Lucas 2:46 - Biblia Dc en Mixe de Quetzaltepec

⁴⁶ Kom tëkëëk xëëw tpatë ma ja mëjtsajptëjkën, jap ënety y'u'unyë akujk ma ja yaj'ijxpëjkpëtëjkëtyën; ja yaj'ixpëjkpëtëjk yë'ë myëtoow'ijtëp wi'ix ja Jesús myëtyä'äkyën.

Biblia Mixe de Quetzaltepec

⁴⁶ Kom tëkëëk xëëw tpatë ma ja mëjtsajptëjkën, jap ënäty y'u'unyë akujk ma ja yaj'ijxpëjkpëtëjkëtyën; ja yaj'ixpëjkpëtëjk yë'ë myëtoow'ijtëp wi'ix ja Jesús myëtyä'äkyën.

Lucas 2:46 ပူးပေါင်းရင်းမြစ်များ

1 Reyes 12:12

Kom tëkëëk xëëw ojts ja Jeroboam jam nyäwya'këxë'ëkyë mëët ja naax kajpn ma ja Roboamën, jëtu'un tä ënety ja yajkutujkpë të y'ënë'ëmxëtën.

1 Reyes 12:5

Tä ja Roboam y'ëtsoowëtë: Oy tyam mnëjkxtëty, jää jatëkok mintëty ja tëkëëk xëëw. Tä ojts ja ja'ayëty nyëjkxtë.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Mateo 16:21

Tääts ja Jesús ja y'ijxpëjkpëtëjk tmëmëtyaktso'ony ets t'ënëmaay ko kwanë nyëjkxa'any jam Jerusalén ets ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk yaj'ëyowa'anyë ets ja ja'ay yaj'ooka'anyë, je'eyëp ko kom tëkëëk xëëw jyuukpyëka'any jatëkok.

Lucas 2:47

Ni'ëmukë mëti'ipë jam y'amëtoow'ijtëpën, mëj'ixy t'ijxtë ko nëkoo wyijy'ajnë ets mëtëyëty t'ëtsoowinpity.

Lucas 5:17

Tu'kxëëw tu'ktiempë jyäjty kyëpejty, jam ënety ja Jesús yaj'ixpëky, tëë ënety jam nyaaxwäätstë yë fariseë ja'ayëty ets tsajptëkotyëtë yaj'ijxpëjkpëty. Tam yajpaatë ja'ayëty mëti'ipë tso'ontëpën Galilea, Judea ets Jerusalén. Ja Jesús ni'ikyë ja Wintsën ja myëj'ajtën tyaj'ixyë ko ja pa'amja'ay tyajtso'oky.

Juan 3:10

Ets ja Jesús y'ëtsoowë: Israel ja'ay yaj'ijxpëjkpë mijts, ¿ets ka'ap ya'atë xynyijawë?

Hechos 5:34

Jamts ënety tu'uk ja fariseë ja'ay, Gamaliel xyëëwajtyp ets tyuk'ijxpëjkpy ja jutiis ja'ay ja ënä'ämën ets wintsë'ëkë ja ja'ay yaj'ityë. Yë'ë ojts wya'kukë ets t'ënëmaay ja mayjyä'äy ets tuktsojk yajkäjxpëtsëmtëty ja ijxpëjkpëtëjk.

1 Timoteo 1:7

Jyatsojktëp ets jeexyë yaj'ixjpëktë ets nimëtya'aktë ja Dios ja y'ënä'ämën tyiyajtën, je'eyëp ko tkawinjawëtë yë'ëpaat ka'ap tukjotkujk'atë mëti'ipë nyimëtyaktëpën.