Lucas 8:31 - Biblia Dc en Mixe de Quetzaltepec

³¹ Ënet ja ku'oypyë t'ënëmaaytyë ja Jesús ets ka'ap kyäxëtëty ma ja ëyoowtaknën.

Biblia Mixe de Quetzaltepec

³¹ Ënät ja ku'oypyë t'ënëmaaytyë ja Jesús ets ka'ap kyäxëtëty ma ja ëyoowtaknën.

Lucas 8:31 ပူးပေါင်းရင်းမြစ်များ

Job 1:11

E ko winë xy'ëkjëpëjkta'ajëty ma yë'ëjën, tää xy'ëk'ixëty wi'ix mpokyën ets nëjkxëp kë'ëm xymyëtoy.

Job 2:5

E yë'ë ko wi'ix xy'ëktunëty ma jyot nyini'kxën, tä xy'ëk'ixëty wi'ix mpokyën.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Lucas 8:28

Ko t'ijxpaty ja Jesús ets twinkoxtënaay, tääts y'ënäny ayaxp ajojkp: Jesús, Dios ni'ik këjxmëpë y'u'unk, ¿tii mtsojkpy mëët ëjts? Tun ja mëyajtën, këtiis xyajjotkëxy.

Lucas 8:32

Jamts ënety ja may ëtsëm yuunpëtë kopkwinm ets ja ku'oypyë nyu'kxtaktë ets ja ëtsëm tuktëkëtëty. Yajkutujk ja Jesús.

Romanos 10:7

ëkë ¿Pën jap jëjpta'akaanp o'kpëjutjoty? Jëtu'un yajja'akyukë yë'ë yowë yajtsojkp ets ja Kristë pyëtsëmëty o'kpëjutjoty.

Apocalipsis 11:7

Ko ja Dios ja jyä'ä ënety të tkajpxwa'kxta'atë, ënät ja mëj jëyujk pyëtsëma'any mëti'ipë tso'onpën ëyoowtaknjoty, yë'ë yaj'ookëtëp.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënety nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 9:11

Jam tu'uk ja tsajpjotmëtë kukäjpxy mëti'ipë tso'onpën ëyoowtaknjotm, yë'ë nyiwintsën'ajtyp ja maymyu'u. Abadón yajtijy ma hebreo ayukën ets ma griego ayukën, Apolion.