Lucas 8:15 - Biblia Dc en Mixe de Quetzaltepec

¹⁵ Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Dios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Dios tyukmëtsokëtën.

Biblia Mixe de Quetzaltepec

¹⁵ Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Tios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Tios tyukmëtsokëtën.

Lucas 8:15 ပူးပေါင်းရင်းမြစ်များ

Salmos 119:11

Tyapës pëjkë'ëk nyaj'ity yë m'aaw m'ayuk maas yë njot nwinma'anyën; këtiipë jëna'a nmëtuuntëkoyëty.

Salmos 51:10

Wintsën, pëjkta'ak ma ëjtsën tu'uk jot winma'any wa'atspë ets mooykyës yë jot winma'any oypyë ets mëtëypyë.

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

Jeremias 15:16

Koos ijty xymyëkäjpxy, jëtu'unës ja m'aaw m'ayuk njawë tä ja'ay tii tjë'kxyën; yë m'aaw m'ayuk jotkujkës ijty xyajnäjyawëty, jä'ä ko mijtsës xyjyä'ä'ajtp, Wintsën mëti'ipë maaytyääyëpën winë.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 32:29

Yë Caldeo ja'ayëty mëti'ipë jam nyitëkëjantëpën yë Jerusalén kajpn, ko ënät tnitëkëtëty, tääts tjëënmo'oja'antë ets tnino'kta'aja'antë, näjyëtu'un ja jëën tëjk ma ijty jam tëjkëjxm tmo'otën yë Baal yë wyintsë'kën, ma tukwinjoktën ja poom ets tsatym nyëë tëëpë nyimaanaxyën, mëti'ipës ojts xytyuk'yajjoot'anpëktën.

Mateo 24:13

Temë pën xymyëpëjkpës mapaat jyëjpkëxyën, yë'ë nëjkx nyitso'oky.

Lucas 11:28

Tääts ja Jesús y'ëtsooy: Yë'ë wäänëni'ik akujk jotkujk yajpatp mëti'ipë ja Dios ja y'aaw y'ayuk myëtoow'ijtëpën ets tpatuntë.

Lucas 6:45

Ja oyjyä'äy, oy ja kyajpxën myëtyakën, jä'äkyëjxm ko twinma'any'äty ja oypyë. Ja ëxëëk ja'ay, ëxëëk ja kyajpxën myëtyakën jä'äkyëjxm ko twinma'any'äty ja ka'apë y'oyëtyën. Mëti'ipë jyootjoty wyinma'anyjyotyën, yë'ë kyajpxpëtsëëmpy.

Lucas 8:14

Ja tëëmt mëti'ipë ojts kyä'äyën äpny akujky, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets tmëpëktë, je'eyëp ko yë'ëty, yë'ë myëjpëjktaktëp ja nyaax kyamëty yaa naaxwiiny ets ja myeenyëty, xiktëp xoontëp; jëtu'unts yë'ë nyaxtë ijxtëm ja tsajpmokyonën mëti'ipë tëtspën ets ka'ap tyëëm'aty.

Lucas 8:16

Ka'ap pën yë jëën tyajtooypyiky ets tnipe'eny, ëkë maapäjnpa'tke'p tpëjktä'äky. Këjxm ja jëën yajkëxkony ets tkutë'kxëty mëti'ipë tëjkëtëpën.

Juan 14:15

Pën xytsyojktëpës miits, mpatuntëp ja n'ënä'ämënës.

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Romanos 6:22

E tyam, tëë xytyukpëtsëëmtu'utë ja poky, tëë jam mtëkëtë ma ja Dios ja tyuunkën. Mëti'ipë mtuk'oy'attëpën ets wa'ats myajpaattëty ets xypaatëty ja juukyajtën xëmëkyëjxmëpë.

Romanos 7:18

Nija'apës koos, maas të ntukmin të ntukja'tën ja ëxëëkpë, ka'ap ja oypyë yajpaaty; paaty ja ëxëëkpë yë'ë ntunyës oy ja oypyë njatuna'anyës.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

Romanos 8:25

E mëti'ipë njëjp'ijxëmën ets ka'ap tii n'ijxëmë mëët ja nwiin'ajtëmë, ëyo'owmëp ko jeky n'ëwxijtëmë.

1 Corintios 7:19

Ka'ap maa tyuny pën tsuky katsuky, yë'ë tuunp pën pyatuumpy ja Dios ja y'ënä'ämën.

Efesios 2:8

Dios të tuny ja mëyajtën ets të myajnitso'okëtë ko të mëpëktë. Ka'ap yë'ëkyëjxmëty ko miits oy tii të xytyuntë, Dios të tuny ja mëyajtën.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.

Hebreos 10:36

Mëët'atë ja mä'kxtujkën. Ko xytyuntëty ijxtëm ja Dios tsokyën, ënät nëjkx xyjyä'ä'atë mëti'ipës ja Dios të twaantä'äkyën.

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

Santiago 1:4

Yë'ë tsojkëp ets xyjyatëty wi'ix winë xymyëtänëtëty, jëtu'unts m'itëty këxy kä'pxy ijxtëm ja Dios tsokyën ets këtiipë tii mtëkoy'ajtxëtëty.

1 Juan 2:3

Pën nmëmëto'owëm ja Dios ja y'ënä'ämën tyiyajtën, jyëkyejpy akujk jotkujk n'ëna'anmëty ko Dios n'ixy'ajtëmë.