Lucas 18:30 - Biblia Dc en Mixe de Quetzaltepec

³⁰ yë'ë wäänëni'ik ja Dios mo'ojanëp ja oyajtën naaxwiinyëtë ets ok ja Dios myo'oja'anyë ja juukyajtën xëmëkyëjxmëpë.

Biblia Mixe de Quetzaltepec

³⁰ yë'ë wäänëni'ik ja Tios mo'ojanëp ja oyajtën naaxwiinyëtë ets ok ja Tios myo'oja'anyë ja juukyajtën xëmëkyëjxmëpë.

Lucas 18:30 ပူးပေါင်းရင်းမြစ်များ

Job 42:10

Ko ja Job tkënu'kxtaay ja myëku'uktëjk mëti'ipë mëët oy nyämyäyën, ojts ja Dios myooywyimpijta'ayë ja jyotkujk'ajtën, ni'ik ojts myo'oyë, tëkëëkjëtu'un tä ja mëti'ipë ënety të nmëët'atyën ko pya'tkë'p'ajty.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

Mateo 12:32

Nyimä'kxäämpy yë Dios ja ja'ay mëti'ipë myëkajpxtëkoopyën ja Naaxwiinyëtë ja'ay y'U'unk; yë'ë tëy pën myëkajpxtëkoopy ja Dios ja kyënu'kxymyëk'ajtën ka'ap yajnimä'kxa'any tyam ma naaxwiiny jyuuky'ätyën ets ni jää ma ënety y'ookyën.

1 Timoteo 6:6

Tëy ko mëj oyajtën yajpatp ko nmëpëjkmëty, je'eyëp ko, ënät ko ntukjotkujk'ajtmëty yi'iyë mëti'ipë nmëët'ajtëmën.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

Salmos 119:162

Ëjts janty jotkujkës nnäjyawëty koos të xytyukwinwanë winë, jëtu'unës nnäjyawëty tääjës jeexyë yë pu'ts pujxn muum may të npaatyën.

Salmos 119:127

Paaty ëjts mëkës ntsoky njawë yë m'ënä'ämën mtëyajtën këtiinëm jyëtu'unëty yë wa'ats pu'ts pujxn.

Salmos 119:111

Ëjts jëtu'unës njawë yë m'ënä'ämën mtëyajtën tä tu'uk yë kuma'ayënën winë xëëw winë jëmëjtpë y'ityën, jä'ä ko yë'ëjëty yajjotkujkëp yë njot nwinma'anyës.

Salmos 119:103

Janty pa'akës njawë xy'atëkë yë m'aaw m'ayuk ko tii xynyikäjpxy ka'ap jyëtu'unëty yë uuxpa'ak.

Salmos 119:72

Mëët ëjts, ni'ikës njawë tsyowpaaty yë m'ijxpëjkën mëti'ipë mijts mnikäjpxy mnimëtyäkpyën, këtiinëm jyëtu'unëty mëjpë këjääpë wit meeny, ijxtëm pu'ts pujxn poop pujxnën.

Salmos 37:16

Yë yiinpë wäänpë tmëët'atën yë oyjyä'äytyëjk, oy yë jëtu'unpë ni'ik këtiinëm yë ëxëëkja'aytyëjk ko kyumeeny'atë.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.