Lucas 2:37 - Biblia Dc en Mixe de Quetzaltepec

³⁷ mëmajkta'px jëmëjt ënety ku'ooky të y'ijnë. Xëmë ja Dios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Dios tja'amyetsy.

Biblia Mixe de Quetzaltepec

³⁷ mëmajkta'px jëmëjt ënäty ku'ooky të y'ijnë. Xëmë ja Tios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Tios tja'amyetsy.

Lucas 2:37 ပူးပေါင်းရင်းမြစ်များ

Salmos 22:2

Dios mëti'ipës nTios'ajtypyën, xëëny koots njamëkäjpxy, e mijts ka'ap ma m'ëtsoy. Ëjts ka'apës yë po'kxën n'ëk'ijxnë.

Salmos 23:6

Ja m'oyajtën ets ja mtsojkën mja'awën xëmë yajpaaty ma ëjtsën ets jëtu'un y'ita'any mapaatës njuuky'äty; ets ma mijts m'ityën, Wintsën, jamës n'ita'any winë xëëw winë jëmëjt.

Salmos 27:4

Tu'uk je'eyë mëti'ipës n'amëtoopyën yë Wintsën, tu'uk je'eyë mëti'ipës ntsojkën'ajtypyën. Yë'ë koos xëmë n'itëty ma Wintsën yë tsyajptëjkën mapaatës njuuky'ätyën, ets n'ëwtata'any etsës n'ixa'any yë y'oyajtën.

Salmos 84:10

Tsoowpatp ni'ik ja tu'kxëëwpë nyajpaatyës tsajptëkoty, këtiinëm koos jeexyë jëmëjt'am nyajpaaty tëja'p. Ëjts jotkujkës näjyawëtëty oy jeexyë je'eyë ntimy tyëjkëwent'ajtpës ma ja tsajptëjk yajnitëkën, ets këtii koos ënety ëxëëktum nyajpaaty.

Salmos 84:4

Janty jotkujk yë ja'ay yajpaatë mëti'ipë ijtëpën ma mtsajptëjkën ets jap xëmë mkuuy'iy mkuuyä'äxyë.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Dios yë tyëjkën, mëti'ipë nTios'ajtëmën.

Éxodo 38:8

Yë Besalel ojts ja akë'ëpujën tu'uk tyajkojy aak tsuxkpujxn, yë'ë ojts mëët tyaj'oyë ja to'oxytyëjkëty ja y'ijxnëty, mëti'ipë ënety nätyuk'ijxëtëpën ja jampë kyëwent'atën ma ja wit tëjk yajnitëkën ma ja näpyaatë y'ityën mëët ja Dios, ojts ja nyi'ëjx näjyëtu'un tyajkojë, aakyë'ë tsuxkpujxn yajtuun.

Lucas 5:33

Tääts t'ënëmaaytyë ja Jesús: Yë Juan yë y'ijxpëjkpëtëjkëty ets fariseë y'ijxpëjkpëtëjkëty ayuu'ajtëp ni'ik ets nëkooyë Dios tja'amyäjtsnëtë; e mijts yë m'ijxpëjkpëtëjk xëmë kyäytyë y'uuktë ku'uxyë.

Hechos 13:3

Tëë ënety ja Dios tja'amyäjta'atë ets y'ayuu'ajta'atë, ënät ojts tkë'ënixajtë ja Bernabé ets ja Saulo ets mëët nyäjyëkajpxëtë.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

Hechos 26:7

Yë'ë ja waantakën mëti'ipës njëjp'ijxtëpën ko tyunëtëty jyatëtëty ma ni'ëmukë ja majkmäjtsk pëkpyë ja Israel y'u'unk y'okën. Paaty xëmë ja Dios nmëtuntës xëëny koots. Mijts, yajkutujkpë, yë'ëjës ja jutiis ja'ay xytyukni'ë'ënëtëp koos yë'ë njëjp'ixtë.

1 Timoteo 5:5

Ja ku'ooky tyo'oxytyëjk mëti'ipë nätyu'uk të wyi'imyën, Dios ja yi'iyë tyuk'ijxpejtyp. Ka'ap t'ëxmatsy ja jëëytyak nu'kxtaak, ijtp ja xëëny koots ja Dios tja'amyetsy.

Apocalipsis 3:12

Pën mëtakp, yë'ëjës npëjkta'akäämpy ijxtëm ja tëjk po'kxën maas ja nTios ja tyëjkën ets ni wintim nijëna'a jap kyajëwa'akëty. Nkëjxja'ajäämpyës ja Dios ja xyëëw ma yë'ëjën ets ja kajpn xëëw, ja jempyë Jerusalén mëti'ipë tsajpjotm yajpatpën ets nkëjxja'aja'anyës ja jempyë ja nxëëwës ma yë'ëjën.

Apocalipsis 7:15

Paaty jam y'itë ma ja kutujktaknën ma ja Dios y'u'unyën, xëënaxy tsunaxy ja Dios tmëtuntë ma ja Dios ja tyëjkën. Yë'ë ijx'ijtëtëp këwent'ajtëtëp mëti'ipë u'unyääpyën ma kutujktaknën.

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Dios mëti'ipës n'ëwtajtëpën, ka'ap ma wiinkpë jëtu'unpë tä mijtsën.