Lucas 20:21 - Biblia Dc en Mixe de Quetzaltepec

²¹ Paaty ojts tyajtëwtë: Wintsën, nija'awëtyëp ëëts ko mijts mkäjpxy ets myaj'ijxpëky ijxtëm pyaat'atyën ets ka'ap yë'ë xytyuny mëti'ipë ja naaxwiinyëtë ja'ay tsyojktëpën. Mëtëy yë'ë ko mijts yë'ë ja'ay mtukni''ijxëp ja Dios ja nyë'ë tyu'u.

Biblia Mixe de Quetzaltepec

²¹ Paaty ojts tyajtëwtë: Wintsën, nija'awëtyëp ëëts ko mijts mkäjpxy ets myaj'ijxpëky ijxtëm pyaat'atyën ets ka'ap yë'ë xytyuny mëti'ipë ja naaxwiinyëtë ja'ay tsyojktëpën. Mëtëy yë'ë ko mijts yë'ë ja'ay mtukni''ijxëp ja Tios ja nyë'ë tyu'u.

Lucas 20:21 ပူးပေါင်းရင်းမြစ်များ

2 Crónicas 19:7

Ets t'ënëmaay: Mwinkutsë'ëkëtëp yë Wintsën ets mëk xytyim'ixtëty wi'ix winë oy xytyuntëtyën, jä'ä ko Wintsën ka'ap jëtu'unyë tnani''ijxnaxa'any ja ka'apë myëtëyëtyën ja tu'unën kajpxën, ka'apë pën tii oy tnipaye'eyën, ëkë mëti'ipë ëxëëktu'un ëxëëkajpxën nyimeenypyijkpyën.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

Salmos 12:2

Aak näwyin'ë'ënëtëp nixim niyam; ko tii tnimëtya'aktë aak je'eyë y'etykyajpxtë.

Salmos 55:21

Janty oy yajmëtoy kyajpxtë myëtya'aktë, ets tsojk xytyukmëpëjkmëty jyot wyinma'anyëty, ëk'ix yë on ko tii ntukniku'tsmëty. Yi'iyë myëmaay myëtajtëp tsip. Janty xu'kx yajjawë ja y'aaw y'ayukëty jëtu'un tä tojkxën ontsa'aypyë, e nëkoopë tyajmëtowëtë, jä'ä ko yë'ëjëty yë'ë nyipëjktakëtyëp wi'ix m'ëyo'onpaatëty.

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Marcos 12:14

Ënet ojts nyëjkxtë ets ja Jesús yajnëmaay: Wintsën, nija'awëtyëp ëëts ko mijts mëtëy mja'ay'äty, jä'ä ko ka'ap xymyëjpëjktä'äky oy pën wi'ixjaty m'ënë'ëmxëty, ka'ap yë'ëkyëjxmëty tii xynyikäjpxy ets ja'ay mtsokëtëty. Mijts yë'ë ja'ay mtuk'ëwa'anëp ja Dios ja nyë'ë'aaw tyu'u'aaw. ¿Oy ko yë yajkutujkpë César nmëkëpäjtmëtyë ëkë ka'apë? ¿Jyëkyejpy nmo'omyëty yë meenyë ëkë ka'apë?

Lucas 20:20

Ënet ojts tkäxtë ja ja'ay mëti'ipë pya'ix pyawoontëp ja Jesús, tääpë ja'ayëty oyjyä'äy nyäpyëjkta'akëtë, yë'ë tsyojktëp ets ja Jesús muum kyajpxtëkoyëty ets jëtu'un tkë'ëyaktëty ma ja Roma yajkutujkpën.

Lucas 20:22

¿Oy jëtää ko ja yajkutujkpë César nmëkëpäjtmëtyë ëkë ka'apë?

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

Gálatas 1:10

Ëjts ka'apës yë'ëjëty n'ixta'ay etsës yë ja'ay xykyumayëty, yë'ëjës ntsojkën'ajtyp etsës yë Dios xykyumayëty. Ka'apës yë'ëkyëjxmëty winë ntuny ets naaxwiinyëtë ja'ay xy'oyjyawëtyës. Koos jeexyë ëjts oy nwë'ëma'any ma naaxwiinyëtë ja'ayëtyën, ka'ap ënety ja Kristë ëjts xy'ëktuunpë'ajnë.

Gálatas 2:6

Ka'ap ojts tii jempyë ijxpëjkën xymyo'otës mëti'ipë ja kuttujkën myëët'ajtypyën; oyës ënety ka'ap yë'ëjëty nijawëja'any tii tyuunk'ajtëp, jä'ä ko Dios ka'ap yë'ë tmëjpëjktä'äky wi'ix pën y'ixëtyën.