Lucas 24:32 - Biblia Dc en Mixe de Quetzaltepec

³² Ets nyäy'ënanëtë: Paatyëm jëtu'un janty jotkujk të näjya'awëmë ko tu'ujoty ja Dios ja y'aaw y'ayuk të xytyukmëmëtyakëmë.

Biblia Mixe de Quetzaltepec

³² Ets nyäy'ënanëtë: Paatyëm jëtu'un janty jotkujk të näjya'awëmë ko tu'ujoty ja Tios ja y'aaw y'ayuk të xytyukmëmëtyakëmë.

Lucas 24:32 ပူးပေါင်းရင်းမြစ်များ

Salmos 104:34

Jääpëk yë Dios t'oyjyawë yë njot nwinma'anyës, jä'ä ko ma yë'ëjën, jamës yë nxoontakën tsyoony.

Salmos 39:3

Yë njuukyjotës toopy jäämp ijty, koos nmëmay nmëtajy, ko tu'uk yë mëj jëën jap të myëjë njootjotyës, täätsës mëk të nyujk'ëna'any:

Proverbios 27:17

Yë juunpujxn jam yajme'ey ma juunpujxnën, ko ja'ay y'oyëja'anëty, myënaaxwiinyëtë ja'ay yaj'oyëtëp.

Proverbios 27:9

Yë jot winma'any yë'ë mëët jyotkujkë oyëtypë tsooy mëti'ipë pa'akxu'kpën; Näyjyëtu'un ja oypyë ja ëëwwij kajpxwijën yajjotkujktäkpy ja jëëky mëku'uk.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Jeremias 15:16

Koos ijty xymyëkäjpxy, jëtu'unës ja m'aaw m'ayuk njawë tä ja'ay tii tjë'kxyën; yë m'aaw m'ayuk jotkujkës ijty xyajnäjyawëty, jä'ä ko mijtsës xyjyä'ä'ajtp, Wintsën mëti'ipë maaytyääyëpën winë.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Marcos 4:34

E xëmë ja Jesús ja ja'ay tyaj'ijxpëky mëët ja ijxpäjtën, ok ja y'ijxpëjkpëtëjk tukmëmëtyä'äky mëti'ipë jyatijpyën.

Lucas 24:45

Tääts ja Dios ja y'aaw y'ayuk ojts tyukja'akyukëtë,

Juan 6:63

Ja Dios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

Hechos 28:23

Ënet tkäjpxy'ajtë jëna'a jatëkok ye'eymyuka'antë. Ko tpaty ja xëëw ets ja ja'ay nimay ye'eymyujktë ma ja Pablo ënety të jyajtä'äkyën. Ënet ja Pablo tyëjkëy mëtyakpë, jëtu'un kyutsu'ujëy, tuk'ëwaanë ja ja'ay wi'ix ja Dios ja kyutujkën. Jä'ä tyukmëmëtyak ja Moisés ja y'ënä'ämën ets wi'ix ja Dios ja kyäjpxynyajxpë y'ëna'antën, jëtu'un ojts tjatukmëpëka'any ko Jesús yë'ë jëtu'un Kristë.

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.