Lucas 7:35 - Biblia Dc en Mixe de Quetzaltepec

³⁵ Oy jyajëtu'unëty, ja wijyajtën kejyajtën mëti'ipë Dios yäjkpyën, jam ja nyikëxë'ëky ma ja ja'ayën mëti'ipë myëët'ajtypyën.

Biblia Mixe de Quetzaltepec

³⁵ Oy jyajëtu'unëty, ja wijyajtën kejyajtën mëti'ipë Tios yäjkpyën, jam ja nyikëxë'ëky ma ja ja'ayën mëti'ipë myëët'ajtypyën.

Lucas 7:35 ပူးပေါင်းရင်းမြစ်များ

Proverbios 17:16

Yë tsuuja'ay, oy jënu'un yë wit meeny tjamëëtëty ets tjajuya'anëty yë wijyajtën, ka'ap tjëkyepy jä'ä ko ka'ap jyä'äkyukë.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Mateo 11:19

Ets ënät ja naaxwiinyëtë ja'ay y'U'unk të jyamiinpë, mëti'ipë kääpy ukpën ijxtëm ja ja'ay kaxpën, miitsëty jä'ä m'ëna'antë koos nkäxëty koos n'ajëënëty ets ko yë'ëjës mëët oy nämyäyë ëxëëkja'aytyëjk ets yajkukëpäjtpëtëjk mëti'ipë Roma myëtuuntëpën. Temë jää nyikëxë'ëky ja Dios ja wyijy'ajtën kyejyajtën ma winë yajtunyën.

Lucas 7:29

Ko ja mayjyä'äy ets ja yajkukëpäjtpëtëjk jëtu'un tmëtoowtë ja Jesús y'ënä'äny, ënät ojts tkupëktë ko Dios ja jyä'ä ko y'oyëty jä'ä ko tëë ënety ja Juan yajnëëpätëtë.

Lucas 7:34

etsës të njamiinpë ëjts, kääp ukpës ijxtëm ja ja'ay kyäytyën y'uuktën e miits jëtu'un m'ëna'antë ko nëkoos nkax'ajnë ets ko yë'ëjës mëët nnämyäyë ja yajkukëpäjtpëtëjkëty ets ja pokyjä'äytyëjk.

Lucas 7:36

Tu'uk ja fariseë twooy ja Jesús ma tyëjkën mëkääpyë ets ja Jesús tyëjkëy ma ja fariseë ja tyëjkën ets ja kaaypyäjn twinkuwä'tsëy.