Lucas 8:24 - Biblia Dc en Mixe de Quetzaltepec

²⁴ Tääts tyujxtë ja Jesús ets t'ënëmaaytyë: Wintsën. Wintsën. Tam nki'ina'anëmë. Ënet ja Jesús pyëti'ky ets mëk'äämpy twinkukajpxëy ja mëkpoj, ënät ja nëë ets ja mëkpoj myoony ets ja nëë kyiiy'a'awëy.

Biblia Mixe de Quetzaltepec

²⁴ Tääts tyujxtë ja Jesús ets t'ënëmaaytyë: Wintsën. Wintsën. Tam nki'ina'anëmë. Ënät ja Jesús pyëti'ky ets mëk'äämpy twinkukajpxëy ja mëkpoj, ënät ja nëë ets ja mëkpoj myoony ets ja nëë kyiiy'a'awëy.

Lucas 8:24 ပူးပေါင်းရင်းမြစ်များ

Lucas 4:39

Ënet ja Jesús nimëjwä'ky ja to'oxytyëjk ets ojts t'ojy ja jëënpa'am, tääts ja jëënpa'am nyiwatsë ja to'oxytyëjk. Ënätyë pyëti'ky ets yajkaay yaj'ukëtë.

Lucas 5:5

Tääts ja Simón y'ëtsooy: Wintsën, tëëjës tu'ktsu'um njajëpiptë, ni tu'ukës nëë jëyujk të nkamatstë. Minës n'ëkkujëpipë jatëkok jä'ä ko mijts jëtu'un m'ënaanp.

Nahúm 1:4

Y'ëtsu'uxyäxyp yë nëëmejy ets yajtëtsyp. Yë'ë yajtëtsyp tëkokyë yë mëjnëëjot. Yë'ë yajtëtstääpy yë aay ujts jam Basán ets Carmel y'itjotm, yë'ë näjyëtu'un të tyajtëtsta'ay yë pëjy jam Líbano.

Salmos 65:7

Mijts yë nëëmejy amonyë myaj'ijtyp, ets ko yë naax kajpn ka'ap jyotkujk'aty mijts näjyëtu'un myajjotkujktäkpy;

Mateo 14:30

E ko mëk tja'awëy ja mëkpoj, ënät tsyë'këy ets nyëëkuyejtsy. Tääts yaxpë jojkpë tyëjkëy: Wintsën, yajpëtsëëmkës.

Jeremias 5:22

Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Mateo 8:25

Ënet ja y'ijxpëjkpëtëjk yujxëtë ets y'ënëmaayëtë: Wintsën, yaj'ëwaatsëpëtsëëmtëkës. Tyamës nëëji'kxnëtë.

Marcos 4:39

Ënet ja Jesús pyëti'ky ets twinkukajpxëy ja poj ets ja mejy t'ënëmaay: Mëtow, ka'ap myu'kxëty. Ënet ja poj myoony ets tu'k'ityë ojts wyi'im.

Lucas 4:35

Tääts ja Jesús twinkukajpxëy ja ku'oypyë ets t'ënëmaay: Amonyë, ëxmats tääpë ja'ay. Ënet ja ye'etyëjk yajkëtaawë ja ku'oypyë mayjyä'äyjoty ets y'ëxmajtsë, kä'äp ojts wi'ix y'ëktuunënë.

Lucas 8:25

Ets t'ënëmaay ja y'ijxpëjkpëtëjk: ¿Tii ko mkamëpëktë? Tsë'këtëp ënety ni'ik ja y'ijxpëjkpëtëjk, ets mëjmëtoy tja'awëtë paaty xim yam nyäy'ënanëtë: ¿Pën ja'ay tëy ya'atënë? Pojpaat mejypyaat myëmëtoowënë ko t'ëne'emy?