Lucas 21:22 - Biblia Dc en Mixe de Quetzaltepec

²² Jä'ä ko ma tääpë xëëwën ëyo'on jää itaanp, jää y'atëwa'any ijxtëm ja Dios ja y'aaw y'ayuk y'ënä'änyën.

Biblia Mixe de Quetzaltepec

²² Jä'ä ko ma tääpë xëëwën ëyo'on jää itaanp, jää y'atëwa'any ijxtëm ja Tios ja y'aaw y'ayuk y'ënä'änyën.

Lucas 21:22 ပူးပေါင်းရင်းမြစ်များ

Isaías 34:8

Jëtu'un nëjkx ja Wintsën ja tsyip y'äkë tyajnaxy, jää jëmëjt nëjkx tyaj'ity ja tëytyu'unën, mëët ko ënety ja Sión kajpn o'ktëy të jyäty të kyëpety.

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Isaías 63:4

Ënätës të ntuknipëjktaakë etsës nipaye'eyä'äny ja nnaax nkajpnës; ets nyaj'ëwaatsëpëtsëma'anyës ma o'ktëy yajpaatën.

Jeremias 51:6

Käkpëtsëmtë jam Babilonyë. Näyyajtso'okëtë pënjaty jyëkyäjptëpën nyäyajtso'okëtëty. Këtii nëkoo xykyu'ookëtëty yë nyëë pyoky. Tëë tpaaty maas ntukumëtowa'antën ja nyëë pyokyëty etsës ntukukëpäta'antë tä pyaat'atëtën.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Mateo 1:22

Jëtu'un ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpë:

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Deuteronomio 32:34

E tëkokyë ya'atë tyunyën jyätyën nja'amyejtsypës yë'ë, tsyapës ntuknipëjkë'ëkëtë, mëti'ipë nëjkx ëxëëk tmëjat tmëkëpätën, jëtu'un tä ja'ay yë wyit myeeny tpëjkë'ëkyën.

Deuteronomio 32:43

Miitsëty naaxëty kajpnëty, xoonta'aktë mëët tu'kmukyë yë Wintsën yë nyaax kyajpn. Yë'ë ka'ap jëtu'unyë näyajninaxa'any, ko yë y'u'unk y'ëna'k y'ooktë tyëkoytyë. Pyaatëp yë xëëw po'o jëna'a ets tyajkutëkooytya'ajëty yë myëtsiptëjk, ets nëjkx ja nyaax kyajpn tpokymye'kxy.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.