Lucas 6:21 - Biblia Dc en Mixe de Quetzaltepec

²¹ Akujk jotkujk miitsëty myajpaatë mëti'ipë tyam yuu'o'këtëpën, jä'ä ko m'itantëp ku'uxyë jotkëtä'äky. Akujk jotkujk miitsëty myajpaatë mëti'ipë tyam jëëytyëp yaxtëpën, jä'ä ko m'itantëp xi'iky xony.

Biblia Mixe de Quetzaltepec

²¹ Akujk jotkujk miitsëty myajpaatë mëti'ipë tyam yuu'o'këtëpën, jä'ä ko m'itantëp ku'uxyë jotkëtä'äky. Akujk jotkujk miitsëty myajpaatë mëti'ipë tyam jëëytyëp yaxtëpën, jä'ä ko m'itantëp xi'iky xony.

Lucas 6:21 ပူးပေါင်းရင်းမြစ်များ

Juan 6:35

Ënet ja Jesús y'ënëmaayëtë: Ëjts jëtu'un tsajpkääky mëti'ipë ja juukyajtën yäjkpyën. Pën xynyimiinpës, nijëna'a kyayuu'ookëtëty; ets pën xymyëpëjkpës, nijëna'a kyatëëtsëty.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Lucas 1:53

Tëë ja ayuupë axëëwpë tmo'oy ja nyaax kyam, ets awa'ats kë'ëwa'ats të tpëjktä'äky ja kumeenyjyä'äytyëjk.

Mateo 5:4

Jotkujk yë ja'ay yajpaatë mëti'ipë jëëytyëp yaxtëpën, jä'ä ko yë'ë Dios yajjotkujk'atanëtëp.

Apocalipsis 7:16

Ka'ap ja yuu tëëtsë t'ëkmëët'atanëtë, ka'ap nyi'ana'antë ets ka'ap y'an'ooka'antë,

Lucas 6:25

Mon tuk myajpaatë miitsëty, mëti'ipë tyam ku'uxyë jotkëtä'äky kaaytyëp uktëpën, jä'ä ko m'ayuu'atantëp miitsëty ok. Mon tuk miits myajpaatë, mëti'ipë tyam xiktëp xoontëpën; jä'ä ko mjë'ëjan mya'axantëp miitsëty ok mëët ja jotmay.

1 Corintios 4:11

Tyampaatës ja ëyo'on n'ixtë npaatë, ja yuu tëëtsë ets ko ja wit xox kyaka'ty, ëxëëkjaty ja ja'ay xytyuntës, ka'apës tii ja njëën ntëjkëty.

Juan 4:10

Ënet ja Jesús y'ëtsoowë: Ko jeexyë mijts xy'ëknijawë mëti'ipë ja Dios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënety tmëtoy mjë'ëy myä'äxy, je'eyë tmëtoowpaatëty ko ënety xy'amëtoy ja näypyutëkë, ënätyë mputëkëja'anyë.

Salmos 107:9

Yë'ë yajmoonëp yë ja'ay yë tyëëtsë mëti'ipë tëtsëpën, ets yajkääpy yaj'ukpy may yë ja'ay mëti'ipë yu'o'këpën.

Salmos 17:15

E ëjts, yë'ëjës xykyu'uxaanp, ko mijts n'ixëty wiinxë jëjpxë, koos jam näy'ixëtëty ma mijtsën koos ënety nma'awyijy.

Génesis 21:6

Ënet yë Sara ojts myäy tyäjy: Dios të tyajkutuky etsës nxi'ikëty ets tu'kë'ëyë njëëky nmëku'ukës mëti'ipës ënät xynyija'awëtëpën koos yë u'unk maay të nyajmëxu'unk'aty, näjyëtu'un ënät yë'ë xyiktëpëty.

Génesis 17:17

Ënet ojts yë Abraham nyäjyijtä'äkyë tyimtukpat yë wyimpok yë naax. Tää tukxiky ets myäy tyäjy: ¿Wä'än jëtää ja'ay tyeety'atëty mëti'ipë jyëmëjnën mëko'pxë? ¿Wa'an jëtää Sara u'unk tmëët'atëty ets majkta'px majk yë jyëmëjnë?

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Dios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Dios yajpaata'any mëët yë'ëty.

2 Corintios 12:10

Ets jotkujkës näjyawëty koos n'ëyoy, koos nyajwinkäjpxy nyajjëjpkäjpxy, koos nyaj'ixjëtity nyajpajëtity ets koos ëxëëk ja Kristë nkujatë. Koos npëkyë n'ixyë jääjës näjyawëty nmëktä'äky.

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

Juan 11:35

Ënet ja Jesús yäxy.

Ezequiel 9:4

ets të t'ënëëmë: Tukjëtijtëtya'a yë Jerusalén kajpn ets xypyëjkta'akëty tu'uk yë ijxpäjn ma wyimpokëtyën yë ja'ayëty mëti'ipë moontëp tujktëpën ko ja ja'ay ëxëëk y'ëtë'ëtstë y'ëna'antë jap kajpnjoty.

Ezequiel 7:16

Wä'än jëtää jam pën kopkkëjxm nyajtskääkëty, tä muuxyën mëti'ipë tsë'ëkëkäkpën; tëkokyë y'o'kta'aja'antë mëët ja nyëë pyokyëty.

Jeremias 31:25

Ku'uxyës nyajkaya'an nyaj'uuka'antë mëti'ipë ënety të y'ënu'kxëtën ets të myëjaawkëxtën.

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënety n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Isaías 66:10

Tukxoonta'aktë yë Jerusalén kajpn, tukxoonta'aktë ni'ëmukë jënu'un xytsyoktën; mujkta'atë ninu'un të xynyiya'axtën ets mëët jotkujk myajpaatëty;

Isaías 25:6

Jam ma Sión kopkën, yë Wintsën mëti'ipë maaytyääyëpën winë, tnipëjktaakëja'any tu'uk ja ka'ayën ukën, aakyë'ë pyëjkta'akäämpy oyëtypë jë'kxy pëky, oyëtypë kääky uuky, xu'kxëtypë ets pa'akëtypë.

Salmos 143:6

Jamës yë nkë'ë nnajtsxajë ma mijtsën koos nkajpxtä'äky, jä'ä ko nyajmëyäjtypyës yë mputëjk mpupäjtën jëtu'un tä yë naaxwiinyëtë nëë tyajmëyätyën.

Salmos 119:136

Komkomëty yë nwiinnëëjës pyëtsimy tä yë mëjnëë pyëyi'ikyën mëët ko ja naaxwiinyëtë ja'ay ka'ap tpatuny ja m'ijxpëjkën.

Salmos 65:4

Janty xoontä'äky yë ja'ay yajpaaty mëti'ipë mijts kë'ëm mwin'ijxypyën ets jam xyajnëjkxy tsënääpyë winkon ma m'ityën, ma ja tsënaaytyaknën mëti'ipë jam ma mtsajptëjkën. Jotkujk ëëts nnäyjyawëtë mëët ja xoontakën mëti'ipë jap ma mtsajptëjkën, ets ko jyap'aty ja oyajtën.

Salmos 28:7

Yë Wintsën yë'ëjës mëk xykyuwaanp, yë'ëjës të ntuk'ijxpety etsës të xypyutëkë. Jotkujkës näjyawëty; Ëwaanpës ko ënety ja Wintsën nkukajpxës.

Lucas 6:20

Ënet ja Jesús twin'ijxpejty ja y'ijxpëjkpëtëjk ets t'ënëmaay: Akujk jotkujk miitsëty myajpaatë mëti'ipë ëyoowtëpën, jä'ä ko miits mjä'ä'ajtëp ja Dios ja kyutujkën.

Lucas 6:22

Akujk jotkujk miitsëty myajpaatëty ko ja ja'ay m'ëxëëk'ixëtëty, m'ëxwopëtëty, m'ojëtëty ets jëtu'un myaj'ixtëty m'ëxëëkja'ay'ajtëp yowë, mëët ko yë'ë xymyëjwa'kpätë ja naaxwiinyëtë ja'ay ja y'U'unk.