Lucas 7:22 - Biblia Dc en Mixe de Quetzaltepec

²² ets y'ëtsoowinpijty: Nëjkxtë ets xytyuk'ëwaanëtëty yë Juan wi'ix yaa të xy'ixtën. Tukmëmëtya'aktë ko ja ja'ay wiintspë y'ijxpëktë, ko tekymya'atpë ye'eyë'ëktë, ko pu'uts mëëtpë tsyo'oktë, ko natpë myëtoowpëktë, ko o'kpë jyuukpyëktë ets ko ëyoopëja'ay ja oy aaw oy ayuk yajtuk'ëwaanëtë.

Biblia Mixe de Quetzaltepec

²² ets y'ëtsoowinpijty: Nëjkxtë ets xytyuk'ëwaanëtëty yë Juan wi'ix yaa të xy'ixtën. Tukmëmëtya'aktë ko ja ja'ay wiintspë y'ijxpëktë, ko tekymya'atpë ye'eyë'ëktë, ko pu'uts mëëtpë tsyo'oktë, ko natpë myëtoowpëktë, ko o'kpë jyuukpyëktë ets ko ëyoopëja'ay ja oy aaw oy ayuk yajtuk'ëwaanëtë.

Lucas 7:22 ပူးပေါင်းရင်းမြစ်များ

Lucas 4:18

Ja Dios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Mateo 21:14

Ënet myiintë jap tsajptëkoty ja wiintstëjk ets tekymya'atëjk ma ja Jesúsën ets ojts ja Jesús tyajtsokta'ay.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

Lucas 7:21

Tääts nän jää it ja Jesús tyajtsoky may ja ja'ay mëti'ipë pëjkëtëpën ets tyajpëtseemy ja ku'oypyë ma ja'ayën ets nimay ja ja'ay wiintspë tyaj'ijxë'ky,

Sofonías 3:12

Yë'ëjës nyaj'itäämpy ma mijtsën yë ja'ay mëti'ipë yu'unk naxym ja'ay'ajtpën, mëti'ipë nëjkx ëjts xytyuk'ijxpetyën.

Jeremias 31:8

Nyajwinpitäämpyës jatëkok, ma yajpaatën tsumy matsy jam kajpntum anëkëjxmtsow, nyajtu'ukmujkta'ajäämpyës oy ënety jam muum jëkäm yajpaatë ma naaxwiinyëtë jyëjpkëxyën. Ko ënety wyimpitë, nëjkxëp pyaminëtë ja'ay mëti'ipë wiintsën, tekymya'atën, näjyëtu'un to'oxytyëjkëty mëti'ipë ënety u'unkpaataanpën, mëti'ipë tëë y'u'unkpaatën; yajxon yë ja'ay nëjkx nimay myintë.

Isaías 43:8

Yajmiintëkës yë nkajpn, mëti'ipë jyamëët'ajtypyën yë wyiin je'eyëp ko ka'ap y'ixy; ets tam jyatatsk, ka'ap myëtoy.

Isaías 42:16

Yë wiintstëjk nyajnëjkxä'ämpyës ma tu'ujën ets ma patu'ujën mëti'ipë ka'ap të t'ixy'atën. Ja kootsajtën, të'kxën jajën nyaj'awinpita'anyës ma yë'ëjëtyën, ja'awjot käätsjot, nyaj'awinpita'anyës. Ya'atë jëtu'un kopkpëky ntunäämpyës.

Salmos 146:8

Yë Wintsën yaj'ijxë'kpy yë ja'ay mëti'ipë wiintsën, yajjotkujktäkpy yë ja'ay mëti'ipë ëyo'ontum yajpatpën; tsyojkpy jya'ap näjyëtu'un yë ja'ay mëti'ipë oy yajxon juuky'ajtëpën.

Job 29:15

Ëjts ijty xywyiin'ajtp yë ja'ay mëti'ipë wiintsën, ëjts xytyeky'ajtp ja'ay mëti'ipë tekymya'atën,

Hechos 8:7

May ja ku'oypyë t'ixkejxy ja Felipe. Ayaxp ajojkp pyëtsëëmtaaytyë ma ja ja'ayëtyën. Näy tsoktaaytyë ja kë'ëxujxpë tekyxyujxpë ets ja ja'ay tekymya'atëtypë.

Juan 1:46

Ënet ja Natanael y'ënäny: Nazaret. ¿Wä'än ja'ay jam jëtu'unpë pyëtsëmëtyë? Ets ja Felipe y'ëtsooy: Min ets xy'ixëty.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Lucas 7:23

Ets akujk jotkujk ja ja'ay mëti'ipë ka'ap ja myëpëjkën tyajtëkoyën ma ëjtsën.