Lucas 21:36 - Biblia Dc en Mixe de Quetzaltepec

³⁶ Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Biblia Mixe de Quetzaltepec

³⁶ Jëjp'ixy xëmë myajpaatëty, ja'amyätstë ja Tios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Lucas 21:36 ပူးပေါင်းရင်းမြစ်များ

Job 27:10

Jä'ä ko yë'ë ka'ap jyamëty yë xoontakën tpaaty ma mëti'ipë maaytyääyëpën winë ets ka'ap nijëna'a tmëkäjpxy.

Salmos 1:5

Paaty yë ëxëëkja'aytyëjk nëjkxëp nyitukëtë ko ënety ja Dios tpaye'ey ja nëë poky, ja pokyjyä'äytyëjk ka'ap tmëët'ata'antë ijtakn ma ja wa'ats ja'aytyëjk tu'ukmukyë yajpaatën.

Jeremias 35:19

Ëjts Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, tyam n'ënëëmëtë ko ka'ap tyëkoy'ata'any yë Jonadab yë y'u'unk y'ok mëti'ipë ëjts xëmë xymyëtuntëpën.

Malaquías 3:2

Je'eyëp, ko ¿pën y'ëkwintänëp ko ënety myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

Mateo 24:42

Wijy kujk mjuuky'atëty, jä'ä ko ka'ap xynyijawëtë jëna'a myina'any ja mWintsënëty.

Mateo 24:43

Yë'ë nijawëtë, ko jeexyë tu'uk ja kutëjk nijawë ko koots myina'any ja mä'tspë ma tyëjkën, ka'ap jeexyë myaanaxy këtiipë tyëkëty ja mä'tspë ma tyëjkën ets tyonëty myäätsëty.

Mateo 24:44

Paaty miits näjyëtu'un mnäkyëwent'atëtëty, jä'ä ko jääjës nëjkx nminy ko ënety miits ka'ap xyjyëjp'ixtës.

Mateo 25:13

Näjyëjp'ixëtë, jä'ä ko ka'ap xynyijawëtë pën tii xëëw tii mëtëy jatëkok nmina'anyës.

Mateo 26:41

Juuky näyaj'itëtë ets ja'amyätstë Dios, këtii ja ku'oypyë mnätyukmëmëta'akëtë. Tsyojkpy ja aaw jot ets tunëty mëti'ipë Dios tyukjotkëtäkpyën, je'eyëp ko ja ni'kx kopk atoonk apatk yajpaaty.

Mateo 8:20

Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Marcos 13:33

E näjyëjp'ixëtë miits xëmë ets ja'amyätstë ja Dios, jä'ä ko ka'ap xynyijawëtë jëna'ajës nwinpita'any.

Marcos 13:37

Mëti'ipë miits yam ntuk'ëwa'anëtëpën, nän tëëjës yë ja'ay ntuk'ëwa'anëtya'atë: Juuky itë.

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Lucas 18:1

Tääts ja Jesús tnimëtyäky mëët tu'uk ja ijxpäjtën wi'ix kyopkpëkyëtyën ko ja'ay wyanë tsyowë ets ka'ap kyumay kyutajëty.

Lucas 20:35

Pën ja Dios të wyin'ixëtën ets tpaatëty ja juukyajtën mëti'ipë miimp këtakpën, oy ënety të y'ooky'itë, wä'än ye'etyëjk to'oxytyëjkëty; ka'ap nëjkx jëtu'un y'ëkpëjk y'ëk'uknëtë,

Lucas 21:35

jëtu'un tä ja jëyujk yajxokyën. Jä'ä ko minaanp ma tëkokyë ja naaxwiinyëtë ja'ayën.

Hechos 10:2

Xëmë ja Cornelio ijty twintsë'ëkë ja Dios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Dios.

1 Corintios 16:13

Näy'ijx'itëtë näkyëwent'atëtë ets tu'ukyë xyaj'itëty ja mëpëjkën. Amëk jotmëk myajpaatëty, këtii mtsë'ëkëtëty.

2 Corintios 4:14

Jä'ä ko nnija'awëm ëëtsajtëm ko ja Dios mëti'ipë yajjuukpyëjkën ja Jesús, näjyëtu'un xyajjuukpyëka'anëmë, ets mëët miitsëty mëët tu'ukyë xyajnëjkx'anëmë wyintum wyinkujk.

Colosenses 4:2

Xëmë ja Dios xyjyä'ämyätstëty. Wijy kejy mnäyaj'itëtëty ets mo'otë ja Dios ja kukajpxën.

1 Tesalonicenses 5:17

Ja'amyätstë ja Dios xëmë.

2 Timoteo 4:5

E mijts, niwijy nikejy mja'ay'atëty, mëtanë ja ëyo'on, kajpxwa'kx xëmë yë aaw ayuk oypyë, patun oy yë mtuunk.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

1 Juan 2:28

E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënety myiny jatëkok; nitii tsë'ëkë ets nitiitsëtyu'un ënety nkamëët'ajtëm ko myinëty.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Apocalipsis 11:4

Ja nimäjtskpë ijxpë mëtoopë, yë'ë tyijpy ja mäjtskpë ja olivë kepy ets ja mäjtskpë ja cera ato'oyën mëti'ipë Wintsën wintum yajpatpën.

Apocalipsis 6:17

Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Apocalipsis 8:2

Etsës n'ijxy niwëxtujk ja tsajpjotmëtë kukäjpxy jam tyänëtë Dios wintum, mëti'ipë yajmooytyën këëktu'uk ja xuxn.