Lucas 3:22 - Biblia Dc en Mixe de Quetzaltepec

²² ets ja Kënu'kxymyëkajtën nyikëtakë ijxtëm tu'uk ja pakën ets yajmëtooy ja ayuk jam tsajpjotm: Ëjts mijts n'u'unk'ajtyp, ntsojkpy nja'ap mijts ni'ik ets ntukjotkujk'ajtyp.

Biblia Mixe de Quetzaltepec

²² ets ja Kënu'kxymyëkajtën nyikëtakë ijxtëm tu'uk ja pakën ets yajmëtooy ja ayuk jam tsajpjotm: Ëjts mijts n'u'unk'ajtyp, ntsojkpy nja'ap mijts ni'ik ets ntukjotkujk'ajtyp.

Lucas 3:22 ပူးပေါင်းရင်းမြစ်များ

Salmos 2:7

Yë'ëjës nikajpxäämpy nimëtya'akäämpy mëti'ipë yë Wintsën të tuknipëjktaakën; yë'ëjës të xy'ënëëmë: Mijts n'U'unk'ajtyp, ëjts yë njot ne'pny mmëët'ajtyp.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Mateo 12:18

Tyaajës ja ntuunpë mëti'ipës të nwin'ixyën, mëti'ipës oy ntsojkpy ets jotkujkës mëët yë'ë, jamës ja nJa'awën mpëjkta'aka'any ma yë'ëjën, yë'ë kyajpxwa'kxëp pën wi'ixës ja naaxwiinyëtë ja'ay npaye'eyä'äny ijxtëm pyaat'atyë.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 27:43

Tëë jyot wyinma'any tpëjktä'äky ma Tiosën, wä'än Dios yë'ë tyam yajnitso'okyë pën tsojkëp, jä'ä ko yë'ë jëtu'un të y'ënä'äny ko Dios y'U'unk'atyë.

Mateo 3:13

Tääts ja Jesús tsyo'ony jam Galilea ets jyä'äjty ma ja Jordán mëjnëëjën, ets ja Juan jam yajnëëpätëtëty.

Mateo 3:16

Ko ja Jesús nyëëpäjtaay, ënät pyëtsiimy nëëjoty. Tääts ënätyë y'ëwatsy ja tsajp ets t'ijxy ja Kënu'kxymyëkajtën nyikëtä'äkyë ijxtëm tu'uk ja pakën.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Marcos 1:11

ets yajmëtooy tu'uk ja ayuk jam tsajpjotm y'ënä'äny: Mijts n'u'unk'ajtyp, mëti'ipës ntsojkpyën, tëëpës.

Marcos 1:9

Jää it ja Jesús tsyo'ony jam Nazaret, Galilea y'itjotm ets ojts ja Juan yajnëëpetyë ma Jordán mëjnëëjën.

Marcos 9:7

Ënet ja yoots ojts myiny ma ënety jamëtyën ets ojts ja yoots yajnitëkoyëtë; jap yootsjoty yajmëtooy tu'uk ja ayuk mëti'ipën ënanën: Ëjts ya'atë n'u'unk, mëti'ipës ntsojkpy nja'apën, mëtoow'itë ets mëmëtowtë wi'ix y'ënä'änyën.

Lucas 2:14

Mëjjaw jaantyjawë ja Dios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Lucas 4:21

Ënet ja Jesús kyajpxtso'ony: Tyam tëë tyuny jyätyë miits mwintuuyëty ya'atë Dios yë y'aaw y'ayuk këxja'aypyë.

Juan 1:32

Näyjyëtu'un ja Juan ojts tnikäjpxy: Tëës n'ixy ja Kënu'kxymyëkajtën kyëtä'äky tsajpwinm ijxtëm ja pakën ets të nyäpyëjktä'äkyë kyëpajkkëjxy.

Juan 12:28

Dios Teety, yaj'ixët ja mmëjajtën mjaantyajtën. Ënet ja ayuk yajmëtooy jam tsajpjotm y'ënä'äny: Tëës nyajmëjnaxy ets njaaktimyajmëjnaxäämpyës jatëkok.

Juan 5:37

E tëë näjyëtu'un ja Dios Teety, mëti'ipës të xykexyën nikäjpxy ja tëyajtën ëjtskyëjxm. Oy miits nijëna'a të xykyamëtowtë ets të xykya'ixtë,

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Colosenses 1:13

Tëë ja Dios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

1 Pedro 2:4

Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Dios wyin'ixyë ets ni'ik të tsyoowpaaty.