Lucas 2:49 - Biblia Dc en Mixe de Quetzaltepec

⁴⁹ Tääts ja Jesús y'ëtsoowëtë: ¿Tii koos xy'ixta'atë? ¿këtii xynyijawëtë ko kopkpëky etsës yaa nyajpaatëty maajës ja nteety ja tyëjkënë?

Biblia Mixe de Quetzaltepec

⁴⁹ Tääts ja Jesús y'ëtsoowëtë: ¿Tii koos xy'ixta'atë? ¿këtii xynyijawëtë ko kopkpëky etsës yaa nyajpaatëty maajës ja nteety ja tyëjkënë?

Lucas 2:49 ပူးပေါင်းရင်းမြစ်များ

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Mateo 21:12

Ënet ja Jesús tyëjkëy tsajptëkoty ets twojpëtsëëmtaay ja ja'ay mëti'ipë ënety jap to'ktëp yajktëpën ets ojts ja ja'ay ja tyo'kpäjn tijjë'ktaayë mëti'ipë ja meeny wyinkukoontëpën, ets ja tyo'kpäjnëty mëti'ipë pak to'ktëpën;

Lucas 2:48

Ko ja tyaak tyeety y'ijxpatëtë, mëj ixy t'ijxtë. Tääts ja tyaak y'ënëmaayë: U'unk, ¿tii koos jëtu'un xytyuntë? Yë mteety ets ëjts, tëë najënu'un n'ixtaaynyëtë, nëkooyës njotmaypyatnëtë mëët mijts.

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Juan 5:17

E jëtu'un ja Jesús ojts nyë'ëmxëtë: Yë nteetyës xëmë të tyuny, paatyës ëjts näjyëtu'un winë ntunyës.

Juan 5:36

Nmëët'ajtypës ja tëyajtën ni'ik këtiinëm ja Juan. Mëti'ipës ëjts ntuunpyën yë'ë mëti'ipë ja Dios Teety ëjts xymooyën ets ntunëtyës, yë'ë yajtëytyëjkëp koos ja Dios Teety të xykyexy.

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Juan 8:29

Mëti'ipës xykyäjxpën, mëëtës n'ity; nijëna'ajës nätyu'uk xykya'ëxmatsy, jä'ä ko yë'ëjës xëmë ntuunpy mëti'ipë tyukjotkëtäkpyën.

Juan 9:4

Ma tyam jyaakxënyëmëty, kopkpëky ko ntu'unmëty ja tyuunk mëti'ipës të xykexyën. Miimp ja kootsajtën ma ka'ap t'ëkjëkyäpnëtyën ets pën tyunëty.