Lucas 4:35 - Biblia Dc en Mixe de Quetzaltepec

³⁵ Tääts ja Jesús twinkukajpxëy ja ku'oypyë ets t'ënëmaay: Amonyë, ëxmats tääpë ja'ay. Ënet ja ye'etyëjk yajkëtaawë ja ku'oypyë mayjyä'äyjoty ets y'ëxmajtsë, kä'äp ojts wi'ix y'ëktuunënë.

Biblia Mixe de Quetzaltepec

³⁵ Tääts ja Jesús twinkukajpxëy ja ku'oypyë ets t'ënëmaay: Amonyë, ëxmats tääpë ja'ay. Ënät ja ye'etyëjk yajkëtaawë ja ku'oypyë mayjyä'äyjoty ets y'ëxmajtsë, kä'äp ojts wi'ix y'ëktuunënë.

Lucas 4:35 ပူးပေါင်းရင်းမြစ်များ

Salmos 50:16

E yë ëxëëk ja'ay tyaa yë Dios y'ënë'ëmxëty: ¿Tii mpatëpën mijts ets xynyikajpx xynyimëtya'akëty ëjts yë n'ënä'ämën ntëyajtën ëkë nkäjpxytyu'unënës mëti'ipës të nyajwë'ëmyënë?

Zacarías 3:2

Ënet ja Dios ja kyukäjpxy të n'ënëëmë ja wiinkpë ja tsajpjotmëpë kukäjpxy mëti'ipë ni'ë'ënëpën: Ka'ap yë Wintsën mkupëkëtëty, wä'än m'ojyë jä'ä ko yë'ë tsyojkpy jya'ap yë Jerusalén kajpn. Tyaapë ja'ay jëtu'un yë'ë tä tu'uk yë jëënpajkën mëti'ipë të nyaamyajjuutyën jëënjoty.

Mateo 17:18

Ënet ja Jesús ojts t'ojpëtsëmy ja ku'oypyë ma ja yujkyeeky'ënakën ets ënätyë tsyoky y'akëtäky.

Mateo 8:26

Tääts ja Jesús y'ëtsooy: ¿Tii ko mtsë'ëkëtë, wäänë miits ja mëpëjkën xymyëët'atë? Ko jëtu'un y'ënäny, tääts tyënaakyujkëy ets ojts twinkukajpxë ja poj ets ja mejy ets pyojmoony.

Marcos 1:26

Mëk'äämpy ja ku'oypyë tyajtsëtyuupyijky ja ja'ay ets mëk yäxy jyojyky, ënät ja ku'oypyë pyëtsiimy.

Marcos 4:39

Ënet ja Jesús pyëti'ky ets twinkukajpxëy ja poj ets ja mejy t'ënëmaay: Mëtow, ka'ap myu'kxëty. Ënet ja poj myoony ets tu'k'ityë ojts wyi'im.

Marcos 9:26

Tääts ja ku'oypyë mëk y'ayaxtuty ets ja yä'äy ëna'k ojts tjaakyajmooty. Ënet ja ku'oypyë ojts pyëtsimy, jëtu'un yaj'ixy tëë yowë tyaj'ooky ja yä'äy ëna'k. Jëtu'un may ja ja'ay y'ënantë ko tëë y'ooky.

Lucas 11:22

E ko ënät tu'uk myiny wäänë mëkpë ets myëmëtä'äkyë, tu'kë'ëyë pyëjkta'ayxyëty mëti'ipë tyukuwäämpyën ets tyukjotkujk'ajtypyën ets ja pyëjktä'äky yajkniwaanta'ay mëti'ipë myëët'ajtypyën.

Lucas 4:23

Tääts ja Jesús y'ëtsoowëtë: Njëjp'ijxypës ko miits ya'atë ayuk xykyajpxa'antë: Tsooyëpë, näyajtso'okët kë'ëm. Ets xynyëëmëja'antës näjyëtu'un: Mëti'ipë ëëts të nmëtowtën të xytyuny jam Capernaúm, tun yaa näjyëtu'un ma mkë'ëmkajpnën.

Lucas 4:39

Ënet ja Jesús nimëjwä'ky ja to'oxytyëjk ets ojts t'ojy ja jëënpa'am, tääts ja jëënpa'am nyiwatsë ja to'oxytyëjk. Ënätyë pyëti'ky ets yajkaay yaj'ukëtë.

Lucas 4:41

May ja ku'oypyë pyëtsëëmtë ma ja pa'amja'ayëtyën ets mëk jyänty ëna'antë: Dios mijts m'u'unk'ajtëp. E ja Jesús ojts twinku'ojë ja ku'oypyë ets ka'ap tkupëjky ets kyajpxtëty, jä'ä ko nyija'awëtëp ënety ko ja Jesús jyä'äjëty ja Kristë.

Lucas 8:24

Tääts tyujxtë ja Jesús ets t'ënëmaaytyë: Wintsën. Wintsën. Tam nki'ina'anëmë. Ënet ja Jesús pyëti'ky ets mëk'äämpy twinkukajpxëy ja mëkpoj, ënät ja nëë ets ja mëkpoj myoony ets ja nëë kyiiy'a'awëy.

Lucas 9:39

Xëmë ku'oypyë myätsyë ets yajyä'äxy yajjokyë, mootyë pa'am myëët'ajtyp, yaxon o'pyk jyänty pyëtsimy y'aawjoty, o'ktëy jyäty kyëpety, ka'ap y'ëk'ëxmatsanënë.

Lucas 9:42

Ko ja yujkyeeky ëna'k tyajmiintë, ënätyë ja ku'oypyë yajkëtaawë ets pyätë ja mootyë pa'am. Ënet ja Jesús twinkukajpxëy ja ku'oypyë ets tyajtsoky ja yujkyeeky ëna'k ets tukë'ëtëjkëy ja u'unkteety.

Apocalipsis 12:12

Itë akujk jotkujk, miitsëty mëti'ipë ijtëpën tsajpjotm. Je'eyëp ko miitsëty ja'ayëty mëti'ipë tsënaaytyëpën mejypyë'aay, mon tuk myajpaatë, jä'ä ko tëë ja ku'oypyë mniminëtë a'äkë, ko të tnijawë ko wäänë ja tiempo tjaakmëët'aty.