Lucas 19:17 - Biblia Dc en Mixe de Quetzaltepec

¹⁷ Tääts ja yajkutujkpë y'ëtsooy: Oy jëtu'un, oy mijts të mtuny. Jä'äkyëjxm ko oy yiin wään tii të myajmo'oy tëë oy xyajtuunkpaaty; tyam mijts ntuknipëky ets myajkutukëty majk kajpn.

Biblia Mixe de Quetzaltepec

¹⁷ Tääts ja yajkutujkpë y'ëtsooy: Oy jëtu'un, oy mijts të mtuny. Jä'äkyëjxm ko oy yiin wään tii të myajmo'oy tëë oy xyajtuunkpaaty; tyam mijts ntuknipëky ets myajkutukëty majk kajpn.

Lucas 19:17 ပူးပေါင်းရင်းမြစ်များ

Lucas 16:10

Pën oy yajtuunpy ja wit meeny wäänëpë, näjyëtu'un tyajtuna'any ja maypyë. Pën ka'ap tyajtuny oy ja wit meeny wäänëpë, nän ka'ap tyajtuna'any oy ja maypyë.

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

Génesis 39:4

Ojts ja José tuk'oy'äty ets oy tsuj jyawëtëty ja wyintsën, tä ojts pyëjktä'äkyë ets tkëwent'atëty ja wyintsën. Yë'ë ojts yajtuknipëky tu'kë'ëyë winë mëti'ipë ja wyintsën myëët'ajtypyën ma jyëën tyëjkën ets kyuwits kyukëyëty.

1 Pedro 5:4

Jëtu'un ko ënety ja Wintsën Jesukristë myiny, ënät miits xy'ëxajëtëty ja kuttujkën ka'apë kyixy nyäxyën.

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Dios të wyinwitsëtën.

Romanos 2:29

Yë'ëkyëjxm ja ja'ay mëtëy jyutiis'aty ko oy ja y'aaw jyot, pën ja ijxwë'ëmën myëët'ajtyp mëti'ipë ja Kënu'kxymyëkajtën mooyëpën, ka'ap yë'ëkyëjxmëty ko ja ënä'ämën jyää'aty. Pën myëët'ajtypyën ja oyjyot oywyinma'any, yë'ë ja Dios oyjya'awëyëp, ka'ap jyä'äyëty.

Lucas 22:30

Ets jam mkaytyëty m'uuktëty maas ja nkaaypyäjnën mëti'ipë yajpatpën maas yë nkutujktaknën, ets mnaaxwäätstëty ma ja kutujktaknën ets xypyaye'eytyëty ja majkmäjtsk pëkpyë ja Israel ja y'u'unk y'ok.

Proverbios 27:18

Mëti'ipë kyëwent'ajtypyën, yë y'ääytyëëm y'ujtstëëm kë'ëm tjë'kxy tpëky; pën kyëwent'ajtyp yë wyintsën, kumay nyäxy.

Lucas 19:16

Tääts tu'uk jëyëjp myiiny, ets y'ënäny: Wintsën, majkpëkyës ja meeny të nyaj'u'unk'aty ja tu'kpëkpyë.

Lucas 19:18

Tääts ja wiinkpë myëjwä'ky ets y'ënäny: Wintsën, mëkoxkpëkyës të nyaj'u'unk'aty ja tu'kpëkpyë.