Lucas 7:37 - Biblia Dc en Mixe de Quetzaltepec

³⁷ Ënet ja to'oxytyëjk tu'uk myiiny mëti'ipë pokyjyä'äyën, jam kajpnjotm tsyëënë. Ko tnija'awëy ko ja Jesús ënety të myiny mëkääpyë ma ja fariseë ja tyëjkën, ënät ojts tmëminy tu'uk ja pa'akxu'kpë nëë, poop tsaa apëjkënjoty.

Biblia Mixe de Quetzaltepec

³⁷ Ënät ja to'oxytyëjk tu'uk myiiny mëti'ipë pokyjyä'äyën, jam kajpnjotm tsyëënë. Ko tnija'awëy ko ja Jesús ënäty të myiny mëkääpyë ma ja fariseë ja tyëjkën, ënät ojts tmëminy tu'uk ja pa'akxu'kpë nëë, poop tsaa apëjkënjoty.

Lucas 7:37 ပူးပေါင်းရင်းမြစ်များ

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Lucas 18:13

E ja yajkukëpäjtpë, jëkäm jam tyänë, ets ni kya'ijxë'ëky, je'eyë nyäkyätsykyupyë ets y'ënä'äny: Dios Teety, pa'ëyoowkës, pokyjya'ayës ëjts.

Lucas 19:7

Ko jëtu'un t'ijxtë, ënätyë tyëjkëtyë kajpxpë ets ni'ojëtë ja Jesús, ko të jyajtä'äky ma ja pokyjyä'äy ja tyëjkën.

Lucas 5:30

Tääts ja fariseë ja'ayëty ets ja tsajptëkotyëtë yaj'ijxpëjkpë ojts tuknëëmëtë ja y'ijxpëjkpëtëjk ets t'ënëmaaytyë: ¿Tii ko yë Jesús ets miitsëty xymyëëtkaytyë yë yajkukëpäjtpëtëjk ets pokyjä'äytyëjkëty?

Lucas 5:32

Ka'apës yë'ëjëty të niminy wa'ats ja'aytyëjk, yë'ëjës të niminy pokyjä'äytyëjk.

Lucas 7:34

etsës të njamiinpë ëjts, kääp ukpës ijxtëm ja ja'ay kyäytyën y'uuktën e miits jëtu'un m'ëna'antë ko nëkoos nkax'ajnë ets ko yë'ëjës mëët nnämyäyë ja yajkukëpäjtpëtëjkëty ets ja pokyjä'äytyëjk.

Lucas 7:36

Tu'uk ja fariseë twooy ja Jesús ma tyëjkën mëkääpyë ets ja Jesús tyëjkëy ma ja fariseë ja tyëjkën ets ja kaaypyäjn twinkuwä'tsëy.

Juan 11:2

Ja Maria, Lázaro myëkä'äx, nän yë'ë ojts ja pa'akxu'kpë nëë tukjaaxy ja Wintsën ets ja wyääy ojts tukyajtë'ëtsy.

Juan 9:24

Ojts ja jutiis ja'ayëty jatëkok twowtë ja mëti'ipë ënety wiints të y'ityën ets t'ënëmaaytyë: Tuk'ëwa'anëtëkës ja tëyajtën ma Tiosën, ëëtsëty nija'awëtëp ko ya'atë ja'ay pokyjyä'äy yë'ë.

Juan 9:31

Wa'ats ëëts nnija'awëmë ko yë Dios ka'ap tmëtoow'ity yë pokyjyä'äy, yë'ë y'amëtoow'ijtyp mëti'ipë wintsë'këyëpën ets mëti'ipë tyuuntëpën mëti'ipë yë'ë tsyojkpyën.

Romanos 5:8

E yë Dios yajnikëxë'kpy ko tsoky tjawë ja ja'ay. Ma ënety ëëtsajtëm pokyjyä'äy nyajpatëmën, Kristë të xykyu'o'këmë.

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.

1 Timoteo 1:9

Näy nija'awëm ko ka'ap yë'ëjëty ja ënä'ämën të yajtuknipëjktaakëtë mëti'ipë ja oypyë tyuuntëpën. Yë'ë të yajtuknipëjktaakëtë mëti'ipë ëxëëk ja'ay'ajtëpën, mëti'ipë kakäjpxymyëtoowtëpën, mëti'ipë ja Dios kyamëjpëjktaktëpën, mëti'ipë pokyjyä'äyëtyën, mëti'ipë y'ëxëëk'ijxtëpën ja Dios ja jyä'ä, mëti'ipë ka'ap twintsë'ëkëtën ja Dios, mëti'ipë ja tyaak tyeety yaj'o'ktëpën, mëti'ipë yajja'ay'o'ktëpën,

1 Pedro 4:18

Pën tsip yë oyjyä'äy nyäyajtso'okyë, ¿wi'ixpëm jëtää ja pokyjä'äytyëjk ets ja ëxëëkja'aytyëjk?