Lucas 20:20 - Biblia Dc en Mixe de Quetzaltepec

²⁰ Ënet ojts tkäxtë ja ja'ay mëti'ipë pya'ix pyawoontëp ja Jesús, tääpë ja'ayëty oyjyä'äy nyäpyëjkta'akëtë, yë'ë tsyojktëp ets ja Jesús muum kyajpxtëkoyëty ets jëtu'un tkë'ëyaktëty ma ja Roma yajkutujkpën.

Biblia Mixe de Quetzaltepec

²⁰ Ënät ojts tkäxtë ja ja'ay mëti'ipë pya'ix pyawoontëp ja Jesús, tääpë ja'ayëty oyjyä'äy nyäpyëjkta'akëtë, yë'ë tsyojktëp ets ja Jesús muum kyajpxtëkoyëty ets jëtu'un tkë'ëyaktëty ma ja Roma yajkutujkpën.

Lucas 20:20 ပူးပေါင်းရင်းမြစ်များ

Lucas 11:54

ets jä'ä yajtëëwtëp wi'ix mëpaat ja Jesús kyajpxtëkoyën ets tni'ëënëja'antë.

Mateo 27:2

Tääts tyajnëjkxtë kë'ëtsumy ma ja yajkutujkpën Pilatë. Jamts tkë'ëyajktë.

Jeremias 11:19

Ëjts nitiijës ënety nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënety y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Salmos 81:15

Mëti'ipë myëtsip'ajtëpën yë Dios, tsë'ëkë mëët jeexyë të wyë'ëmta'atë, ma të yajtëytyuntën, tsa'ay jeexyë të wyë'ëmtë.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Lucas 20:26

Ka'ap ojts tyu'upaatë ma ja aaw ayukën, mëti'ipë ja Jesús nyimëtyäkpyën ma ja ja'ayëtyën ets tmatstëty; amonyë ojts wyë'ëmtë ko tmëtoowtë ja Jesús aak oyëty y'ëtsoy.

Marcos 3:2

Tap ja ja'ayëty mëti'ipë y'ijxtaaytyëpën ja winma'any pën tii y'ëktukni'ë'ënëtyëp ja Jesús, jä'ä nyijawëjantëp pën y'ëkyajktsokpy ja pa'amja'ay po'kxënxëëwjoty.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Salmos 66:3

Jëtu'un yë Dios ënëëmëtë: Dios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Salmos 38:12

Mëti'ipës xyaj'ookantëpën, tëë n'o'ktaknës tpëjkta'aktë yu'utsypë; mëti'ipës xyaj'ëyo'onpaatantëpën, ëxëëkëm xynyikajpx xynyimëtya'aktës, jëtu'un ijxtëm mëpaat yë nwinma'anyës myä'ätyën; janaam jatsojk yi'iyë myääytyëp tyajtëp wi'ixës ëxëëk njatëty nkëpätëty.

2 Samuel 14:2

paaty ojts tnikäxë tu'uk yë to'oxytyëjk kuwinma'anypë ets këpetypë, jam Tekoa kyukajpnëty. Ets t'ënëmaay: Yë'ë yam mpëjktsowäämpy ets mnäpyëjkta'akëtëty tä jeexyë mëk ja monyëtukyë xymyënaxy xyajnaxyën, yë'ë mtuktëkëp yë tukwit ets këtii yë on mnätyukjaaxëtëty këtiipë mpa'akxuukëty, jä'ä ko jëtu'un mëpaat mkëxë'ëky tä jeexyë ja monyëtukyë mtuktëjkëyënën mëët ko ja o'kën tëko'oyën të y'ity.

Daniel 6:4

Ja mëti'ipë anajx atëjkëtyëpën ets mëti'ipë yajkutujktëpën ojts ja winma'any t'ixta'atë wi'ix y'ëna'antëtyën ets tyajnipaxëtëkëja'antë ja Daniel ma yajkutukyën, ja Daniel wa'ats ja jyot wyinma'any ënety tmëëtëty paaty ka'ap tpatë ja pyoky; jëtu'un ka'ap yajni'ë'ënëy.

Lucas 20:21

Paaty ojts tyajtëwtë: Wintsën, nija'awëtyëp ëëts ko mijts mkäjpxy ets myaj'ijxpëky ijxtëm pyaat'atyën ets ka'ap yë'ë xytyuny mëti'ipë ja naaxwiinyëtë ja'ay tsyojktëpën. Mëtëy yë'ë ko mijts yë'ë ja'ay mtukni''ijxëp ja Dios ja nyë'ë tyu'u.