Lucas 5:33 - Biblia Dc en Mixe de Quetzaltepec

³³ Tääts t'ënëmaaytyë ja Jesús: Yë Juan yë y'ijxpëjkpëtëjkëty ets fariseë y'ijxpëjkpëtëjkëty ayuu'ajtëp ni'ik ets nëkooyë Dios tja'amyäjtsnëtë; e mijts yë m'ijxpëjkpëtëjk xëmë kyäytyë y'uuktë ku'uxyë.

Biblia Mixe de Quetzaltepec

³³ Tääts t'ënëmaaytyë ja Jesús: Yë Juan yë y'ijxpëjkpëtëjkëty ets fariseë y'ijxpëjkpëtëjkëty ayuu'ajtëp ni'ik ets nëkooyë Tios tja'amyäjtsnëtë; e mijts yë m'ijxpëjkpëtëjk xëmë kyäytyë y'uuktë ku'uxyë.

Lucas 5:33 ပူးပေါင်းရင်းမြစ်များ

Proverbios 28:9

Pën jää pën mëti'ipë ka'ap tja'akyukëja'anyën yë Dios yë y'ënä'ämën tyiyajtën, Dios ka'ap nëjkx kyupëkyë ko tjamëkajpxëty.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Zacarías 7:6

miitsëty yë'ëkyëjxm jëtu'unpë xytyuntë jä'ä ko mku'uxëtë mjotkëta'akëtë.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Marcos 12:40

pyëjkëtëp ja ku'ookytyo'oxy ja jyëën tyëjk, je'eyë janty jeky kyajpxta'aktë ets tyu'utstë mëti'ipë tyuuntëkooytyëpën. Yë jëtu'unpë ja'ayëty ni'ik jeky yajtëytyuna'antë.

Lucas 11:1

Tëkok ja Jesús tmëpëjktsooy ja Dios. Ko tyajjëjpkuwatsëy, ënät ja y'ijxpëjkpë tu'uk y'ënëmaayë: Wintsën, tukni''ijxëtëkës yë Dios mëpëjktso'owën, ijxtëm ja Juan ja y'ijxpëjkpëtëjk tukni''ijxëyën.

Lucas 18:12

Ëjts mäjtsk okës n'ayuu'aty tu'ukpë sëmaan, nmoopy xëmë ja nkëpäjtënës, tu'kpëkyës xëmë njëpëky ma ja majk pëkpyën mëti'ipës npatyp n'ijxypyën.

Lucas 2:37

mëmajkta'px jëmëjt ënety ku'ooky të y'ijnë. Xëmë ja Dios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Dios tja'amyetsy.

Lucas 20:47

Pyëjkëtëp ja ku'ookytyo'oxy ja jyëën tyëjk, këtiipë pën nijawëty janty jekyëty nyätyijyë Dios mëkajpxtë. Je'eyëp ko yë'ëjëty mëk ni'ik yajtëytyuna'antë.

Lucas 5:32

Ka'apës yë'ëjëty të niminy wa'ats ja'aytyëjk, yë'ëjës të niminy pokyjä'äytyëjk.

Lucas 5:34

Ënet ja Jesús y'ëtsooy: ¿Mëpaat jëtää miits xyaj'ayuu'atë ja woypyë witsypë ma ja to'oxytyëjk yajnikay yajkni'uukyë ko ënety jam yajpaatë mëët ja ye'etyëjk mëti'ipë pëkaanpënë?

Juan 1:35

Komjëpom, tam ënety ja Juan jatëkok yajpaaty mëët nimäjtsk ja y'ijxpëjkpëtëjk.

Juan 3:25

Ojts jënaakën ja Juan ja y'ijxpëjkpë tyajkäjpxykyojtë mëët tu'uk ja jutiis ja'ay wi'ix ja ja'ay nyäyajwa'atsëtëtyën,

Hechos 9:11

Tääts y'ënëmaayë: Nëjkx ma ja tu'u txëëwatyën Tëytyu'u. Ko mja'tëty ma ja Judas ja tyëjkën, jam xyajnitëwëty ja Tarsëtë ja'ay mëti'ipë xyëëwajtypyën Saulo. Yë'ë tam ja Dios tja'amyetsy.