Lucas 8:44 - Biblia Dc en Mixe de Quetzaltepec

⁴⁴ Tääts ojts tpanëjkxy ja Jesús ets ja wyit pa'a ojts toonë ets ja pyo'omayë ënätyë tyajxmoony.

Biblia Mixe de Quetzaltepec

⁴⁴ Tääts ojts tpanëjkxy ja Jesús ets ja wyit pa'a ojts toonë ets ja pyo'omayë ënätyë tyajxmoony.

Lucas 8:44 ပူးပေါင်းရင်းမြစ်များ

Deuteronomio 22:12

Ma ja mnijänëtyën nëjkxëp taxkpëky xykyëxuytyë ja nyitsuumë'ëk.

Hechos 19:12

jëna'ajëty ja Pablo ijty je'eyë yajtukniminy ja paayë ëkë ja wit ets tonëty, yë'ëts myënëjkxtëp ma ja pa'amja'ayën ets tsyo'oky. Näyjyëtu'un tuuntë mëti'ipë ja ku'oypyë myëët'ajtëpën, ets y'ëxmatsëtë.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Juan 5:13

E ja ye'etyëjk ka'ap tnijawë pën ojts yajtso'okyë, jä'ä ko ja Jesús ojts ye'eytyëkoy mayjyä'äyjoty.

Lucas 13:13

Tääts ojts tkë'ënixajy ets kyoowkujkëy, ojts ja jyëxk tyiy ets ja Dios tmëjja'aw tjaantyja'awëy.

Lucas 7:38

Yaxp ja Jesús twinkuwa'këy ets ja tyeky ojts tyajxo'kë mëët ja wyiin nëë ets ja wyääy tukmäxtëtsy, ets ojts tsu'kxë ja Jesús ja tyeky ets tuktekymyëtä'ämëy ja pa'akxu'kpë nëë.

Marcos 6:56

Ko ja Jesús ijty nyijkxy oymyaajëty, kajpntum ëkë kamjotm, ënätyë ja ja'ay tpëjkta'aktë ja pa'amja'ay jam muum tu'ujotm. Jamts tmënu'kxta'aktë ja Jesús ets ja wyit pa'a tyo'onxëtëty oy jënu'unën ja pa'amja'aytyëjk; ets tu'kë'ëyë mëti'ipë tyoontëpën ja Jesús ja wyit, tsoktëp akëtaktëp poj'am.

Mateo 20:34

Tääts ja Jesús pya'ëyoowëtë ets ojts ja wyiin tyo'onxëtë. Ënätyë ja ja'ay ja wiintsëtypë ojts y'ijxpëktë ets ja Jesús tpatso'ontë.

Mateo 8:3

Tääts ja Jesús ojts tony ets t'ënëmaay: Ntsojkpyës ets mtso'okëty ets mwa'atsëty. Tso'ok ets wë'ëm wa'ats. Je'eyë ja Jesús jëtu'un y'ënäny ets ja ja'ay ja pyu'uts ënätyë tsyokaay ets wyatstaay ja nyini'kx.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Hechos 5:15

Ets ja pa'amja'ay jam may tpëjktaktë tu'u'am, tam mëti'ipë myaapäjnkëjxm ko'knaaytyëpën ets tam mëti'ipë to'okykyëjxmën; yë'ë y'ëwxijtëp ko ja Pedro nyaxëty ets ja ja'ay tsyo'oktëty, oy je'eyë ja y'äpk pyaatëtëty.

Mateo 9:20

Ënet tu'uk ja to'oxytyëjk myiiny jëxkë'ptsow ma Jesús ets ja wyitnijän ojts wäänë toonë. Tyaapë to'oxytyëjk jä'ä ënety pyëjkënë majkmäjtsk jëmëjt, taxyë ënety myëët'ajtyp ma y'ëmaay'ajtënën.

Lucas 8:43

Jamts tu'uk ja to'oxytyëjk mëti'ipë majkmäjtsk jëmëjt ënätynyë ma ja pyo'omayë pyatënën ets ka'ap tyajxmony; kanu'unpë ënety meeny të tyajtuunë ko ja tsooy tjuy ets ja yajtsooypyäjtpë jyayajtsooypyetyë, ets ni pën tkajaty yajtso'okëtëty.

Lucas 8:45

Ënet ja Jesús tyajtëëy: ¿Pënës të xytyony? Ko ni pën tkakupëjky ets ja Pedro y'ënäny: Wintsën, jëtu'unyë ja'ay m'atij m'akotëty.