Lucas 8:40 - Biblia Dc en Mixe de Quetzaltepec

⁴⁰ Ko ja Jesús jyä'äjty jatëkok mejypyë'am, pëk paat ja ja'ay jam jya'awëyë, janty aak ëwxijtëtëp ënety ja ja'ay jam.

Biblia Mixe de Quetzaltepec

⁴⁰ Ko ja Jesús jyä'äjty jatëkok mejypyë'am, pëk paat ja ja'ay jam jya'awëyë, janty aak ëwxijtëtëp ënäty ja ja'ay jam.

Lucas 8:40 ပူးပေါင်းရင်းမြစ်များ

Proverbios 8:34

Janty jotkujk yë ja'ay yajpaaty mëti'ipës xymyëtoow'ijtpën, ets winjëpom yajpaaty ijx'ijtp këwent'ajtpë maas yë njëën aaw ntëjk'aawën.

Mateo 9:1

Tääts ja Jesús tyëjkëy kepy nëëwinye'epyëjoty ets ojts nyijkxy jamtsow nëë'awinm, jam Capernaúm ma ënety tsyëënën.

Marcos 12:37

¿Wi'ix yë Mesías teety'at t'ap'atëty yë David, pën yë David jëtu'un yë Mesías tijy Wintsën? Ja mayjyä'äy je'eyë tmëtoow'itë ja Jesús akujk jotkujk.

Marcos 5:21

Ko ja Jesús wyimpijty kepy nëëwinye'epyëjoty ets jyä'äjty jatëkok jam nëë'akëyë pë'am, ënät ja ja'ay janty nimay myujktë.

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Lucas 19:48

Ka'ap wyinma'anypyatë wi'ix tuntëtyën, jä'ä ko ja mayjyä'äy oy tmëtowtë wi'ix ja Jesús yaj'ijxpëkyën.

Lucas 19:6

Tääts ja Zaqueo ënätyë jyënäjky ets akujk jotkujk ja Jesús tyajja'ajtäky ma tyëjkën.

Lucas 5:1

Jam ënety ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Dios ja y'aaw y'ayuk.

Lucas 8:39

Nëjkx ma mtëjkën, jamts xynyimëtya'akëty wi'ix ja Dios të mputëkëtyën. Ojts ja ja'ay nyijkxy ets nimëtyäky wi'ix ënety ja Jesús të yajtso'okyën.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

Hechos 10:33

Paatyës yë nkukäjpxy ënätyë të nkexy ets mwowëtëty. Oy ko yë mëyajtën të xytyuny ko të mminy. E tyamts ëëts tu'ukmukyë nyajpaatë Dios wyintum ets yaj'amëtoow'ita'any ja aaw ayuk mëti'ipë ja Wintsën të mtuk'ëne'emyën etsës xytyuk'ëwaanëtëty.