmos 2:11

Ëwtatë ets wiinkoxtänëtë ja Wintsën mëët ja xoontakën ets ja wintsë'kën. Winta'ak naaxkowtë ma yë'ëjën mëët yë winkutsë'kën, këtiipë jyoot'anpëkëty ets këtiipë muum tu'u'aay m'ooktëty, jä'ä ko yë'ë pojën jyoot'anpëky. Jotkujk ets xoontä'äky yë ja'ay yajpaaty mëti'ipë y'ixtääpyën yë näkyëwent'atë ma yë'ëjën.

Hechos 16:29

Ojts ja pujxntëjk këwent'ajtpë t'amëtoy ja kutë'kxn, ets tyëjkëy tsëyuuypyë pujxn tëkoty ets nyäkyoxtënaaytyakë Pablo ets Silas wyintuuy.

1 Samuel 16:4

Samuel ojts tjantytyuny tä ënety ja Wintsën të y'ëne'emyën. Ko jam jyä'äjty Belén ënät ojts ja mëjja'aytyëjk jyëjpye'eyë'ëkëtë ets y'ënëmaayëtë mëët ja tsë'ëkë: ¿Ja jotkujk'ajtën mmëmiimpy myajmiinpyë?

Habacuc 3:16

Koos të nmëtoowta'ay tu'kë'ëyë ya'atë, tëëjës ntsë'ëkë. Jëtu'unës yë n'atääm të y'ëktsëyuuypyëjknë, jëtu'unës yë nteky të njawë tëë yowë yu'unkëtyääynyë ets ka'apës oy n'ëktuktënaaynyë, ka'apës ja njot nini'kx të xy'ëkmaaynyë. E oy y'ëkjëtu'unëty ëjts je'eyëmës n'a'ixa'any njëjp'ixa'any jëna'a yë Wintsën tyaj'ëyo'onpaata'any yë mëtsip mëti'ipë yaj'ëyoopën.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Salmos 38:9

Wintsën, mijts wa'ats xynyijawë mëti'ipës ntsojkën'ajtypyën. Koos nmëkxejy mijts wa'ats xynyijawë tii ko jyëtu'unëty.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Mateo 28:8

Tääts ja to'oxytyëjkëty tsyo'ontë jotëkoy ma ja o'kpëjutën, tyam jyatsë'ëkëtë ets tyam jyaxoonta'aktë, pëyi'ikyë ojts nyëjkxtë ets tuk'ëwaanëja'antë ja Jesús ja y'ijxpëjkpëtëjk mëti'ipë ënety të nijawëtën.

Oseas 13:1

Ko ijty kyäjpxy yë Efraín, yë Israel ja'ayëty je'eyë wyinta'ak nyaaxkowtë; e yë Efraín jää ojts y'o'knë ma ënety të t'ëwtatyën yë Baal.

Oseas 5:3

Ëjts n'ixy'äjtypyës ets nija'apës yë Efraín. Yë Efraín jëtu'un ka'ap yë Dios të twintsë'ëkë tä tu'uk yë to'oxytyëjkën ka'apë twintsë'ëkën yë nyiye'etyëjk; Yë Israel tëë nyäyaj'ëxëëktëkëty.

Salmos 66:16

Mintë miitsëty tu'kë'ëyë, jënu'un xytsyë'ëkëtën xymyëjjawëtën yë Dios. Mëtoow'itë, tyamës nimëtya'aka'any mëti'ipë të tunyën ma ëjtsën.

Lucas 8:46

Tääts ja Jesús y'ënäny: Tëës ja'ay xytyony, tëëjës njawë koos yë nmëk'ajtën të xytyukpëtsëmy.

Lucas 8:48

Ënet ja Jesús y'ënëmaayë: Nen, jä'äkyëjxm të mtso'oky koos të xymyëpëky. Nëjkx akujk jotkujk.