Lucas 7:50 - Biblia Dc en Mixe de Quetzaltepec

⁵⁰ Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

Biblia Mixe de Quetzaltepec

⁵⁰ Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

Lucas 7:50 ပူးပေါင်းရင်းမြစ်များ

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Habacuc 2:4

Jëtu'un xykyëxja'ajëty, ko yë ëxëëkja'aytyëjk amëj akëjxm nyäyjyawëtë e yë wa'ats ja'aytyëjk juuky wyë'ëma'antë ets juuky'atantëp mëët ko Dios oy tmëtuntë.

Mateo 9:22

Tääts ja Jesús wya'akwinpijty ets tni''ijxwinpijty ja to'oxytyëjk ets t'ënëmaay: Nnëëxës, jotkujk yajpaat, yë mmëpëjkën yë'ë të myajtso'okyë. Ënätyë tsyoky ja to'oxytyëjk.

Marcos 10:52

Ënet ja Jesús y'ënëmaayë: Nëjkxnë, tëë mtso'oky, jä'ä ko të xymyëpekyës. Jëtu'un ja ja'ay wiintspë ënätyë y'ijxpëjky ets ja Jesús tpatso'ony.

Marcos 5:34

Tä ja Jesús t'ënëmaay ja to'oxytyëjk: U'unk, paaty të mtso'oky jä'ä koos të xymyëpëky. Nëjkx akujk jotkujk ets tso'oky akëtä'äky xëmë m'itëty.

Lucas 17:19

Tääts ja ja'ay t'ënëmaay: Tänë ets mnëjkxëty, paaty të mtso'oky ko të mmëpëky.

Lucas 18:42

Ets ja Jesús y'ëtsooy: Ijxpëk, jä'ä ko mijts mëët'ajtyp ja mëpëjkën.

Lucas 7:9

Mëjmëtoy ja Jesús tmëtooy ko ja tsiptuunpë wintsën jëtu'un y'ënä'äny ets wya'akwinpijty, tääts t'ënëmaay ja ja'ay mëti'ipë ënety yajpatëpën: Jëtu'un miits n'ënëëmëtë ko ni tu'ukës ja'ay jëtu'unpë të nkapaaty ma Israel kajpnën ijxtëm ya'atë ye'etyëjkën, mëk tmëëtëty ja mëpëjkën.

Lucas 8:18

Mëtowtë yajxon. Pën may tii myëët'ajtyp, wäänëni'ik jyaak timyajmo'oja'any; pën yiin wäänë tii myëët'ajtyp, yajpëjkëjaanp tu'kë'ëyë mëti'ipë ënety jyamëët'ajtypyën.

Lucas 8:42

Ookanëp ënety ja nyëëx, tu'kpajkpë t'u'unk'atyën, majkmäjtsk ënety ja jyëmëjt. Ko ja Jesús ojts nyijkx, may ja ja'ay pyanëjkxë.

Lucas 8:48

Ënet ja Jesús y'ënëmaayë: Nen, jä'äkyëjxm të mtso'oky koos të xymyëpëky. Nëjkx akujk jotkujk.

1 Samuel 1:17

Nëjkx akujk jotkujk Jëtu'un y'ënëmaayë ja Eli, yë Dios mëti'ipë Tios'ajtpën ma Israel kajpn, yë'ë mo'ojëtëp mëti'ipë të xy'amëtoy të xypyëjktsoyën.