Lucas 6:25 - Biblia Dc en Mixe de Quetzaltepec

²⁵ Mon tuk myajpaatë miitsëty, mëti'ipë tyam ku'uxyë jotkëtä'äky kaaytyëp uktëpën, jä'ä ko m'ayuu'atantëp miitsëty ok. Mon tuk miits myajpaatë, mëti'ipë tyam xiktëp xoontëpën; jä'ä ko mjë'ëjan mya'axantëp miitsëty ok mëët ja jotmay.

Biblia Mixe de Quetzaltepec

²⁵ Mon tuk myajpaatë miitsëty, mëti'ipë tyam ku'uxyë jotkëtä'äky kaaytyëp uktëpën, jä'ä ko m'ayuu'atantëp miitsëty ok. Mon tuk miits myajpaatë, mëti'ipë tyam xiktëp xoontëpën; jä'ä ko mjë'ëjan mya'axantëp miitsëty ok mëët ja jotmay.

Lucas 6:25 ပူးပေါင်းရင်းမြစ်များ

Salmos 49:19

miimp yë xëëw jëmëjt ma y'ooka'anyën ets kajëna'a yë xëënyajtën tka'ëk'ixanë.

Proverbios 14:13

Yë'ëpaat ko ja'ay xyi'iky atoonp joot'ëjx ma jyëjpkëxyën yë xoontakën yä'äxy y'awinpity.

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Eclesiastés 2:2

Etsës të npaaty yë winma'any ko yë xikën ëwë'kën nëkoopë yë'ë ets ko nyätyijyë ntukxo'onmëty yë juukyajtën natëkë'ajtp yë'ë.

Eclesiastés 7:3

Ni'ik tsyowpaaty ko nyaxmëty ets këtii ko nxikmëty, jä'ä ko oy ëxëëk yë wiin jëjp ntu'unmëty jap jootjoty winma'anyjoty jotkujkëp jap.

Eclesiastés 7:6

Ko yë tsuuja'ay xyi'iky jëtu'un yajmëtoy tä yë zarsa kepypyijyën ko wyintooykyëtä'äky, tääpë nän natëkë winma'any yë'ë.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Isaías 65:13

Paaty tyam ja Wintsën y'ënä'äny: Ëjts ja ntuunpëtëjk pyaatantëp ja kyääky y'uuky, e miitsëty ni'ikyë m'ayuu'ata'antë; yë'ëjëty nëjkxëp ja xyiktëpë xyoontëpë, e miitsëty je'eyë nëjkx myajnëxi'ik myajtukxi'iktë.

Isaías 8:21

Jëtu'unyë nëjkx ja'ay kyuye'ey kyunaxëtë, mëk nëjkx ja'ay yajtunëtë ets ayuu yajxëëwnaxëtëty, je'eyë nëjkx jyoot'anpëktë mëët ja yuu ets nëjkxëp tsyajp'ixtë ets tpoktë ja yajkutujkpë ets ja Tyiosëty.

Isaías 9:20

Nitu'ukjaty yë ja'ay aak ëxëëkëm ja myëku'uk t'ijxnë mëti'ipë pa'atënaayëpën, janty jëtu'un tjajë'kxy tjapo'otsy mëti'ipë pyätypyën anajnytsyow, je'eyëp ko kä'äpyëm kyu'uxyë. Aak kyutsu'tsnëp ja ja'ay ja y'u'unk y'ëna'k:

Amós 8:10

Ma ënety ja xëëw tyunyën jää nëjkx ja'ay tyëkëtë yaxpë mëët ko ënety t'ixtë may ja ja'ay y'o'knëtë, ja mëti'ipë ënety ëëwtëpën nän nëjkxëp tyëjkënëtë yaxpë mëët ko ënety may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënety ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

Lucas 12:20

Tyam ënety jëtu'un y'ënä'äny ko ja Dios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Lucas 13:28

Ënet ja ja'ay nëjkx jyë'ëtë ya'axtë ets nyätyëtskääpëtëty ko t'ixtëty ja Abraham, Isaac, Jacob ets ni'ëmukë ja Dios ja kyäjpxynyajxpëtëjk, jap ma Dios ja kyutujktaknën, tyam ënety miitsëty ni'ikyë të myaj'ëxwojptëpë.

Lucas 6:24

Miits kumeenyjyä'äyëty mon tuk myajpaatë, jä'ä ko tyämyë miits xytyukxoonkojtë.

Lucas 6:26

Mon tuk miitsëty myajpaatë ko ni'ëmukë ja naaxwiinyëtë ja'ay oy mnixon mni''itëtë, jä'ä ko jëtu'un ijty tëëyëp tääpë ja'ayëty yë y'aptëjk y'ëtë'ëtstë mëët ja win'ë'ënpëtëjk mëti'ipë nätyijëtëp ko Dios kyäjpxynyajxpë'atëtë.

Lucas 8:53

Ets ja Jesús tukxiktë, nyija'awëtëp ko tëë ja Jairo ja nyëëx y'o'knë.

Efesios 5:4

Ka'ap ëxëëkjaty m'ëwtëty mkajpxtëty, ëkë tëkatsy ja aaw ayuk xyajpëtsëmtëty ëkë jëtu'un mmëtya'aktëty ka'ap yowë mëpëktë, jä'ä ko ja jëtu'unpë ka'ap oy yaj'ixy, nikë yë'ë ja Dios myajmëjnaxtëp.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Santiago 4:9

Maytyë tajtë, mëjë'ë mëya'axtë ja mpokyëty, wä'än yë mxikënëty t'awinpity yä'äxy ets m'ijtën mxo'onënëty, ma'ayën tajën.

Apocalipsis 3:17

Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.

1 Samuel 2:5

mëti'ipë ënety ka'ap tii y'ëmaaytyakxëtyën, tyam yajtsiptäkpy ja yiinpë wäänpë; e ja mëti'ipë ënety yuu'o'këtëpën, tyam ka'ap ja tii t'ëkyaj'ëmaaytyaknë. Ja to'oxytyëjk mëti'ipë ënety ka'ap tjëkyepyën y'u'unkpaatëty, tyam ni'ik wëxtujk'ok ja y'u'unk të tnayajmëxu'unk'ajnë; e ja mëti'ipë ënety janty may ja y'u'unk y'ëna'kën, tyam jëtu'un ja jyaak yajpaaty tä yë aay ujts të xyjyotkëtaknën.