Lucas 24:50 - Biblia Dc en Mixe de Quetzaltepec

⁵⁰ Tääts ja Jesús ojts wyoowpëtsëmëtë jam kajpnjotm, Betania ojts wyoownëjkxëtë. Ënet ojts kyë'ënixajëtë ets kyënu'kxëtë.

Biblia Mixe de Quetzaltepec

⁵⁰ Tääts ja Jesús ojts wyoowpëtsëmëtë jam kajpnjotm, Betania ojts wyoownëjkxëtë. Ënät ojts kyë'ënixajëtë ets kyënu'kxëtë.

Lucas 24:50 ပူးပေါင်းရင်းမြစ်များ

Génesis 48:9

Ëjts yë n'u'unk n'ëna'k, mëti'ipës yë Dios të xymyo'oy të xykyexyën yaa Egiptë, jëtu'un y'ëtsooy yë José. Ënet yë tyeety y'ënëmaayë: Tun yë mëyajtën yaa yajmëjwa'aktë winkon, wä'änës n'ëkënu'kxtë.

Génesis 49:28

Ya'atë jëtu'un nimajkmäjtskpë y'u'unk'ajtyp yë Jacob, mëti'ipë yajtijpën näjyëtu'un Israel. Yë'ë ya'atë aaw ayuk kyajpx ko yë y'u'unk y'ëna'k tmooy yë kënu'kxën nitu'ukjaty.

Mateo 21:17

Ënet y'ëxmajtsëtë ets ojts ja Jesús nyijkxy jam Betania. Jamts ja tsuu tyajnajxy.

Marcos 10:16

Ënet ja Jesús ojts ja pi'k ëna'k tmëjwoy, ets ojts tkënu'kxy, je'eyë ja kyë'ë tuknikony.

Marcos 11:1

Ko tmëwinkoontë ja Jerusalén kajpn ets jyajtë ma ja Petfagé kajpnën ets jam ma Betania kajpnën, Olivo kopkwinm, jam ja y'ijxpëjkpë nimäjtsk tkäjxë'ky,

Lucas 24:51

Tam ënety kyënu'kxëtë, tääts y'ëxmajtsëtë ets ja Dios yajpa'tëjkëyë tsajpjotm.

Hechos 1:12

Tääts ja ijxpëjkpëtëjk tsyo'ontë jam ma ja Olivo Kopkën ets nyëjkxtë Jerusalén. Je'eyë ojts tu'uk mil metrën ye'eytyë, jä'ä ko jëtu'un ja Jutiis ja'ayëty ja y'ënä'ämën y'ëna'antë, ko wäänë ye'eytyëty po'kxënxëëw.

Hechos 1:9

Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.

1 Timoteo 2:8

Ntsojkpyës ets ja ja'ay tja'amyätstëty ja Dios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.

Josue 22:6

Ko jëtu'un kyajpxtaay, tä ojts je'eyë t'ëkjaakënu'kxnë ets nyäy'ëxmajtsënëtë, tääts ojts tsyo'onëtë ets nyëjkxnëtë ma jyëën tyëjkëtyën.